[20] - Lanbide Heziketaren E uskal Autonomia Erkidegoko Legea

Legegintzaldia

Helburuak eta Sektoreak

Beste helburu batzuk:

Kalifikazioen, Lanbide Heziketaren eta Orientazioaren Sistema Integratua honako helburu hauek lortzeko eratu eta orientatu egingo da:

• EAEko ekonomiaren lehiakortasunaren eta pertsonen enplegagarritasunaren hobekuntza sustatzea, produkzio-sektoreek lanbide-kualifikazioari dagokionez dauzkaten beharrak betez.
• EAEko administrazioek kualifikazioetan, prestakuntzan eta lanbide-orientazioan daukaten politikaren zuzendaritza estrategikoagoa, koordinatuagoa eta eraginkorragoa izan dadin laguntzea, politika hori ekonomiaren lehiakortasunari eta pertsonen nahiz enpresen beharrei estu lotuz.
• Enpresa-erakundeen eta sindikatuen artean beharrezko adostasuna eta lankidetza lortzea kualifikazioen garapenean, prestakuntzan eta gazteen nahiz helduen lanbide-orientazioan.
• Lanbide Heziketako zentroei estaldura ematea, bestelako egitura- eta antolaketa-mota izan ahal izateko, etorkizunerako behar berrietara egokitua.
• Beharrezko ezagutzen eta gaitasunen garapenean laguntzea, hala nola biztanle aktibo guztien lanbide-kualifikazioen garapenean eta  iraupenean.
• Aukera eta hautu egokiak ziurtatzea, pertsonek eta enpresek izan beharreko kualifikazioak, prestakuntza eta lanbide-orientazioa lortzeko.
• Pertsonen eta enpresen prestakuntza- eta kualifikazio-ahaleginen eraginkortasunean eta baliatze hoberenean laguntzea, informazio eta lanbide-orientazio egokiaren bidez.
• Kualifikazioak, prestakuntza eta lanbide-orientazioa kalitate-maila handikoak izan daitezen lortzea, hala nola homologagarriak Europako testuinguruan, eta funtsezko bide moduan hautemanak, pertsonen eta produkzio-erakundeen aurrerapenerako.

Eraginpeko gizarte-sektoreak:

• Herritarrak.
• EAEko Administrazioa (Ekonomiaren Garapen eta Lehiakortasun Saila, Enplegu eta Gizarte Politiketako Saila, Hezkuntza Saila, Kultura eta Hizkuntza Politika Saila eta Lan eta Justizia Saila).

Noiz bidaliko zaion, gutxi gorabehera, lege-proiektua Jaurlaritzaren Kontseiluari, onar dezan