Argazkiaren egilea:
Patricia Baños Carril

Izena ematea: 2013ko martxoaren 28tik apirilaren 27ra. 

Internet bidez egin dezakezu oso erraz, formulario elektronikoa betez. 

Martxoaren 28an, 9:00etan, aktibatuko den eta apirilaren 27an, 24:00etan, desaktibatuko den formularioan honako datu hauek adierazi beharko dira: nortasun-datuak; prestakuntza akademikoari eta bestelako prestakuntzari buruzkoak; eta lan-arloko eta boluntariotzako esperientziari buruzkoak.

Eskabidea Internetez bidali baino lehen, honako atal hauek arretaz irakurri:

• Bete beharreko baldintzak
• Konpromisoak
• Hautatzeko prozesua

Eskabidea bete eta Internetez bidalitakoan, eskatzaileak izena emateko eskabidearen egiaztagiria pdf formatoan ireki eta inprimatu behar du (behar izanez gero, Acrobat Reader programa deskarga dezakezu).

Nahiago izanez gero, programaren deialdia arautzen duen Aginduaren I. eranskinean jasotako eskabide orria bete, sinatu eta Eusko Jaurlaritzako Kulturako Lurralde Zerbitzuetan aurkeztu:

• Araban: Donostia-San Sebastián 1, Vitoria-Gasteiz
• Bizkaian: Gran Vía 85, Bilbao;
• Gipuzkoan: Andia 13, Donostia.

Kulturako Lurralde Zerbitzuetako ordutegia: astelehenetik ostegunera: 9:00 – 13:00 eta 15:00 – 16:30 eta ostiraletan: 9:00 – 14:00.

Arazoren bat baduzu izena emateko, mezua bidali gazteria-lankidetza@ej-gv.es helbidera eta zurekin harremanetan jarriko gara. 

Internet ez dutenek, Internet zerbitzua erabil dezakete KZgunea Zentroetan.

Izena eman baduzu, egutegia eta gazteak hautatzeko prozesua interesatzen zaizkizu.

Argazkiaren egilea:
Patricia Baños Carril

1.- Aurrehautatzen baldin bazaituzte, programan parte hartzeko bete beharreko baldintzak betetzen dituzula egiaztatu beharko duzu. Horretarako, Eusko Jaurlaritzako Gazteria eta Gizarte Ekintza Zuzendaritzak honako agiri hauek eskatuko dizkizu:

• Zure NANaren edo AIZaren kopia.
• Erroldatze-agiria, 2013ko urtarrilaren 1a baino lehenagotik Euskal Autonomia Erkidegoko udalen bateko erroldan zaudela egiaztatzen duena.
• Bi argazki ere bai.
• Gainera, izena emateko zure eskabidean adierazi dituzun prestakuntza eta esperientzia ere egiaztatu beharko dituzu, dagozkien tituluak eta ziurtagiriak aurkeztuta.
• Guzti horrekin batera, izena emateko betetzen ari zaren eskabide honen egiaztagiria ere aurkeztu beharko duzu, sinatuta. Orain izena ematen amaitzen duzunean, inprimatu ahalko duzu.

2.- Azkenean hautatzen baldin bazaituzte, honako hau dioen aitorpena sinatu beharko duzu, zure erantzukizunpean: alegia, ez duzula zigor administratibo edo penalik laguntza publikoak lortzeko, ezta ere horretarako gaitasuna kentzen dizun legezko debekurik, sexu-bereizkeriaren ziozko zigor administratibo edo penalak barne hartuta, Emakumeen eta Gizonen Berdintasunerako otsailaren 18ko 4/2005 Legearen Azken Xedepenetatik seigarrenaren indarrez.