Izena emanda zauden lan-poltsen kudeaketaz jakin behar duzuna

Pertsona bati Interneten identifikatzen eta agiriak sinatzen uzten dion sistema da. Honetan datza:

• Identifikadore bat, erabiltzailearen NANarekin/AIZarekin bat datorrena.
• Pasahitz bat.
• 16 posizio dituen koordenatu-joko bat edo itsasontzi-joko bat. 

Beste sinadura elektronikoak baino errazagoa eta erabilgarriagoa da:

• Edozein gailutan (ordenagailua, tableta, telefono mugikorra) eta Internet konexioa dagoen edozein tokitatik erabil dezakezu.
• Ez duzu softwarerik instalatu behar, ezta zure nabigatzailea konfiguratu behar ere.
• Ez duzu behar txartel-irakurgailurik.
• Balio legal osoa du eta erabat segurua da.
• Doakoa da.

Lan-poltsen sistemara ez ezik, Eusko Jaurlaritzak eskaintzen dituen Interneteko beste zerbitzu guztietara sartu ahal izango zara: Nire Karpeta, Osakidetzaren Osasun Karpeta... B@kQ ziurtagiriarekin, halaber, hiru lurralde historikoetako foru-aldundien egoitza elektronikoetara eta Euskadiko gero eta udal gehiagorenetara sartu ahal izango zara. Horrela, zeure burua identifikatu eta dokumentazioa bidali edo jaso dezakezu modu arin, erraz eta seguruan.

Izenperen itsasontzi-joko bat operatibo izanez gero, B@kQ ziurtagiria online eskura daiteke, Izenperen webgunetik (https://servicios.izenpe.com/bak/mostrarMigrarFeaBakQ.do?lang=eu).

Izenperen herritarren ziurtagiria edo NAN elektronikoa baduzu, Izenperen webgunean eska dezakezu B@kQ (https://servicios.izenpe.com/solicitud_online/mostrarWelcome.do?lang=eu).

Bi sistema horietako bat ere ez baduzu, ziurtagiria ematen duten lekuetako batera jo beharko duzu, aurrez aurreko identifikazioa eskatzen duen ziurtagiri kalifikatua delako. Esteka honetan, gertuen duzun eskaera-puntua bila dezakezu proposatzen dizugun mapan (B@kQ eskatzera zein erakundetara jo erakusten da).

Aurrez aurreko arretako puntu batean eskaera egin ostean, mezu elektroniko bat bidaliko dizute, eta bertan eskuratuko dituzu koordenatuak eta ziurtagiria eman eta aktibatzeko prozesurako esteka bat. Ziurtagiria eman eta aktibatzeko prozesua oso erraza da:

• SMS bat bidaliko dizute pasahitz batekin, eta pasahitz hori aldatu beharko duzu erraz oroitzeko moduko beste batekin.
• Zure datu pertsonalak egiaztatuko dira, eta B@kQ-ren erabilera-baldintzak onartu beharko dituzu.
• Zeure burua lehen aldiz autentifikatu, eta B@kQ prest edukiko duzu online harremanetan autentifikatzeko eta sinadura egiteko.

Euskadi.eus egoitza elektronikoan aurkituko duzu informazio guztia

Lan-eskaintza baten espezifikazioen simulazioa eginez, sistemak egun horretan aurretik dituzun pertsonen kopurua adieraziko dizu.

Nahi beste simulazio egin ditzakezu, eskaintzaren espezifikazioak edo hizkuntza-eskakizuna aldatuta.

Lan-eskaintza jakin batean aurretik zenbat pertsona dituzun jakiteko, hau egin behar duzu:

1.- Atarira sartu, ziurtagiri digital batekin identifikatuta.

2.- “Aurretik prest” aukeran klik egin.

3.- Komenigarriak iruditzen zaizkizun alternatibak aukera ditzakezu.

4.- “Aurretik prest” botoia sakatutakoan, sistemak zure egoera erakutsiko dizu.

Mugapen geografikoak alda ditzakezu betiere azken aldaketatik 6 hilabete igaro badira. Epe hori igaro ez bada, sistemak ez dizu aldatzen utziko.

Mugapen geografikoak aldatzeko, hau egin behar duzu:

1.- Atarira sartu, ziurtagiri elektroniko batekin identifikatuta.

2.- Mugapen geografikoak aldatu nahi dituzun poltsa aukeratu.

3.- Komenigarriak iruditzen zaizkizun alternatibak aukera ditzakezu “Lehentasunak aldatu” botoia sakatuta.

4.- Egokiak iruditzen zaizkizun aukerak hautatu behar dituzu, baita efektu-data ere.

5.- Aldaketak egindakoan, eta datuen babesari buruzko klausulen ondoren, “Eskatu” sakatu behar duzu.

6.- Sistemak eskaera erakutsi, eta sinatzeko eskatuko dizu.

Identifikazio elektronikoko datuak eskatuko zaizkizu, eta zure eskaera bidaliko da.

Era berean, eguneratzeko eskaera bat egin baduzu duela 6 hilabete baino gutxiago, sistemak horren berri emango dizu.

Egoera alda dezakezu, indarrean dagoen araudiarekin bat badator. Egiten dituzun aldaketek hurrengo egunetik aurrera izango dituzte ondorioak.

Gainera, etorkizunean beste aldaketa batzuk egin ahalko dituzu. Aldaketek ez dituzte zertan hurrengo egunetik aurrera izan ondorioak; zeuk adieraz dezakezu efektu-data.

• “Behin-behineko baja” egoeratik “prest” egoerara aldatzea

Aldaketa hau egiteko, kausa adierazi beharko duzu: kontratuaren amaiera, medikuaren alta, eta abar.

• “Prest” egoeratik “behin-behineko baja” egoerara aldatzea

Aldaketa hau egiteko ez duzu ezer aurkeztu behar, dagokion atalean eskaera egin baino ez.

ADI! Gaur egungo araudiaren arabera, “behin-behineko baja” eta “prest” egoerek zure lan-poltsa guztietan dute eragina; beraz, aldaketa hori egiten baduzu, poltsa guztiei eragingo die.

• “Lanean”/”Lanean (poltsa)” egoeratik “prest” egoerara aldatzea

Indarrean den kontratu bati uko egiten zaio, eta, horren ondorioz, egungo araudia aplikatuz, behin betiko baja ematen da kontratua egin zen lan-poltsatik. Zure Zerbitzu Zuzendaritzari jakinarazi behar diozu aldaketa hau.

Poltsan duzun egoera aldatzeko, hau egin behar duzu:

1.- Atarian, aldatu nahi duzun poltsa hautatu.

2.- “Egoera aldatu” botoia sakatu.

3.- Eskatzen zaizun informazioa bete.

4.- Behin aldaketak egindakoan, eta datuen babesari buruzko klausulen ondoren, “Eskatu” sakatu.

5.- Sistemak eskaera erakutsi, eta sinatzeko eskatuko dizu.

Bai. “Nire espedienteak” atalean, egin dituzun aldaketa-eskaera guztiak ikusiko dituzu, datarekin, zure eskaeraren egoerarekin eta dagokion egiaztagiriarekin batera.

• Alda ditzakezu harremanetarako datuak, eta, gainera, zuzenak direla egiaztatu beharko duzu.
• Aurrerantzean, harremanetarako bi bide baino ez dituzu adierazi behar: helbide elektroniko bat eta telefono mugikor bakar bat. Datu horiek zuzenak ez badira edo mugikor bat baino gehiago baduzu erregistratua, aldatu egin beharko dituzu.

Horretarako:

1.- Ataritik, jo ezazu “Nire harremanetarako datuak” atalera.

• Sisteman, aukera izango duzu zure lan-poltsetan dauden pertsona guztiak kontsultatzeko, baita haietako bakoitzaren lehentasun-ordena ere, modu seguru batean: interesdunek soilik kontsultatu ahal izango dute, eta Interneteko bilatzaileek ez dituzte kontsultak indexatuko.

• Sistemak zure lan-poltsetako bakoitzean egindako azken kontratazioen berri emango dizu, data, postua eta kontratu-motaren zuzkidura adierazita.

Gobernantza Publiko eta Autogobernu Sailaren webgunean (Funtzio Publikoa), grafikoak ikusi, lanpostuak bilatu eta funtzionarioen eta lan-kontratupeko langileen lanpostuen zerrenda kontsulta dezakezu.

Urtero, birbarematu egiten dira poltsa bat osatzen duten langileak, Administrazio Orokorrean eta haren organismo autonomoetan diharduten hautagaiak saritzeko. Birbarematzen diren hautagai guztiek lan-poltsan duten ordena alda dezakete.

Langileak, oro har, 0 punturekin sartzen dira lan-poltsa batera. Urte osoan Administrazio Orokorrean lan egin duten langileek 1,095 puntu lortzen dute urte normal batean, eta 1,098 puntu bisurte batean.

Birbaremazioa izendapena edo kontratua sorrarazi duen poltsan egiten da.