Javier Hurtado Turismo, Merkataritza eta Kontsumoko sailburua izan da legegintzaldi berriko lehen Euskadiko Turismo Mahaiko burua.
Sailburuak legegintzaldirako hiru helburu nagusi azaldu ditu araudiaren arloan. Lehenik eta behin, Turismoaren Lege berri bat idaztea, arau-esparrua egungo erronka globaletara egokitzeko aukera emango duena, jasangarritasun energetikoa, turismo inklusiboa eta irisgarria, Turismoaren Kode Etikoa eta iraupen laburreko alokairuen erregulazioa bezalako elementuak txertatuz, 2023ko Europako Erregelamenduaren ildotik.
Gainera, Euskadik 4 milioi euro jasoko ditu Europako Funtsetatik, bi programa estrategikotara bideratuak: Turismoaren Jasangarritasun Sozialeko Plana, sektorean enplegu iraunkorra eta lan-ongizatea sustatzea bilatzen duena, berdintasun, aniztasun eta genero printzipioak txertatuz; eta gaitasun digitalei buruzko prestakuntza-programa, sektoreko 700 langile baino gehiago gaitzeko eta turismo-enpresa txiki eta ertainak digitalizatzen laguntzeko diseinatua.
Ikus informazio osoa (Iturria: Eusko Jaurlaritzaren Irekia webgunea)
EIES - Europako informazioaren Euskal Sarea: Europako gaurkotasuneko beste edukietarako sarbidea