Juan José Lanz Rivera

Juan José Lanz (Bilbo, 1963). Filologia Hispanikoan lizentziatu zen Deustuko Unibertsitatean. Madrilgo Universidad Complutense-n doktoretza-tesia prestatzen ari da Espainiako 1968ko poeten belaunaldiari buruz. Egunkarietan eta literatur aldizkari desberdinetan kolaboratzailea da, eta horietako batzuen erredakzio-kontseiluko kidea da: "El Urogallo, Ínsula, Cuadernos hispanoamericanos, Zurgai, Dialogo de la Lengua, Iberoamericana, etab". Literatur ikerketaren arloan bi liburu idatzi ditu: Temas principales en "Los heraldos negros",de César Vallejo (Laida, 1990) eta "La poesía de Luis Alberto de Cuenca"(Antorcha de Paja, 1991). Oraingo poesiari buruz idatzita dituen artikuluetako batzuk Francisco Rico-k zuzendutako "Historia y crítica de la literatura españolaren (1992) IX." liburukian jasota daude.