Iragarkia, Portu, Itsas Gai eta Itsasertzeko zuzendariarena, honen bidez, jendaurrean jartzen da I-DE Redes Eléctricas Inteligentes SAUk egindako itsas-lehorreko jabari publikoko ondasunak okupatzeko egindako emakida-eskaera eroanbide elektrikorako kanalizazio batekin, Dumboa ubidearen gaineko zubi bati atxikita, "3035 - 1 Irun "Ingurabidea 1 eta 2" 30kV D.C.-ko airetiko linea aldaketa 9024N eta 9027" euskarrien artean proiektuaren barruan

Urriaren 10eko 876/2014 Errege Dekretuaren bidez onartutako Kostaldeei buruzko Erregelamendu Orokorraren 152.8 a) artikuluak ezartzen duenez, jendaurreko informazioaren izapidea, hogei eguneko epean, nahitaezkoa izango da emakiden prozeduretan.

I-DE Redes Eléctricas Inteligentes SAUk itsas-lehorreko jabari publikoko ondasunak okupatzeko egindako emakida-eskaera egin du eroanbide elektrikorako kanalizazio batekin, Dumboa ubidearen gaineko zubi bati atxikita, "3035-1 Irun – Ingurabidea 1 eta 2" 30kV D.C.-ko airetiko linea aldaketa 9024N eta 9027 euskarrien artean proiektuaren barruan Ref.: (2026/009609-CNC).

Eskabidea aztertu eta aurkeztutako dokumentazioa osorik dagoela egiaztatu ondoren, 2026/018294 espedientea jendaurrean jarriko da hogei egun balioduneko epean, iragarki hau Euskal Herriko Agintaritzaren Aldizkarian argitaratu eta biharamunetik hasita, egoki iritzitako alegazioak edo oharrak aurkez daitezen.