Teoria inplizitu ambientalistak 1

Etxadi-Gangoiti Eskala: 2 urteko umeen familia-testuingurua ebaluatzeko proposamena

Egileak

Arranz, E.; Olabarrieta, F.; Manzano, A.; Martín, J.L.; Galende, N.

Argitalpena

Revista de Educación (Hezkuntza Aldizkaria)

Urtea

2012; 358, 218-237

Laburpena

2 urteko umeen familia testuingurua sakonki ebaluatzeko proposamena aurkezten da lan honetan. Baliabide eguneratua eskaintzen du proposamenak, familia-testuinguruen ebaluazioari eta testuinguruek umeen garapen psikologikoan duten eraginari buruzko azken ikerketetan oinarritua. Arlo hauek aztertzen ditu ebaluazio-proposamenak: Ikaskuntza estimulatzeko materialak. Jolas-potentziala. Garapen kognitiboaren estimulazioa. Garapen linguistikoaren estimulazioa. Adierazkortasun emozionala. Mugak ezartzea eta frustrazio optimoa. Autoestimua eta autonomia bultzatzea. Amaren eta umearen arteko interakzioa behatzea. Aitaren inplikazioa. Ordezko zaintzaren kalitatea. Familia zabalarekiko harremanak eta laguntza-sare soziala. Umeen harreman sozialen egonkortasuna. Eskolarekiko harremanak. Esperientzia-aniztasuna. Gatazkarekiko esposizioa. Guraso-estresa eta testuinguru fisikoa. Aztertutako arloak hiru bloketan antolatu dira; garapen kognitibo-linguistikoaren estimulazioa, garapen sozio-emozionalaren estimulazioa eta testuinguru sozialaren nahiz fisikoaren antolakuntza. Ebaluaziorako datuak familiaren etxean ama eta umea aurrean daudela egiten den elkarrizketaren bidez lortzen dira, baita galdetegi baten bidez eta familia-testuingurua nahiz interakzioak zuzenean behatuz ere. Lana bukatzeko, gomendio batzuk ematen zaizkie familiei, puntuaziorik txikienak jaso dituzten arloak optimizatu ditzaten.

Aurkikuntzen inplikazio praktikoak

Hezkuntzaren eta gizarte-lanaren arloetan familia-testuinguruen prebentziozko ebaluazioa egiteko tresna baliagarria izan daiteke eskala. Gainera, familiako esku-hartzearen hainbat testuingurutan, hezkuntza- eta prebentzio-orientazioa oinarritzeko datu esanguratsuak eman ditzake. Eskala erabilgarria izan daiteke ikerketa-tresna gisa familia-testuinguruak garapen psikologikoaren prozesuan duen eragina aztertzerakoan.