RSS
69. zk., 2015eko apirilaren 15a, asteazkena
- Bestelako formatuak:
- PDF (220 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DONOSTIA-SAN SEBASTIÁNGO LEHEN AUZIALDIKO 8 ZENBAKIKO EPAITEGIA
1703
EDIKTUA, 709/2014 hitzezko judizioaren ondoriozkoa.
JAKINARAZPEN ZEDULA
Donostiako Lehen Auzialdiko 8 zenbakiko Epaitegian, 709/2014 hitzezko judizioa bideratu da, Jesus Aguirre Ceberiok eskatuta, Raimundo Urdampilleta Iparraguirreren aurka eta Tomasa Soroa Fernandez de la Cuestaren jaraunsle ezezagunen aurka. Prozedura horretan epaia eman da. Hona hemen idazpurua eta epaitza:
32/2015 EPAIA
Epailea: Eva Cerón Ripoll.
Lekua: Donostia.
Eguna: bi mila eta hamabosteko martxoaren hogeia.
Alderdi demandatzailea: Jesus Aguirre Ceberio.
Abokatua: Cristina Martinez Ispizua.
Prokuradorea: Juan Jose Gonzalez Belmonte.
Alderdi demandatua: Raimundo Urdampilleta Iparraguirre, eta Tomasa Soroa Fernandez de la Cuestaren jaraunsle ezezagunak.
Abokatua.
Prokuradorea.
Judizioko gaia: jarduera erdiko jabetasuna deklarazteko hitzezko deklarazioko judizioko demanda.
EPAITZA
Osorik baiesten dut Juan José González Belmonte prokuradoreak, Cristina Martínez Ispizua letraduaren zuzendaritza teknikoaren pean, Jesús Aguirre Cebeiroren izenean eta ordezkaritzan aurkeztutako demanda, auzi-ihesean diren Raimundo Urdampilleta Iparraguirreren aurka eta Tomasa Soroa Fernandez de la Cuestaren jaraunsle ezezagunen aurka. Horrenbestez,
1.– Deklaratzen dut Jesús Aguirre Cebeiro demandatzailea, Zubietako Echeverriaga edo Echeverri etxearen erdiaren egungo jabe gisa, Echeverriaga edo Echeverri etxearen titularrari dagokion eraginaren erdiaren jabe dela, eta 16 eragin eta erdiren jabe, zeinetan zatituta baitago Donostiako artxiboan inskribatutako 785 finka-erregistroaren (Alamandegui Berri izenekoa; 1618. liburukia, 14. liburua, 1. orrialdea) eta 797 finka-erregistroaren (Serorechea izenekoa; 1618. liburukia, 14. liburua, 6. orrialdea) titulartasuna.
2.– Eta, ondorioz, Donostiako 4 zenbakiko Jabetza Erregistroari agindua ematen diot inskribatzeko eragin erdia, 785 finkan (Alamandegui Berri Etxea, 1. orrialdea, 1618. liburukia) eta 797 finkan (Serorechea Etxea, artxiboko 1618. orrialdea, 14. liburua, 3. sekzioa).
Kostuak Raimundo Urdampilleta Iparraguirreri eta Tomasa Soroa Fernandez de la Cuestaren jaraunsle ezezagunei ezartzen zaizkie berariaz.
Aurkaratzeko modua: apelazio-errekurtsoa, Gipuzkoako Probintzia Auzitegian (1/2000 PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (1/2000 PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (2812 0000 03 0709 14) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Ebazpen honen ziurtagiria egin eta ondoren jarduerei erantsi beharko zaie. Epaitegi honetako Epai Zibilen Liburuan sartu beharko da jatorrizko agiria.
Hala erabaki, agindu eta sinatzen dut.
Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari naizenez, horren guztiaren fede ematen dut Donostian, bi mila eta hamabosteko martxoaren hogeian.
Demandatu diren Tomasa Soroa Fernandez de la Cuestaren jaraunsle ezezagunei demandatuari behar bezalako jakinarazpena egiteko balio dezan, ematen eta sinatzen dut ediktu hau, Donostian, bi mila eta hamabosteko martxoaren hogeian.
IDAZKARIA.
