Iragarkia, Portu, Itsas Gai eta Itsasertzeko zuzendariarena, zeinaren bidez jendaurrean jartzen baita Eusko Jaurlaritzako Osasun Publikoaren eta Adikzioen Zuzendaritzak itsas-lehorreko jabari publikoko ondasunak okupatzeko egindako baimen-eskaera, Orioko (Gipuzkoa) Antilla hondartzan "Kerik gabeko hondartzak" ekimenaren informazio-kartelak jartzeko. 2026, 2027, 2028 eta 2029 urteak.

Urriaren 10eko 876/2014 Errege Dekretuaren bidez onartutako Kostaldeen Erregelamendu Orokorraren 152.8 b) artikuluak ezartzen duenez, jendaurreko informazioaren izapidea nahitaezkoa izango da hogei eguneko epean, urtebetetik gorako epea duten baimen-prozeduretan.

Osasun Publikoaren eta Adikzioen Zuzendaritzak baimena eskatu dio Zuzendaritza honi itsas-lehorreko jabari publikoko ondasunak okupatzeko, Orioko Antilla hondartzan "Kerik gabeko hondartzak" ekimenaren informazio-kartelak jartzeko 4 urtez.

Eskabidea aztertu eta aurkeztutako dokumentazioa osorik dagoela egiaztatu ondoren, 2026/018087 espedientea jendaurrean jarri behar da hogei egun balioduneko epean, iragarki hau Euskal Herriko Agintaritzaren Aldizkarian argitaratu eta biharamunetik hasita, egoki iritzitako alegazioak edo oharrak aurkez daitezen.