Eusko Jaurlaritzak Izaskun Goñi Razquin izendatuko du Pasaiako Portuko Agintaritzako presidente, martxoaren 25eko Gobernu Kontseiluaren bileran, erretirora pasako den Joakin Telleriaren ordez.
Izaskun Goñi NAEN - Akitania Berria-Euskadi-Nafarroa Euroeskualdeko Batzorde Betearazleko kidea izan da 8 urtez. Bertan, lankidetza logistikoko mugaz gaindiko proiektuetan eta Europako funtsak biltzen lan egin zuen.
Nafarroako Gobernuko Garapen Ekonomikoko Departamentuko zuzendari nagusi ere izan da 8 urtez, eta Industria, Digitalizazioa, Politika Ekonomikoa, Nazioarteko Merkataritza, Europako Funtsak eta Lan arloez arduratu da.
Bere ibilbide profesional garrantzitsuari esker, ezagutzak pilatu ditu Pasaiako portuaren hurrengo hazkunde-faseari aurre egiteko eta Euroeskualde Atlantikoko nodo logistikoekin lankidetzan sakontzeko.
Ikus informazio osoa (Iturria: Eusko Jaurlaritzaren Irekia webgunea) - jakinarazpena
Ikus informazio osoa (Iturria: Eusko Jaurlaritzaren Irekia webgunea) - harrera
EIES - Europako informazioaren Euskal Sarea: Europako gaurkotasuneko beste edukietarako sarbidea