Avellanedako biltzar-etxea, gaur egun Enkarterrietako museoa, dorretxea da eta, bertan, fatxadaren lehen bi goi-oinek besterik ez dute gordetzen XVII. mendeko egitura. Gainerakoa Eugenio Maria de Aguinagak XX. mendean (1942-1953) egindako berreraikuntza da. Oinplano laukizuzena eta erremate almenatua dauka. Sotoa (antzinako kartzela), behe-oina eta bi goi-oin ditu. Fatxada nagusian Enkarterrien armarria dago, 1635ekoa. Eraikinean harlandua eta ondo enkoadratutako hormarria nahasten dira.
