Bilboko udalerriko Zorrozaurren (DB2 partzelan), erosketan (jabetza osoan), esleituko diren 120 etxebizitzen prozeduran parte hartzeko izena emateko epea irekiko da 2022ko apirilaren 25a eta maiatzaren 9a bitartean

SUSTAPENARI BURUZKO INFORMAZIOA

  • Sustapeneran espediente zenbakia: EB2-0981/19-LE-000
  • Udalerria: Bilbao, Zorrozaurre (DB2 partzela)
  • Araubide: Babes ofiziala araudi orokorrekoa
  • Eskubide Erregimena: Jabetza osoa
  • Sustapeneko esleitzeko etxebizitza kopurua: 120 
  • Mugikortasun urria duten elbarrientzako bizitoki egokituta: 5

Logela kopurua

 N.º de dormitorios

Etxebizitza kopurua

N.º de viviendas

Azalera minimoa

Superficie mínima

Azalera maximoa

Superficie máxima

 Prezio maximoa
Precio máximo
2 48 58,28 m² 66,56 m² 144.178 €
3 67 76,19 m² 85,91 m² 173.049 €
2 (*) 5 (*) 76,16 m² 80,46 m² 165.280 €

(*) Etxebizitza egokituak


PARTE HARTZEKO BALDINTZAK

  • Alta Etxebiden: Etxebizitza Babestuen eta Zuzkidura Bizitokien Eskatzaileen Erregistroan altan egotea eta etxebizitza erostea eskatzea.
  • Diru-sarrerak: 2020. urteko zergaldiko diru-sarrera haztatuak 12.000 euro baino txikiagoak ez direla eta 39.000 euro baino handiagoak ez direla egiaztatzea eskatzen da. Mugikortasun murriztua duten pertsonek edo desgaitasun psikikoa duten pertsonek nahikoa dute 3.000 euroko gutxieneko diru-sarrerak egiaztatzea. Genero-indarkeriaren biktima diren emakumeek ez dute gutxieneko diru-sarrerarik egiaztatu beharko.
  • Errolda: eskaerako titular den pertsona batek Euskal Erkidego Autonomikoan erroldatuta egon dela egiaztatu behar du gutxienez urte bateko antzinatasunez (etenik gabe).
  • Udalerria: Izena emateko eskaeran aukeratutako udalerrietako bat Bilbo edo Bilbo metropoliko eremu funtzionaleko udalerrietako bat izan beharko da.
  • Bizikidetza unitatea: bizikidetza unitatea ezingo da bost kide baino gehiagokoa izan.

ETXEBIZITZAREN ESLEIPENARI UKO EGITEA

Esleipenari uko eginez gero, salbuespenak salbuespen, Etxebiden baja izango zara eta urtebetez izena emateko debekua izango duzu. Esleipen prozeduran parte hartzen ez baduzu, horrek ez du inolako eraginik izango zure Etxebideko espedientean.

IZENA EMAN DEZAKEZU

A. Internet bidez: www.etxebide.euskadi.eus/espedientea webgunean - Sustapenak atalean.

Izena eman dezakezu honako hauek erabilita:

  • BAKQ.
  • Txartel elektronikoa.

Webgunean topatuko duzu izena emateko behar duzun laguntza.

B. Posta bidez: ESKAERA SINATU eta hona bidal dezakezu:

  • Etxebizitzako Lurralde Ordezkaritza - Kale Nagusia, 85, 6. solairua. 48011, Bilbao. 

C. Aurrez aurre: Zuzenean. ESKAERA SINATU eta hona bidal dezakezu:

  • Kale Nagusia 85, beheko solairua. Bilbao, Bizkaia. 

      Zuzenean-era joateko beharrezkoa da aurrez hitzordua eskatzea.

      Bulegoak ohiko ordutegian irekiko dira, 8:00etatik 19:30etara (abuztuan, 8:00etatik 14:30etara), baina nahitaezkoa izango da aurretiko hitzorduarekin joatea.

      Ordua aurrez eskatzeko:

       Hitzorduak 15 minutuko tarteetan eskainiko dira.

       Ezarritako orduan bulegoko harrera-mahaian aurkeztu beharko zara.

       Oharrak:

  • Gogoratu zure boligrafoa eraman behar duzula.
  • Hitzorduaren egunean puntualtasuna eskatzen da, hitzordua ez galtzeko.
  • Bulegoetara pertsona bakarra sartuko da, salbu eta mendeko pertsonei laguntzen bazaie.
  • Bulegora joaten denak bere burua identifikatu beharko du horretarako prestatutako kioskoan, hitzordua hartzean eman zitzaion kodearen bidez.

D.ESKAERA SINATU eta edozein administrazio publikoren erregistroan aurkeztu dezakezu (galdetu hitzordua beharrezkoa den).

Azken aldaketako data: