Batzordeak jabetza intelektualari eta industrialari buruzko ekintza-plan berri bat argitaratu du, enpresa txiki eta ertainei (ETE) beren asmakuntzak eta sorkuntzak ahalik eta gehien aprobetxatzen laguntzeko, eta gure ekonomiari eta gizarteari mesede egingo dietela bermatzeko.
Jabetza intelektuala eta industriala funtsezko motorra da hazkunde ekonomikorako, enpresei beren aktibo ukiezinak balorizatzen laguntzen baitie. Ekintza-planaren helburua da Europako industria berritzaile eta sortzaileak munduko liderra izaten jarrai dezan ahalbidetzea eta Europako trantsizio ekologiko eta digitalak bizkortzea. Zehazki, ekintza-planak funtsezko etapak ezartzen ditu jabetza intelektualaren eta industrialaren babesa hobetzeko; ETEek jabetza intelektuala eta industriala ezar dezaten bultzatzea; jabetza intelektualaren eta industrialaren trukea erraztea industrian ezarpen teknologikoa areagotzeko; faltsutzearen aurka borrokatzea eta jabetza intelektualaren eta industrialaren eskubideen errespetua hobetzea; eta mundu-mailan lehia-baldintza bidezkoak sustatzea. Koronavirusaren krisiak berrikuntzaren eta teknologia kritikoen zenbait mendekotasun ere nabarmendu ditu; horregatik, ekintza-planak erronka horiei aurre egiten die, eta bermatzen du jabetza intelektual eta industrial kritikoa eskuragarri egon daitekeela krisi-garaian.
