Euskal Autonomia Erkidegoko Sindikatu Hauteskundeen Bulego Publikoa eta lurralde-bulegoak.

Espedienteen izapidetzean dagoeneko zuzendu diren gorabeheren abisua (PDF, 114 KB)

Sindikatu Hauteskundeetako Ofizina Publikoak eta bere eremuko Lurralde Bulegoak dira, indarrean dagoen legediaren baitan, Lan Agintaritzari dagozkion berezko funtzioak egiteko ahalbidetuak dauden administrazio-organoak. Funtzio horien artean, erregistroarekin zerikusia duten jarduerak, gordailuak, Sindikatu Hauteskundeetako aktak eta hauteskundeekin zerikusia duten eta eskumenak egikaritzeko beharrezkoak diren jarduerak daude

Honako hauek dira bulego publikoaren eginkizunak:

a) Eremu funtzional edo lurralde-eremu batean edo gehiagotan hauteskundeak egiteko akordioen gaineko komunikazioa jasotzea, akordio horiek gordailutu eta zabaltzeko, akordioak Autonomia Erkidegoko lurralde historiko baten eremua gainditzen dutenean.

b) Lurralde-bulegoetan erregistratutako hauteskunde-aktei dagozkien datuak jasotzea, hilero, bulego horietatik.

c) Sindikatu bakoitzak lortu dituen emaitzen gaineko ziurtagiriak eta komunikazioak luzatzea, ukitutako eremuak Autonomia Erkidegoko lurralde-historiko bat gainditzen duenean.

d) Lurralde-bulegoen funtzionamendua koordinatzea.

e) Hauteskunde sindikaletako inprimakien eredu ofizialak prestatu, argitaratu eta banatzea.

f) Euskal Autonomia Erkidegoaren eremuan egindako hauteskunde sindikalen gaineko datuak Estatuko Bulego Publikora igortzea hilero

g) Lege- edo erregelamendu-mailako beste edozein arauk esleitzen dizkion eginkizunak

Hauteskunde-prozesua izapidetzeko jakinarazpen guztiak, Lan Agintaritzaren menpeko bulego publikoari zuzendutakoak, telematikoki edo aurez aurre egin ahal izango dira, hauteskunde aktak izan ezin, hauek paperean aurkeztu behar baitira

“Eskabidea eta dokumentazioa aurkeztu” atala klikatu eta “Aurrez aurreko izapidea” fitxan dagoen informazioa irakurri

Hauteskunde sindikalerako Eusko Jaurlaritzaren aplikazio informatikoaren erabiltzaile baimenduak, aurrez aurre komunikatu ahal izango dira Lan Agintaritzaren menpeko bulegoarekin, 2025eko urriaren 1era arte. Data horretarik aurrera, telematikoki jakinarazi beharko dira aplikazio hori erabiliz, eta informazio gehiago eskuratuz “Eskabidea eta dokumentazioa aurkeztu” atalean, “Izapidetze telematikoa” fitxan

Errekurtso eta intzidentziak aurkeztu nahi dituzten pertsonak, erabiltzaile gisa aplikazioan altan ez badaude,  aurrez aurre aurkeztu ahalko dituzte

Honako hauek dira lurralde-bulego bakoitzak bere jarduketa-eremuan dituen eginkizunak:

a) Enpresan edo lantokian hauteskundeak sustatu nahi dituztenen komunikazioak jasotzea

b) Eremu funtzional edo lurralde-eremu batean edo gehiagotan hauteskundeak egiteko akordioen gaineko komunikazioa jasotzea, akordioa gordailutu eta zabaltzeko. Akordioak lurralde-bulegoaren lurralde historikoaren eremua gainditzen badu, Bulego Publikora bidali behar du akordioaren gaineko komunikazioa.

c) Hauteskunde-aktak erregistratzea edo erregistratzeko baimena ukatzea, aldez aurretik Sindikatu Hauteskundeetako Batzordeak akten gainean egindako ebaluazioa eta haren funtzionamendu-araudia kontuan hartuta.

d) Sindikatu bakoitzak lurralde-bulegoari dagokion lurralde historikoan lortu dituen emaitzen gaineko ziurtagiriak eta komunikazioak luzatzea.

e) Bulegoari dagokion lurralde historikoan egiten diren sindikatu-hauteskundeen emaitzak bidaltzea hilero Bulego Publikora.

f) Ordezkapenen, errebokatzeen, dimisioen eta agintaldi-bukaeren gaineko komunikazioak jasotzea, eta horiek iragartzea.

g) Lantokiren batean langileen ordezkaritza-organoak hautatzeko hauteskundeak egiten badira eta lantokia desagertzen bada, enpresaren legezko ordezkaritzaren komunikazioa jasotzea. Enpresak ez badu legezko ordezkaririk, komunikazioa langileen legezko ordezkaritzak edo ordezkari sindikalek egingo dute, baldin eta halakorik badago.

h) Lege -edo erregelamendu- mailako beste edozein arauk esleitzen eginkizunak