Esnetarako behien ustiategietako lan-prozesu seguruen gida (2022)
Deskribapena
«2019-2025 aldirako Euskadiko Elikaduraren eta Egurraren Balio Katerako Laneko Segurtasun eta Osasunerako Sektore Estrategia» baterako jarduera-tresna instituzionala da, OSALAN-Laneko Segurtasun eta Osasunerako Euskal Erakundeak, Lan eta Enplegu Sailari atxikitako erakunde autonomoak, Ekonomiaren Garapen Jasangarritasun eta Ingurumen Saileko Nekazaritza, Arrantzako eta Elikagai Politikako Sailburuordetzaren laguntzarekin garatutakoa. Estrategia honek laneko arriskuen prebentzioari buruzko ezagutza eta sektoreko eskumenak batzen ditu, eta, horrela, prebentzio-jarduerak sektoreko adar eta orientabide tekniko-ekonomiko guztietara eta haren balio-kate osora (nekazaritza, abeltzaintza, baso-zura, nekazaritzako elikagaiak eta itsas-arrantza) iristea ahalbidetzen du.
Estrategia (Euskadi-Preben) tresna pragmatikoa da, segurtasuna eta osasuna sendotzeko, sektore horien iraunkortasunaren funtsezko ardatz gisa, eta helburu kuantitatibo nagusiak dira adierazle nagusietan istripu eta gaixotasun profesionalak % 15 murriztea eta, bereziki, sektore horretan istripu hilgarriak saihestea.
Helburu nagusi horiek lortzeko, laneko istripuak prebenitzera bideratutako ekimenak garatu dira, haien problematika desberdinak kontuan hartuta, eta ardatz hartuta segurtasun- eta osasun-aldagaiak sektoreko eta elikadura-kateko jarduera guztietan funtsezko elementu gisa integratzea.