• Araudia
• Erakunde arduradunak
• Dokumentu-baldintzak
• Dokumentu-kudeaketaren funtzioak
• Datu-ereduak
• Dokumentuen bizi-zikloa
• Azpiegituraren definizioa
• Jarduera-proposamenak

Dokumentu-kudeaketari lotutako hainbat alderdiri buruzko araudi-multzoa.

• Artxibo digitala erabiltzeko gida
  Artxibo digitalaren funtzionamendua eta ezaugarri teknikoak deskribatzen ditu, bai eta beste informazio-sistema batzuekin integratzeko egin beharreko jarduerak ere.
• AKS Eusko Jaurlaritzaren sailetan hedatzeko metodologia (AKSHM)
  Artxiboak Kudeatzeko Sistema Informatikoa (AKS) Eusko Jaurlaritzaren sailetan eta erakunde autonomoetan hedatzeko gida.
• Dokumentuak digitalizatzeko metodologia
  Paperean dagoen dokumentazioa atzemateko prozesuak automatizatzeko eta informazio-sistemak integratzeko sortua.
• Dokumentu elektronikoen formatu estandarrak
  Erabili beharreko dokumentu elektronikoen formatuak zehazten ditu, abenduaren 18ko 232/2007 Dekretuak, bitarteko elektroniko, informatiko eta telematikoak prozedura administratiboetan erabiltzeari buruzkoak, zehazten duenaren arabera.
• Dokumentu elektronikoak epe luzerako gordetzeko politikak eta mekanismoak
  Egiazkotasun, osotasun, froga-balio, erabilgarritasun eta konfidentzialtasunaren baldintzak betetzea dute helburu.

Fitxategi digitala

Dokumentu elektronikoak eta haien metadatuak kudeatzeko sistema bat da artxibo digitala. Artxibo-irizpideen arabera gordeta egoten dira dokumentu horiek, eta web-zerbitzuen edo batch prozesuen bidez kudeatu daitezke.

Dokumentu-kudeaketaren funtzionalitateak behar dituzten Eusko Jaurlaritzako informazio-sistema guztiei emango die zerbitzua artxibo digitalak (dena den, diputazioei, udalei eta abarri ere eman diezaieke zerbitzua), sistema horiek izapideen ondorio izan edo prozedura administratiboetan sortu ez diren kudeaketa-prozesuen ondorio izan.

Dokumentu-zerbitzuen framework-a

Kasu gehienetan, dokumentu-zerbitzuen framework batek jarritako web-zerbitzuen multzo baten bidez egingo da artxibo digitalaren eta Eusko Jaurlaritzaren Informazio Sistemen gainerako aplikazioen arteko elkarrekintza.

Laguntzeko software-egitura bat da framework-a, eta software-proiektuak antolatu eta garatu daitezke tresna horren bidez.

Dokumentu-zerbitzuen framework-a arduratzen da informazio-sistemen aplikazioei artxibo digitalaren zerbitzuak erakusteaz. Framework horren barruan, artxibo digitalaren negozio-logika dago.

Artxibo digitalak hauek ematen dizkie hori erabiltzen duten sistemei:

• Dokumentu elektronikoen biltegi komuna.
• Dokumentu-zerbitzuak (biltegiratzea, bilaketak, formatu-aldaketak?).
• Dokumentuak gordetzeko eta zaintzeko irtenbideak, dagoeneko ezarrita daudenak.
• Ddokumentuetarako sarbide-kontrola (XLNet, ACL)
• DBLOak ezarritako baldintzak automatikoki betetzea.
• Sarbide-erregistroaren kudeaketa.
• ECM (Enterprise Content Management) baten ezaugarriak dituen dokumentu-kudeatzailea.
• ECM plataformaren independentzia.
• SOA arkitektura.
• Dokumentu enkriptatuak gordetzea.
• Segurtasun-betekizunak. Egiazkotasuna, osotasuna, erabilgarritasuna, konfidentzialtasuna eta kontserbazioa, prozedura administratiboetan EIT-baliabideak (elektronikoak, informatikoak eta telematikoak) erabiltzeari buruzko dekretuaren arabera.
• 11/2007 Legea, herritarrak zerbitzu publikoetara elektronikoki sartzeari buruzkoa, osorik betetzea.