Bingen Zupiria sailburuarekin batera, lehendakaria Denon Artean Sariaren banaketan izan da. Sari hori Europako Batzordeak jaso du. Euskal Kooperatibismoaren saria Nicolas Schmit Enpleguko eta Gizarte Eskubideetako Europako komisarioak jaso du. Lehendakariak gogorarazi dio duela urtebete Ajuria Eneko Jauregian egin zuten bilera, "Euskadik Europarekin zuen lotura estua eta zintzoa balioesteko" balio izan zuena.
Bere hitzaldian, Iñigo Urkulluk gizarte-ekonomia osatzen duten "familia" bakoitzari bere lana aitortu nahi izan dio, eta adibideen artean larrialdien aurrean berehala erantzuteko neurriak aipatu ditu, hala nola pandemiaren edo Ukrainaren inbasioaren ondoriozkoak.
"Horiek dira orain arteko urratsak, eta gure begirada etorkizunean dago jarrita. Europako Ekintza Plana eta Nazio Batuen ebazpenak dakarren bultzada dira egiaztatutako historia hori Europako Batzordeak partekatzen duen ereduan proiektatzeko esparrua ", amaitu du.