ALOKABIZI: alokairu sozialeko etxebizitza babestuaren eredu berri baterantz, zerbitzu publiko gisa.

Euskadin aurre egiten ari garen errealitate berriaren ondorioz, bizi garen espazioak, hiriak eta etxebizitzak birpentsatzen ari gara, eta agerian jartzen ari gara beharrezkoa dela etxea izatea, “munduan leku bat izatea”, eta ez etxe soil bat; norbera salbu senti daitekeen ingurune sinboliko eta afektibo bat nahi dugu. Alde horretatik, alokairuko etxebizitza publikoak funtsezko zeregina du euskal gizartean, zalantzazko une hauetan. Euskadiko 2020ko Zientzia, Teknologia eta Berrikuntza Planean alokairu publikoko etxebizitza eraginkor eta irisgarria bilatzen genuen, eta orain, gainera, etxea bilatzen dugu, etxebizitza atsegina, partaide izateko lekua.

Eredu berriak etorkizuneko belaunaldientzako ondarea izan nahi du, aro jasangarri, inklusibo eta digital berri baten araberakoa, eraikinak eta pertsonak biodibertsitate-ingurunean integratuko dituena, balio-kate bideragarria sistemikoki eraldatuz eta lankidetza publiko-pribatuan, gure etxebizitzak pertsonentzako garapen-aukera bihurtuz.

Jarduera honetan, egungo etxebizitza publikoen parkeari eta behar ditugun etxebizitza motei buruzko eztabaida eta gogoeta sustatzen saiatuko gara: atsegina, kanpoaldearekin lotua, balioaniztuna eta osasuntsua. Eredu berriak konektatuago egoten lagundu behar digu, eta, horretarako, digitalak zerbitzu aurreratuenetara konektatzeko aukera berriak eskaintzen ditu, bazterkeria saihestuz.