63. zk., 2015eko apirilaren 7a, asteartea
- Bestelako formatuak:
- PDF (213 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSASUN SAILA
1525
AGINDUA, 2015eko martxoaren 13koa, Osasuneko sailburuarena, Vitoria-Gasteizko farmazia-eskualdean beste farmazia-bulego bat sortzeko prozedurari hasiera eman zaiola eta bigarren bat sortzea bidezkotzat jotzen dela iragartzen duena.
Osasun eta Kontsumoko sailburuaren 2012ko maiatzaren 18ko Aginduaren bidez iragarri zen bidezkoa zela Vitoria-Gasteizko farmazia-eskualdean beste farmazia-bulego bat sortzea, urte hartako udal errondako biztanleriaren datuen arabera. Hala ere, Euskal Autonomia Erkidegoko Auzitegi Nagusian 1073/2008 prozedura arrunta egin zenez, beste farmazia-bulego baterako deialdia atzeratu behar izan zen, harik eta auzi judiziala ebatzi arte; izan ere, ezin zen zehaztu zein osasun-barrutitan koka zitekeen farmazia.
Prozeduraren epai irmoa izanda (EAEANko Administrazioarekiko Auzietako Salaren 388/2012 epaia), bidezkoa da administrazio-prozedura horri hasiera ematea.
Bestetik, Vitoria-Gasteizko biztanleriaren 2015eko udal erroldako datuak jakinda, bidezkotzat jotzen da beste farmazia-bulego bat jartzea Vitoria-Gasteizko farmazia-eskualdean.
Hala ere, une honetan ezin da zehaztu zein osasun-barrutitan koka daitekeen bigarren farmazia hori, lehenaren kokapenaren arabera zehaztu behar baita. Hori dela eta, farmazia-bulegoak sortzea, lekuz aldatzea, ixtea eta jardunean jartzea arautzen duen ekainaren 27ko 338/1995 Dekretuaren 1.3 artikuluan xedatutakoa betetzeko, bigarren farmazia hori sortzeko prozedurari hasiera emateko deialdia egingo da, kokalekuaren gaineko, hau da, osasun-barrutien gaineko zalantza argitu ostean.
Azaldutako guztiagatik,
EBAZTEN DUT:
1.– Deialdia egiten da Vitoria-Gasteizko farmazia-eskualdean beste farmazia-bulego bat sortzeko, farmazia-bulegoak sortzea, lekuz aldatzea, ixtea eta jardunean jartzea arautzen duen ekainaren 27ko 338/1995 Dekretuan xedatutakoarekin bat (otsailaren 3ko 24/2004 Dekretuak aldatu zuen dekretu hori).
2.– 11/1994 Legearen 13. artikuluan xedatutako irizpideekin eta 2012ko biztanleriaren datuekin bat, deialdiko farmazia-bulegoa honako hiru osasun-barruti hauetakoren batean kokatu beharko da:
○ 1.1.02: Aranbizkarra II.eko osasun-barrutia.
○ 1.1.04: Santa Luziako osasun-barrutia.
○ 1.1.10: Lakuabizkarrako osasun-barrutia.
3.– Farmazia-bulegoaren titulartasuna lortzeko eskabideak aurkezteko epea hilabetekoa izango da, agindu hau Euskal herriko Agintaritzaren Aldizkarian argitaratu eta biharamunetik aurrera.
4.– Aipatutako eskabideekin batera aurkeztu beharko dira ekainaren 27ko 338/1995 Dekretuaren 2. artikuluan aurreikusitako agiriak, 24/2004 Dekretuak emandako idazkuntzaren arabera.
5.– 4/1999 Legeak aldatutako Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 38.4 artikuluan ezarritakoez gain, eskabideak honako helbide hauetan aurkeztu ahal izango dira:
Osasun Saila
Donostia kalea, 1
01010 Vitoria-Gasteiz.
Arabako Lurralde Ordezkaritza
Olagibel kalea 38
01004 Vitoria-Gasteiz.
Gipuzkoako Lurralde Ordezkaritza
Antso Jakitunaren kalea 35.
20010 Donostia.
Bizkaiko Lurralde Ordezkaritza
Recalde zumarkalea 39
48008 Bilbao.
6.– Iragartzea bidezkoa dela Vitoria-Gasteizko farmazia-eskualdean beste farmazia-bulego bat sortzea, 2015eko udal erroldatik ateratako datuak oinarritzat hartuta.
7.– Aipatutako farmazia-bulego hori sortzeko deialdia Euskal Herriko Agintaritzaren Aldizkarian argitaratutako iragarki baten bidez egingo da, aipatutako 11/1994 Legearen 13. artikuluko irizpideen arabera non koka daitekeen jakin bezain laster.
8.– Iragarki horrek, halaber, aipatutako farmazia-bulegoaren titulartasuna lortzeko eskabideak aurkezteko epea adierazi beharko du.
Vitoria-Gasteiz, 2015eko martxoaren 13a.
Osasuneko sailburua,
JON DARPÓN SIERRA.