Vienako Udala izan da aste honetan Bakardadearen aurkako Nazioarteko Foroaren bigarren edizioaren agertokia. Foro hori Austriako bakardadearen aurkako plataformak eta herrialdeko beste erakunde batzuek antolatzen dute.

Ekitaldia Europako Interreg Europa KORALE (Bakardadea politika publikoetatik prebenitzeko eta jorratzeko ezagutza) programaren parte izan da. Ekimen aitzindaria da, eta Austria, Portugal, Irlanda, Belgika eta Danimarka Gipuzkoarekin lotzen ditu, gizarte-kohesioa sustatzeko eta bakardadea murrizteko helburuarekin, ebidentzian eta lankidetzan oinarritutako politika publikoen bidez. Foro horren lehen edizioa ekainean egin zen, Donostian, Gipuzkoan, eta Gipuzkoako lurraldea proiektuaren eragile eta bultzatzaile gisa nabarmendu zen, Hariak estrategia berritzaileari esker. Estrategia hori, berriz ere, EBko herrialdeentzako "eredu inspiratzaile" gisa aurkeztu zen Vienan.

Maite Peña Zaintza eta Gizarte Politiketako diputatuak nabarmendu duenez, Vienan ospatutako Bakardadearen aurkako Nazioarteko Foroak agerian utzi du Hariak Europako erreferentziazko eredu gisa bakardadearen erronkari ikuspegi integral, berritzaile eta kolaboratibo batetik aurre egiteko.

Ikus informazio osoa (Iturria: Gipuzkoako Foru Aldundiaren webgunea)

EIES - Europako informazioaren Euskal Sarea: Europako gaurkotasuneko beste edukietarako sarbidea