RSS
133. zk., 2011ko uztailaren 13a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
Bilboko Lehen Auzialdiko 6 Zenbakiko Epaitegia
3554
EDIKTUA, ezkontzaz kanpoko seme-alabentzako neurrietarako 668/10 prozeduraren ondoriozkoa.
Bilboko (Bizkaia) Lehen Auzialdiko 6 zenbakiko Epaitegia.
Judizioa: 668/10, ezkontzaz kanpoko seme-alabentzako neurriak.
Demandatzailea: Mariana Galindo Pantoja.
Abokatua: Javier Garcia de Vicuña Melendez.
Prokuradorea: Haize Vizcaya de Muerza.
Demandatua: Jhon Fredy Guevara Trejos.
Gaia: KZ. IV-VII TIT.
Judizio horretan epaia eman da eta hauxe diote idazpuruak eta epaitzak, eta epaia argitzeko autoak:
203 EPAIA
Epailea: Francisco Benito Alonso.
Lekua: Bilbao (Bizkaia).
Eguna: bi mila eta hamaikako apirilaren hemezortzia.
Alderdi demandatzailea: Mariana Galindo Pantoja.
Abokatua: Javier Garcia de Vicuña Melendez.
Prokuradorea: Haize Vizcaya de Muerza.
Alderdi demandatua: Jhon Fredy Guevara Trejos.
Abokatua.
Prokuradorea.
Judizioaren gaia: guraso eta seme-alabentzako neurriak.
EPAITZA
Baietsi egiten dut Haize Vizcaya de Muerza prokuradoreak Mariana Galindo Pantojaren izenean eta ordez aurkeztutako demanda, Javier Garcia de Vicuña Meléndezen aurkakoa. Hori dela-eta, aurretik erabakitako neurriak ordeztuko dituzten behin betiko neurri hauek hartu ditut:
Lehenengoa.- Mariana Galindo Pantojari ematen zaio 2009-04-10ean sortu zen XXXXX-ren zaintza eta jagoletza, eta bere gaineko guraso-ahala ere amak soilik izango du.
Bigarrena.- Ez da adingabearen aitarentzako bisita- eta egonaldi-erregimenik ezartzen.
Hirugarrena.- John Fredy Guevara Trejosek, ebazpen hau ematen den egunetik aurrera, lan-sari, soldata, jornal, ordain-sari, pentsio edo jarduera profesional eta merkataritza-jarduera autonomoetatik etorritako bestelako diru-sarreren % 20 ordaindu beharko du, bere alaba XXXXX-rentzako elikadura-pentsio gisa; dena den, ehun (100) euro ordaindu beharko du gutxienez. Kopuru hori urtero eguneratuko da, ebazpen honen data erreferentziatzat hartuta, INEk edo haren ordezko erakundeak argitaratutako KPIaren arabera.
Laugarrena.- Adingabeak izaten dituen ezohiko gastuak bi gurasoek erdibana ordainduko dituzte.
Prozesuko kostuei dagokienez, ez da berariazko erabakirik hartu.
Aurkaratzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua).
Errekurtsoa prestatzeko, idazkia aurkeztu behar da epaitegi honetan, ediktu hau jakinarazi eta biharamunetik aurrera bost egun balioduneko epean. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabakiren aurka egiten den (PZLb, 457.2 artikulua).
Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan zainpean jarri beharko da. Kontuaren zenbakia hauxe da: 4710. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa prestatzerakoan, diru-zenbateko hori zainpean jarri izana egiaztatu beharko da (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Jhon Fredy Guevara Trejos demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen (PZLb) 497.2 artikuluan xedatutakoaren arabera.
Ebazpen horren aurka apelazio-errekurtsoa aurkez dezake auzi-ihesean den demandatuak.
Jakinarazten den ebazpenaren testu osoa interesdunaren eskura dago, epaitegi honetako bulego judizialean.
AUTOA
Epailea: Francisco Benito Alonso.
Lekua: Bilbao (Bizkaia).
Eguna: bi mila eta hamaikako maiatzaren hirua.
AURREKARIAK
Lehenengoa.- Prozedura honetan 2011ko apirilaren 18an epaia eman zen eta auzi-jartzaileari 2011ko apirilaren 28an jakinarazi zitzaion, Fiskaltzari 2011ko apirilaren 27an, eta demandatuari ez zaio oraindik jakinarazi, auzi-ihesean baita.
Bigarrena.- Ebazpen horretan ageri dira Aurrekariak eta Epaitza, eta demanda Haize Vizcaya de Muerza prokuradoreak aurkeztu izana Mariana Galindo Pantojaren izenean eta ordez, ondokoaren aurka:
Javier Garcia de Vicuña Meléndezen aurka, baina hau auzi-jartzailearen letradua da eta ez alderdi demandatua.
Hirugarrena.- Vizcaya de Muerza prokuradoreak idazkia aurkeztu du ondokoa eskatuz: «2011ko apirilaren 18an emandako epaia zuzentzea», interesdunak eskatu bezala.
ZUZENBIDEKO OINARRIAK
Lehenengoa.- Prozedura Zibilaren 1/2000 Legearen 214.1 artikuluak zera ezartzen du: epaimahaiek ezin dituzte aldatu ebazpenak behin sinatuta; baina argi geratu ez diren kontzeptuak argitu eta akats materialak zuzendu ahal izango dituzte.
Artikulu horren 2. paragrafoaren arabera, argitzea edo zuzentzea, ofizioz egin ahal izango da, ebazpena argitaratu osteko bi egunen barruan; bestela, alderdiek edo Fiskaltzak egin ahal izango dute eskaera, epe berean, baina kasu horretan, jakinarazpena egiten denetik. Errakuntza material agerikoak edo aritmetikoak izanik, edozein unetan zuzendu ahal izango dira (PZLb, 214. artikuluko 3. idatzi-zatia).
Bigarrena.- Kasu honetan interesdunak eskatu bezala zuzentzea bidezkoa da, bai Aurrekarietan eta bai Epaitzan, eta beraz, Javier Garcia de Vicuña Meléndezen aurkakoa dioenean, honakoa esan behar du «Jhon Fredy Guevara Trejosen aurkakoa».
XEDAPENAK
1.- Prozedura honetan 2011ko apirilaren 18an emandako epaia zuzentzea erabaki da, honelaxe hain zuzen:
Honakoa dioenean «Javier Garcia de Vicuña Meléndezen aurkakoa, bai Aurrekarietan eta bai Epaitzan», honakoa esan behar du «Jhon Fredy Guevara Trejosen aurkakoa».
2.- Aipatutako ebazpena aurrekarietan adierazitako moduan idatzita geratuko da behin betiko, honela:
AURREKARIAK
Lehenengoa.- Haize Vizcaya de Muerza prokuradoreak Mariana Galindo Pantojaren izenean eta ordez demanda aurkeztu zuen, Jhon Fredy Guevara Trejosen aurka, guraso eta seme-alaben arteko harremana arautzeko.
EPAITZA
Baietsi egiten dut, esan bezala, Haize Vizcaya de Muerza prokuradoreak Mariana Galindo Pantojaren izenean eta ordez aurkeztutako demanda, Jhon Fredy Guevara Trejosen aurkakoa.
Sar bedi ebazpen hau Epaien Liburuan eta bidal bedi testigantza auto nagusietara.
Inpugnatzeko modua: auto honen aurka ez dago errekurtsoa aurkezterik. Jatorrizko ebazpenaren aurka, ostera, hura jakinaraztean zehaztutako errekurtsoak jar daitezke (PZLb, 214.4 artikulua).
Aurreko paragrafoan aipatzen diren errekurtsoak aurkezteko epeak, hala badagokio, ebazpen hau jakinarazi eta biharamunetik hasiko dira (PZLb, 448.2 artikulua).
Epaileak ebatzi eta sinatu du. Fede ematen dut.
Epailearen sinadura Idazkariaren sinadura
Bilbao (Bizkaia), 2011ko maiatzaren 6a.
IDAZKARI JUDIZIALA.
