Ohiko galderak: Jarduera uztea eta AAI edo AAU azkentzea

ingurumena@euskadi.eus

INGURUNETen [C-CES] Jarduera amaitzea edo etetea prozedura aurkeztu behar duzu, uzteak eragiten dion zentrotik.

Jakinarazpenean uztearen irismena adierazi eta honako hauek erantsi behar dituzu:

  • jarduera uztearen arrazoia azaltzen duen dokumentua;
  • jardueraren tipologiaren arabera eskatutako dokumentazioa;
  • ingurumen-inpaktuak saihesteko hartutako edo aurreikusitako neurriei buruzko beharrezko informazio teknikoa.

Dokumentazioak aukera eman behar du instalazioetan, produktuetan, lehengaietan, hondakinetan eta ingurumen-eraginak sor ditzaketen gainerako elementuetan egingo diren jarduketak ezagutzeko.

Jarduera uztea jakinarazteak ez du AAI edo AAU automatikoki azkentzen. Administrazioak espedientea izapidetu behar du eta, hala badagokio, baimena azkendu aurretik bete beharreko baldintzak zehaztu behar ditu.

  • Ohiko akatsa:
    • Zentroari baja emateak edo INGURUNETen erabiltzeari uzteak ez du ordezten jarduera uztearen jakinarazpena, eta ez du AAI edo AAU azkentzen.

Jarduera berriro hasteko asmoa baduzu, ez duzu uztea behin betiko gisa jakinarazi behar. AAI baten kasuan, aldi baterako uztea Administrazioari jakinarazi behar diozu, eta honako hauek adierazi:

  • etenaren arrazoia eta data;
  • aurreikusitako iraupena;
  • geldialdian ingurumen-eraginak saihesteko hartutako edo aurreikusitako neurriak;
  • instalazioak zer baldintzatan mantenduko diren;
  • jarduera berriro hasteko aurreikuspena.

AAI duten instalazioetan, uztea behin betikotzat jo daiteke jarduerarik gabe urtebete igarotzen denean eta egoera justifikatzen duen jakinarazpenik aurkeztu ez denean.

Jarduera berriro hasi aurretik, egiaztatu baimenean eta jarduerarik gabeko aldian emandako jakinarazpen edo ebazpenetan ezarritako baldintzak.

  • Ohiko akatsa:
    • Ez nahastu aldi baterako geldialdia eta behin betiko uztea. Jakinarazpenak instalazioaren benetako egoera eta jarduerarik gabeko aldi osorako aurreikusitako neurriak islatu behar ditu.

Ez hautatu erabateko uztea, baimenaren barruko beste jarduera edo instalazio batzuek funtzionatzen jarraituko badute.

Jakinarazpena aurkeztu aurretik, argi identifikatu:

  • uzten diren jarduerak, prozesuak edo instalazioak;
  • jarraituko duten jarduerak;
  • kendu, itxi edo mantenduko diren elementuak;
  • uzten den zatiari lotutako ingurumen-eraginak;
  • uzte partzialak gainerako instalazioaren funtzionamenduan eragiten dituen aldaketak.

Administrazioak zehaztuko du AAI edo AAU aldatu behar den, uzte partzialerako baldintzak ezarri behar diren edo baimenaren gaineko beste jarduketaren bat egin behar den.

  • Ohiko akatsa:
    • Azkentzeko edo jarduera uzteko prozeduran «OSOA» aukera hautatzen baduzu, jarduketak entitatearen zentro guztiei eragingo die. Ez erabili aukera hori jarduera, instalazio edo zentro bakar baten uztea jakinarazteko.

Bai. Hasi prozedura uzteak eragiten dion zentro zehatzetik, eta identifikatu behar bezala jarduketaren irismena.

Ez hautatu «OSOA» aukera, aukera horrek entitatearen zentro guztiei eragiten baitie. Entitateak beste zentro batzuk jardunean mantentzen baditu, berrikusi datuak jakinarazpena sinatu eta aurkeztu aurretik.

Ez. Jakinarazpena aurkezteak uztearen izapidetzea hasten du, baina ez du berez baimena berehala azkentzen.

Zentroa INGURUNETen mantendu behar duzu, eta Administrazioak ezartzen dituen errekerimenduak edo baldintzak bete. AAI edo AAUk dagozkion ondorioak izaten jarraituko du, harik eta azkentzea ebatzi edo aplikatu beharreko administrazio-egoera zehaztu arte.

Halaber, ez duzu zentroa ezabatu behar hari lotutako baimenak, inskripzioak, irekitako espedienteak edo ingurumen-betebeharrak dauden bitartean.

Ekoizpena uzteak ez ditu indargabetzen bete gabe dauden ingurumen-betebeharrak. AAI edo AAUn, uzteari buruzko ebazpenean eta aplikatu beharreko araudian ezarritako baldintzak bete behar dituzu.

Instalazioaren ezaugarrien arabera, honako jarduketa hauek beharrezkoak izan daitezke:

  • lehengaiak, produktuak eta hondakinak behar bezala kentzea edo kudeatzea;
  • ekipoak eta instalazioak hustea, garbitzea, inertizatzea, ixtea edo mantentzea;
  • desegite-lanetan isuriak, emisioak eta bestelako eraginak kontrolatzea;
  • beharrezko segurtasun- eta prebentzio-neurriak mantentzea;
  • ingurumen-kontrolak edo jarraipenak egitea;
  • egindako jarduketak egiaztatzen dituen dokumentazioa aurkeztea;
  • lurzorua eta lurpeko urak babesteko betebeharrak betetzea.

Ez jo betebehar horiek amaitutzat Administrazioak bete direla baieztatu edo dagoeneko eskatzekoak ez direla zehaztu arte.

Azken aldaketako data: