1. Bilbao Bizkaia Ur Partzuergokoak kudeatutako hornidura eta saneamendu sistemen azpiegiturei buruzko proiektuak eta azterlanak idaztea eta horien funtzionamendurako operazio irizpideak proposatzea eta definitzea, horien eraginkortasuna simulatuz eta frogatuz, ustiapen arloko erabakiak hartzea errazteko jarduketa esparrua ezartzeko helburuarekin.

2. Proiektuak idazteko laguntza teknikoa kontratatzeko oinarrien pleguak prestatzea, lizitazioetan aurkeztutako eskaintzak teknikoki baloratzea eta ondoriozko kontratuak kudeatzea.

3. Obrak kontratatzeko oinarrien pleguak prestatzea, lizitazioetan aurkeztutako eskaintzak teknikoki baloratzea eta ondoriozko kontratuak kudeatzea, horien zuzendari gisa.

4. Hornidura eta saneamenduko azpiegiturak zerbitzuan jartzeko lanak koordinatzea eta gainbegiratzea, ustiapen faseko arazoak gutxitze aldera.

5. Zuzendariordearekin lankidetzan aritzea Zuzendariordetzaren lanetik eta, oro har, Zerbitzu Teknikoen lanetik eratorritako betebeharrak aztertzeko (antolaketa, kanpo laguntza, hobekuntzak, etab.); hartara, agindutako lanak kalitate baldintza onenetan egiteko beharrezko instalazio eta baliabideak daudela bermatzeko.

6. Hornidura eta saneamenduko sistema orokorrak ezartzearen eta garatutako jardueraren kontrol eta jarraipen zuzena egiteko beharrezko datu baseak mantentzen eta eguneratzen laguntzea, erabakiak hartzeko prozesua errazteko informazio fidagarria dagoela bermatzeko.

7. Partzuergoan ezarriko diren departamentuz gaineko eta izaera korporatiboko informazioa kudeatzeko sistemak betetzen parte hartzea.

8. Saileko arduradunekin kolaboratzea, kalitatea, ingurumena eta laneko arriskuen prebentzioa kudeatzeko sistemak mantentzeko lanetan, Zerbitzu Teknikoen lana arlo horretan indarrean dauden araudiek ezarritako eskakizunekin bat etorriz egiten dela bermatzeko.

9. Horretarako ezarritako prozedurekin bat etorriz, udal zerbitzu teknikoekin lankidetzan aritzeko edota aholkatzeko eskaerak erantzutea, txostenak, azterlanak eta proiektuak idatziz, baita obra zuzendaritzako lanak ere, dagozkion eskumenen barruan hala eskatzen zaionean.

10. BBUPren ordezkari izendatu duten elkarte edo talde profesionaletan parte hartzea, baita BBUPren jarduna aurkeztea ere, jardunaldi teknikoetan, biltzarretan, etab.

11. Esleitzen zaizkion gainerako lanak, bere talde profesionalari dagozkionak.

— Beharrezko titulazioa: Bide, ubide eta portuetako ingeniaria.

— Beste baldintza batzuk: B gidatzeko baimena.

• 3 plaza 3. hizkuntza eskakizunarekin (derrigorrezkoa).

•3 plaza 3. hizkuntza eskakizunarekin (ez derrigorrezkoa).

a) Europar Batasuneko edozein estatu kidetako nazionalitatea izatea edo, bestela, Europar Batasunak sinatutako eta Estatu Espainolak berretsitako nazioarteko itunen arabera, langileen joan etorri askea aplikatzekoa zaion estatu bateko nazionalitatea izatea.

Era berean, Europar Batasuneko estatu kideetako nazionalen ezkontideek ere parte hartu ahal izango dute, betiere zuzenbidez banatuta ez badaude. Horrez gain, euren ondorengoek eta euren ezkontideen ondorengoek ere parte hartu ahal izango dute, betiere ezkontideak zuzenbidez banatuta ez badaude, ondorengoak hogeita bat (21) urtetik beherakoak badira edo ondorengoak beren lepotik bizi eta 21 urtetik gorakoak badira.

Halaber, aurreko paragrafoetan aipatu ez diren atzerritarrek ere parte hartu ahal izango dute, betiere legezko egoitza Espainiako Estatuan baldin badute.

b) Deitutako plazari esleitutako zereginak betetzeko gaitasun funtzionala izatea. Gaitasun hori bere garaian egiaztatu beharko da agiri bidez, lan kontratua sinatu aurretik epaimahaiak onartutako izangaiei zenbait proba eta osasun azterketa egin ondoren. Osasun azterketa hori Bilbao Bizkaia Ur Partzuergoak adierazitako zerbitzuetan egingo da.

Hautaketa prozesuak dirauen bitartean, epaimahaiari beharrezkoa iruditzen bazaio, Bilbao Bizkaia Ur Partzuergoari eskatu ahal izango dio elbarrientzako txandan lehiatzen diren izangaiei probak eta osasun azterketak egiteko. Horrela, bada, deialdiko lanpostuetan egin ohi diren jarduerak betetzeko gai diren egiaztatu ahal izango da, hautaketa prozesua amaitu arte itxaron beharrean.

c) 16 urte izan beharko dituzte eta ezin izango dute erretiratzeko arauzko adin arrunta eduki (65 urte). Txanda itxiko (txandaka) plazetarako deialdietan, beharrezkoa izango da 18 urte beteta izatea, Langileen Estatutuaren 6.2. artikuluarekin bat etorriz.

d) Kasuan kasuko plazarako eskatutako titulazioa edukitzea edo titulua jasotzeko eskubideak ordainduta izatea. Atzerriko titulazioen kasuan, homologazioa ziurtatzen duen agiria eduki beharko da.

Goi mailako unibertsitate titulazioa betekizun gisa dauzkaten deialdien kasuan (lizentziatura, arkitektura edo ingeniaritza), gradu titulazioa izateak, urriaren 29ko 1393/2007 Errege Dekretuaren 9. eta 10. artikuluetan araututako unibertsitate masterrarekin, kasu bakoitzean kasuan kasuko plazarako legedi aplikagarriak ezarritako titulazioarekin baliokidetasuna izango du. Erdi mailako unibertsitate titulazioa betekizun gisa dauzkaten deialdien kasuan (unibertsitate diplomatura, arkitektura teknikoa edo ingeniaritza teknikoa), urriaren 29ko 1393/2007 Errege Dekretuaren 9. artikuluetan araututako gradu titulua izateak kasu bakoitzean kasuan kasuko plazarako legedi aplikagarriak ezarritako titulazioarekin baliokidetasuna izango du. Hartara, Goi mailako Hezkuntzarako Kualifikazioen Espainiako Esparru (GMHKEE) eta Kualifikazioen Europako Esparru (KEE) barruan ezarritako baliokidetasun mailak erabiliko dira.

e) Diziplina espediente bidez inolako Administrazio Publikoren zerbitzuetatik edo Autonomia Erkidegoetako organo konstituzional edo estatutarioetatik baztertuta ez egotea, ezta ebazpen judizial bidez lan edo kargu publikoetarako desgaikuntza absolutua edo berezia izatea ere, antzeko zereginak betetzeko aldendu edo desgaitu egin badute.

Atzerritarra izanez gero, desgaituta edo antzeko egoeran ez egotea, eta bere Estatuan lan publikoa antzeko egoeran lortzea eragotziko liokeen diziplina zigorra edo parekoa ez izatea.

f) Ezin izango dira ezintasunagatiko edo bateraezintasunagatiko legezko auziren baten menpe egon, administrazio publikoen zerbitzura dauden langileen bateraezintasunei buruzko indarreko arautegian ezarritakoa kontuan hartuta. Hala ere, ez du inolako eraginik izango arautegiak berak aukeratzeko emandako eskubidean.

g) Kasuan kasuko eranskinetan hautaketa prozesu bakoitzerako zehaztutako gainerako beste betekizun guztiak bete beharko dituzte.

h) Minusbaliotasuna duten pertsonei gordetako plazetara aurkezten direnek izaera hori onarturik izan beharko dute, betiere %33koa edo hortik gorakoa izango den ezgaitasun mailarekin; izaera hori Administrazioaren organo eskudunak onartu beharko du (foru aldundien organo eskuduna, Imserso, edo baliokidea).

3.2. Deialdian parte hartu nahi dutenek aurreko baldintza guztiak bete beharko dituzte eskaerak aurkezteko epea amaitzen den egunean bertan. Era berean, hautaketa prozesuak dirauen bitartean eta kontratatuak izan arte, baldintza horiei guztiei eutsi beharko diete.

Onartuak izateko eta hautaketa prozesuan parte hartzeko, izangaiek eskaeran beharrezko betekizun guztiak betetzen dituztela adierazi besterik ez dute. Nolanahi ere, prozedurako fase zehatz batean horiek guztiak egiaztatzeko eskatuko zaie.

3.3. Hautaketa prozesuan parte hartzea borondatezkoa izango da, eta esan nahiko du izangaiek agindu dakizkiekeen froga psikoteknikoak edota identitatea egiaztatzekoak egiteko prest daudela, eta froga horien emaitzak ere baloraziorako faktore gisa baliatzeari onirizten diotela, oinarri arau hauetan aurreikusitako guztiaren arabera.

3.4. Oinarri hauetan jasotako hautaketa prozesura aurkezteak esan nahi du izangaiek baimena ematen dutela eskabidean ageri diren datu pertsonalak erabiltzeko (izen-abizenak, NAN eta prestakuntza maila), aldizkari ofizialetan, iragarki tauletan, webgunean eta, oro har, hautaketa prozesuaren emaitza partzialak edo behin betikoak jakinarazteko erabiltzen den edozein bideren bitartez argitaratzeko. Halaber, izangaiek datuak erabiltzeko baimena ematen dute, HAEEk edo erakunde eskudunak euskararen hizkuntza eskakizuna edo beste hizkuntzaren baten ezagutza maila egiaztatu dezan, eta, oro har, hautaketa prozesuari dagozkion ariketak epaimahaiak, erakundeak edo enpresak agintzen dionak moduan prestatu eta burutzeko direla baieztatzeko.

Hautaketa prozesuak publizitate printzipioan araututa daude. Ondorioz, izangaiaren eskabiderik ez da onartuko baldin eta ez badu bere datuak lagatzea onesten aurreko paragrafoan adierazitako edukiaz eta helburuetarako.

Izangaiek adierazi beharko dute euren datuak (izen-abizenak, NAN, helbidea, telefonoa eta prestakuntza maila) sektore publikoko beste erakunde batzuei lagatzeko eragozpenen bat duten. Lagapen horren helburu bakarra da erakunde horiek lan eskaintzak legez ezarritako moduan egitea. Datuak lagatzea ez dutela nahi berariaz adierazi ezean, izangaiek horretarako baimena ematen dutela ulertuko da.

Izangaiek emandako datuak datu pertsonalak gordetzeko fitxategi batean sartuko dira, eta horren helburua izango da pertsonal finkoa eta aldi baterako pertsonala kudeatzea.

Fitxategiaren arduraduna da Bilbao Bizkaia Ur Partzuergoa; eta interesdunak datuak ikusi, zuzendu eta ezabatu ahalko ditu, baita datuen tratamendua mugatu edo horri uko egin ere. Gainera, interesdunak baliatu ahalko du datuon eramangarritasun-eskubidea.

Horretarako, idazki bat bidali beharko du helbide honetara: Done Bikendi kalea, 8, Albia I eraikina, 48001-Bilbo.

3.5. Izangaiek deialdi zehatz bakoitzeko txanda bakarrean parte hartu ahalko dute, txanda askean edo minusbaliotasuna duten pertsonen txandan, eta halaxe adieraziko dute eskaeran, betiere 1.2. oinarriaren bigarren paragrafoan ezarritakoari kalterik egin gabe.

Nahi den aukera berariaz agertu ezean edo deialdi bererako baliozkotasunez egindako aukera bat baino gehiago egonez gero edo izangaiak txanda murritzerako baldintzak bete ezean, eskaera txanda askerako aurkeztu dela ulertu beharko da ofizioz.

Ezgaitasun intelektuala egiaztatzen duten pertsonek betetzeko moduko plazak jasotzen dituzten deialdi zehatzetan, plaza lortzeko beharrezkoa izango da txanda horretako izangaiek inguruabar hori zehaztea.

4.2. Eskaeraren baldintzak:

a) Eskaera telematikoak eredu ofizialean aurkeztu beharko dira; eredu hori www.consorciodeaguas.eus webgunearen bidez eskuratu ahalko da.

Eskaerok helbide elektroniko horretan ezarritako prozedura elektronikoaren bidez aurkeztu beharko dira.

Eskabidearekin batera eskaneatutako Nortasun Agiri Nazionala (NAN) edo baliokidea (atzerritarra izanez gero) aurkeztu beharko da.

Alegatutako baldintzak eta merituak betetzen direla adierazteko, zerrenda eta identifikazio bat egin beharko dira hautaketa prozesuan parte hartzeko eskatzen den eskaera orrian. Gauzak horrela, eskaerarekin batera ez da aurkeztu behar baldintza eta meritu horien egiaztagiririk; izan ere, partaidetza baldintzak nahiz alegatutako merituak egiaztatu beharko dira horretarako eskatuak izan diren unean, betiere oinarrietan ezarritakoaren arabera.

Halaber, hala nahi dutenentzat, Partzuergoak erregistro bulego osagarria prestatuko du, Albia II eraikinean kokatuko dena; bertan, hala nahiago duten pertsonen esku jarriko dira ordenagailuak eta eskaera betetzeko beharrezko bestelako baliabide teknikoak, eta interesdunei aholkuak eta laguntza emango zaie eskaera zuzen eta egoki bete dezaten.

b) Aukera gisa, eskaera paperean aurkeztu nahi duten izangaiei zuzenduta, oinarri hauei eskaera eredu bat erantsi zaie; eredu hori oinarri hauetan ezarritakoaren arabera bete eta 4.3. atalean adierazitako tokietan aurkeztu beharko da.

c) Eskaeraren atal guztiak bete beharko dira. Eskatutako baldintza guzti-guztiak betetzen dituztela adierazi beharko dute, eskariak aurkezteko epearen amaiera eguna kontuan hartuta beti.

Horretarako, eskabidearen dagokion atalean, izangaiek hauxe adierazi beharko dute:

— Eskatutako datu pertsonalak.

— Zein deialditan parte hartu nahi duen.

— Zein txandatan parte hartu nahi duen: txanda askean (a) edo minusbaliotasunen bat duten pertsonentzako txandan (b), betiere deialdian ezarritakoari jarraiki. Izangaiek txanda bakarrean parte hartu ahalko dute deialdi bakoitzeko,

1.2. oinarritan ezarritakoari kalterik egin gabe.

— Elbarritasunak dituzten pertsonek adierazi egin beharko dute hori eskabidean, baita proba egiteko beraien ustez zein egokitzapen tekniko behar dituzten ere.

— Ariketak zein hizkuntza ofizialetan egin nahi dituzten, euskaraz edo gaztelaniaz.

Edonola ere, gaitasun psikologikoak ebaluatzeko probak jatorrian diseinatu diren hizkuntzan egingo dira.

— Parte hartzeko betekizun gisa zein titulazio aurkezten duten.

— Euskarazko hizkuntza eskakizun ziurtatua.

— Lehiaketa faserako alegatu diren merituak: 11. oinarrian aurreikusitakoaren arabera zehaztu beharko dira. Meritu horiek geroago egiaztatu beharko dira,

11. oinarrian ezarritako forman eta epean. Parte hartzeko eskabidean alegatutako merituak baino ez dira baloratuko.

4.3. Aurkezteko tokia: Eskabideak modu telematikoan aurkeztuko dira www.consorciodeaguas.eus webgunearen bidez.

Aukera gisa, paperezko formatua erabiliz gero, eskabideak modu presentzialean aurkeztu ahalko dira Administrazio Publikoen Administrazio Prozedura Erkidearen urriaren 1eko 39/2015 Legearen 16.4. artikuluak ezarritakoari jarraikiz, helbide honetan: Bilbao Bizkaia Ur Partzuergoa, Done Bikendi kalea 8, Albia II, beheko solairua, 48001-Bilbao.

OINARRIAK (PDF, 2 MB)

A) Ezagutza orokorren gai zerrenda

1. gaia: Hornidura prozesua. Tratamenduaren ohiko prozesua definitzea. Instalazioaren elementuak eta beren zeregina deskribatzea. Alderdi teknikoen definizio orokorra. Eragiketa nagusiak.

2. gaia: Saneamenduaren prozesua. Tratamenduaren ohiko prozesua definitzea. Instalazioaren elementuak eta beren zeregina deskribatzea. Alderdi teknikoen definizio orokorra. Eragiketa nagusiak.

3. gaia: Uraren Esparru Zuzentaraua (2000/60/EE). 91/271/EE Zuzentaraua. 1/2001 Legegintzako Errege Dekretua, uztailaren 20koa, Uren Legearen Testu Bategina onesten duena. 1/2006 Legea, ekainaren 23koa, Euskal Autonomia Erkidegoko Urei buruzkoa. Eskumenen banaketa: estatuko eskumenak, autonomia erkidegoenak, lurralde historikoenak eta tokiko erakundeenak.

4. gaia: Uren araubide juridikoa: Herri jabaria. Plangintza hidrologikoa. Ur emakidak. Uren erabilerak eta aprobetxamendua. Uren babesa. Isurketa baimenak. Isurketaren kontrol kanona. Ur masak. Kontinenteko urak, kostaldeko urak eta trantsizio urak.

5. gaia: 40/2015 Legea, urriaren 1ekoa, Sektore Publikoko Araubide Juridikoari buruzkoa. Xedapen orokorrak, sektore publikoaren jarduketaren printzipioak eta funtzionamendua. Administrazio Publikoren ondare erantzukizuna. Partzuergoak.

6. gaia: 39/2015 Legea, urriaren 1ekoa, Administrazio Publikoen Administrazio Prozedura Erkidearena: Pertsonek administrazio publikoekiko harremanetan dituzten eskubideak. Prozeduretako hizkuntza. Izapideen erantzukizuna. Ebazteko betebeharra.

7. gaia: 2/2016 Legea, apirilaren 7koa, Euskadiko Toki Erakundeei buruzkoa: Tokiko zerbitzu publikoen kudeaketa.

8. gaia: 10/1982 Legea, azaroaren 24koa, Euskararen erabileraren normalizazioari buruzko oinarrizkoa.

9. gaia: 5/2015 Legegintzako Errege Dekretua, urriaren 30ekoa, Langile Publikoaren Oinarrizko Estatutuari buruzko Legearen testu bategina onetsi duena. Enplegatu publikoen eskubideak eta betebeharrak. Jokabide kodea. Diziplina araubidea.

10. gaia: Generoaren arloko politikak: 3/2007 Lege Organikoa, martxoaren 22koa, Emakumeen eta gizonen berdintasun eragingarrirakoa. Eusko Legebiltzarraren 4/2005 Legea, otsailaren 18koa, Emakumeen eta gizonen arteko berdintasunerakoa.

11. gaia: Bilbao Bizkaia Ur partzuergoa (I): Eratzea eta osatzen duten erakundeak. Partzuergoaren eskumenak eta xedeak. Nortasun eta gaitasun juridikoa. Tarifak. Administrazio ahalmenak.

12. gaia: Bilbao Bizkaia Ur Partzuergoa (II): Partzuergoaren zuzendaritza-organoak eta eskudantziak. Funtzionamendua. Araubide ekonomikoa.

13. gaia: Laneko arriskuen prebentzioa 31/1995 Legea, azaroaren 8koa, Laneko Arriskuen Prebentzioari buruzkoa eta 39/1997 Errege Dekretuak onartutako Prebentzio Zerbitzuen Erregelamendua.

14. gaia: 9/2017 Legea, azaroaren 8koa, Sektore Publikoko Kontratuei buruzkoa.

15. gaia: 3/2018 Lege Organikoa, abenduaren 5ekoa, Datu Pertsonalak Babesteari eta eskubide digitalak bermatzeari buruzkoa. Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendua, datu pertsonalen tratamenduari dagokionez pertsona fisikoen babesari eta datu horien zirkulazio askeari buruzko arauak ezartzen dituena.

16. gaia: Ingurumen Kudeaketako Sistema: Kontzeptuak. Ingurumen Kudeaketako Sistemaren betekizun nabarmenak. Ingurumen Kudeaketako Sistema mantentzea. Ziurtagiriak.

17. gaia: Kalitatearen Kudeaketa Sistema: Kontzeptuak. Ohiko dokumentazioa kalitatea kudeatzeko sistemetan. Kalitatearen Kudeaketa Sistema mantentzea. Ziurtagiriak.

18. gaia: Ofimatika: Word, Excel eta Access.

B) Ezagutza berezien gai zerrenda

1. atala.—Ur hornidura, hiri hidraulika eta hidrologia

1. gaia: Baliabide hidraulikoak. Azaleko ura: arroetan jariatzeen emaria kalkulatzea, hietogramak, hidrogramak, garraio hidrologikoa ibai eta erreketan. Azal azpiko ura: infiltrazioa, akuifero motak, akuiferoak berriro kargatzea, aprobetxamendua.

2. gaia: Ur bilketa: Lurrazaleko eta lurpeko ur bilketa. Ura biltzeko presa txikiak. Zundaketak. Ponpaketa entsegua.

3. gaia: Hiri uraren erabilerak. Eskaerak eta kontsumoak. Ur galerak banaketa sarean.

4. gaia: Presak eta urtegiak. Erregulazio azterlanak. Ustiapen arauak.

5. gaia: Edateko uren tratamendutegiak I. Edateko uraren tratamenduaren eskema. Aurretratamendua, koagulazioa, malutapena eta dekantazioa.

6. gaia: Edateko uren tratamendutegiak II. Harea iragazkiak, ikatz aktiboaren iragazkiak, zuzenketa kimikoa eta uraren egokitzapena. Lohien tratamendua.

7. gaia: Edateko uren tratamendutegiak III. Herdoiltze tratamenduak eta desinfekzioa: kloroa eta horren deribatuak, ozonoa, UV eta permanganatoa.

8. gaia: Edateko uren tratamendutegiak IV: Tratamenduak mintzekin: iragazketa, ultrairagazketa, osmosia...

9. gaia: Urak banatzeko hiri sareak. Sareko diseinua eta elementuak.

10. gaia: Edateko uren ponpatze estazioak. Tipologia. Bulkatzeko hodiak. Elementuak. Instalazio osagarriak. Erregulazioa eta kontrola.

11. gaia: Ur biltegiak. Dimentsioak. Eduki kalkulua. Tipologia. Kokalekua eta kota. Balbulen gela. Biltegien osagaiak. Hodiak eta mekanismoak.

12. gaia: Hornidura sareen ustiapena, mantentzea eta birgaitzea. Sektorizazioa. Kontabilizatu gabeko ura. Ur ihesak.

2. atala.— Hondakin uren saneamendua eta hiri hidrologia

13. gaia: Industria eta hiri hondakin urak. Ezaugarriak. Osaera. Alderdi fisikoak, kimikoak eta biologikoak. Populazioa. Zerbitzuen sektorea. Hondakin uren tipologia. Instalazioetan eta hondakin urak arazteko prozesuan eragindako ondorioak. Emarien kalkulua.

14. gaia: Euri urak. Emarien kalkulua. Infiltrazioa. Hidrologia. Euri uren hodi biltzailearen dimentsioak eta trazadura. Drainatze Iraunkorreko Hiri Sistemak. Motak eta diseinua.

15. gaia: Estolderia sareak. Unitate sareak eta sare banatzaileak. Instalazio osagarriak. Automatizazioa eta sareen kontrola. Gainezkabideak ekaitz uretan eta uraren kalitatean duen eragina.

16. gaia: Hondakin uren ponpatze-estazioak. Tipologia. Ganberaren bolumena. Bulkatzeko hodiak. Elementuak. Instalazio osagarriak. Erregulazioa eta kontrola.

17. gaia: Gainezkabideak, ekaitz andelak eta kontrol elementuak. Gainezkabideak eta ekaitz andelak: Ezaugarriak, tipologia, diseinua, erregulazioa eta kontrola.

18. gaia: Hondakin uren araztegiak I. Arazketa prozesuen aukeraketa irizpideak. Araztegiak ezartzeko oharrak. Diseinu parametroak. Tratamendu faseak: lehen mailakoa, bigarren mailakoa eta hirugarren mailakoa.

19. gaia: Hondakin uren araztegiak II. Aurretratamendua eta lehen mailako tratamendua. Deskribapena, ezaugarriak eta diseinu parametroak. Aurretratamenduko hondakinak.

20. gaia: Hondakin uren araztegiak III. Bigarren mailako tratamendua. Lohi aktiboen bidezko prozesu biologikoak: prozesuaren deskribapena eta diseinu parametroak. Nitrogenoa eta fosforoa ezabatzea. Aireztapen sistemak. Gardentzea. Bigarren mailako tratamenduko beste prozesu batzuk: SBR, prozesu biologikoak laborantza finkoetan, mintzak...

21. gaia: Hondakin uren araztegia IV. Herri txikietako arazketaren eta saneamenduaren berezitasunak. Bigarren mailako tratamendu estentsiboak.

22. gaia: Arazketa lokatzen tratamendua eta kudeaketa I. Ekoizpena eta ezaugarriak. Kontrol parametroak. Loditzeko sistemak. Lokatzen egonkortasuna. Deshidratazioa: teknologiak eta diseinu-parametroak. Balorizazioa. Kudeaketa printzipioak.

23. gaia: Arazketa lokatzen tratamendua eta kudeaketa II. Oinarri fluidifikatuko labeetan erretzea. Oinarri fluidifikatuko labeen deskribapen fisikoa. Errekuntza prozesuaren deskribapena: erretzea, berreskurapen energetikoa, errekuntza gasen arazketa. Labearen funtzionamendurako oinarrizko baldintzak. Isurketen kalitatearen kontrola.

24. gaia: Saneamendu sareak ustiatzea, mantentzea eta birgaitzea. Garbiketa eta ikusketak. Saneamendu sare baten funtzionamendua. Funtzionamenduaren optimizazioa. Isuriak murriztea. Online eta offline biltegiratzea. Kontrol gailuak. Kontrola denbora errealean. Teknika aurreratuak.

25. gaia: Kolektore sistemetan sortzen diren usainak. Horiek sortzea ekiditeko neurriak. Hodi biltzaileen sarearen aireztapena. Diseinu irizpideak: kolektoreak, ponpatze estazioak, gainezkabideak. Aireztapen naturala. Eragindako aireztapena. Usainen tratamendua.

26. gaia: HUAetako usainen tratamendua. Kirats iturriak, murrizketa, bilketa eta aireztapena. Usainak desagerrarazteko tratamendu sistemak.

27. gaia: Itsaspeko igorleak. Kontzeptua eta funtzionamendua. Motak eta diseinua. Eraikuntza teknikak.

3. atala.—Sareen eraikuntza

28. gaia: Geoteknia, hornidura eta saneamendu sistemetara aplikatuta. Lurren eta haitzen karakterizazioa. Asentuen kontrol eta kalkulua. Harkaitzen mekanika.

29. gaia: Ur biltegiak eta ekaitz andelak. Egitura diseinua eta eraikuntza.

30. gaia: Hormigoia, altzairua eta beste material batzuk. Hormigoia: osaera, motak eta korrosioa. Altzairua: armadura altzairua, altzairu herdoilgaitza, korrosioa, elementu metalikoen babesa. Beste material batzuk: polietilenoa; PVC; poliesterra; polipropilenoa.

31. gaia: Tunel hidraulikoak. Diseinua: Lurraren karakterizazioa. Eustea eta estaldura. Indusketa metodoak. Eraikuntza: Makinak eta errendimenduak. Instalazio osagarriak.

32. gaia: Tutuak. Hodien ezaugarriak. Diseinu industriala. Aplikazio arauak. Tutuen korrosioa. Tutuetarako materialak.

33. gaia: Tutuak zangan. Sekzio tipoak. Eskoratzedun indusketak. Eskoratzeak. Zutoin-oholak. Agortzea. Lurzorua hobetzea. Egikaritzea eta probak.

34. gaia: Zanga gabeko teknologiak. Bultzatzailearekin jarritako hodiak. Lurzoruetan. Harkaitzetan. Ekipamenduak eta tipologia. Egikaritzea. Zuzendutako zulaketa. Hodiak birgaitzea.

4. atala.—Elektrizitatea eta instrumentazioa

35. gaia: Eraldaketa eta banaketa zentroak. Sistema monofasikoak eta trifasikoak: potentzia faktorea eta zuzentzea, itxurazko potentzia, aktiboa eta erreaktiboa. Elementu integratzaileak, deskribapena eta ezaugarriak. Goi tentsioko gelaxkak. Banaketa transformagailuak.

36. gaia: Makina elektrikoak abiaraztea. Babesak. Pizgailu estatikoak eta frekuentzia aldagailuak: definizioa, erabilera baldintzak, ezaugarriak, abiadura aldaketa.

37. gaia: Instrumentazioa. Deskribapenak, aplikazioak, motak, instalazio baldintzak. Maila, emaria, presioa, pH eta tenperatura. Komunikazio industrialak eta banaketa kontrola. Prozesuen automatak. Kontrola, tokikoa eta urrutikoa. Bistaratze sistemak (Scada). Komunikazio sistemak.

38. gaia: Muntaketa eta eraikuntza fasetik obra hartu arteko etapak. Instalazioen legeztapena. Makina martxan jartzea eta errendimendu probak.

5. atala.—Obra eta proiektuen kudeaketa

39. gaia: Proiektuen kudeaketa integratua. Faseak: hasiera, plangintza, gauzatzea, kontrola eta ixtea. Bizitza zikloa. BIM.

40. gaia: Ingurumen eraginari buruzko ebaluazioa. Prozedura eta ingurumen eraginaren ebaluazioaren mendeko planak, programak eta proiektuak. Ingurumen eraginari buruzko ebaluazioaren arloko eskumenak. Ingurumen ebaluazio

estrategikoa. Proiektu eta obretako ingurumen agiriak.

6. atala.—Planeamendua

41. gaia: Lurraldearen plangintza tresnak. Lurralde Antolamenduaren Gidalerroak, lurralde-plan partzialak eta lurralde-plan sektorialak. Hirigintzako plangintza tresnak: Hiri antolamenduko plan orokorra. Hiri eraberritze edo hiri antolamenduko plan berezia. Plan berezia lurzoru urbanizaezinean. Plan partziala. Xehetasun azterketa. Ordenantzak (planetan barne hartu gabekoak).