Gizarteratzeko eta Diru Sarrerak Bermatzeko Euskal Sistemaren Lege Aurreproiektua aldez aurreko onarpena

IRAGARKIA, Gizarteratzeko eta Diru Sarrerak Bermatzeko Euskal Sistemaren Lege-aurreproiektua aldez aurretik onartzeari buruzkoa

Bigarren Lehendakariorde eta Lan eta Enplegu sailburuaren 2021ko maiatzaren 14ko Aginduaren bidez, aurretiaz onartu da Gizarteratzeko eta Diru-sarrerak Bermatzeko Euskal Sistemaren Lege-aurreproiektua.

Xedapen Orokorrak Egiteko Prozedurari buruzko abenduaren 22ko 8/2003 Legearen 8.1 artikuluak xedatzen duen arabera, herritarren eskubide eta bidezko interesei eragiten dieten xedapen orokorrek entzunaldiaren izapidea igaro beharko dute. Era berean, xedapenen izaerak hala eskatzen badu, jendaurrean jarri beharko dira.

Horrenbestez, aipatutako lege-aurreproiektua jendaurrean jarriko da hogei egun balioduneko epean, dagokion iragarkia Euskal Herriko Agintaritzaren Aldizkarian argitaratu eta hurrengo egunetik aurrera.

Aurreko apartatuan xedatutakoa betetzeko, eta alegazioak aurkezteko, aurreproiektuaren testua eskuragarri dago Eusko Jaurlaritzako egoitza elektronikoaren iragarki-taulan (www.euskadi.eus) eta Lan eta Enplegu Sailaren web-orrian (www.euskadi.eus/eusko-jaurlaritza/lan-enplegu-saila/).

Vitoria-Gasteiz, 2021ko maiatzaren 14an

Enplegu eta Gizarteratze zuzendaria,

Francisco Pedraza Moreno