— Langileei, antolakuntzari eta informatikari buruzko politiken inguruko aholkularitza eman korporazioari, eta langileak eta informatika kudeatzeko politikak aplikatu.

— Zuzendaritza-eginkizunak.

— Udaleko Antolakuntza, Pertsonala eta Informatika atalak zuzendu, planifikatu eta koordinatu.

— Arloko kideak zuzendu.

— Gainbegiratze-eginkizunak.

— Langileen administrazioa gainbegiratzea: nominak, gizarte-aseguruak, Elkarkidetza, bizitza- eta istripu-aseguruak, Igualatorio Médico-Quirúrgico, lan-istripu eta-gaixotasunetarako mutua.

— Udaleko sistema informatikoa gainbegiratzea.

— Udalak informatika esparruan dituen kontratuak gainbegiratzea.

— Lanpostuak baloratzeko prozesuen garapena gainbegiratzea.

— Alkate-Lehendakariari eta Funtzio Publikoko zinegotzi-arduradunari aholku eman honako gai hauen inguruan.

— Plantila organikoa, lan-eskaintza publikoa eta lanpostuen zerrenda.

— Sindikatuekiko harremanak.

— Lanpostuen balorazioa.

— Giza Baliabideen beharren analisia eta aurrekontua.

— Arloko helburuak edo programak.

— Funtzio Publikoko Batzordeak Gobernu Batzordeari edo Osoko Bilkurari proposatutako erabakien edukiak.

— Arloa kudeatzeko eta kontrolatzeko eginkizunak, honako gai hauen inguruan.

— Bertaratzeak eta absentismoa kontrolatzea.

— Langileen prestakuntza.

— Indarrean den araudia gertatzen diren kasuei aplikatzea.

— Lan-kontratuak.

— Lan-eskaintzen garapena: prozedura kontrolatzea.

— Lan-poltsak: prozedura kontrolatzea.

— Arloko kontratazio-espedienteen alderdi teknikoak, bereziki informatika-materialaren hornidura.

— Lan-egutegiak negoziatzea.

— Funtzio Publikoko Batzordeko aktak eta erabakiak.

— Balorazio Batzorde Teknikoaren aktak eta erabakiak.

— Honako hauetan parte hartzea.

— Funtzio Publikoko Batzordeetan idazkari aritzea.

— Epaimahaietan edo langilea hautatzeko organoetan kide aritzea.

— Balorazio Batzorde Teknikoetan idazkari aritzea.

— Informatikako tresna eta aplikazioen erabilera aurreratua.

— Agintzen dizkioten eta lanpostua betetzeko eskatu zaion edo eskuratu duen prestakuntzarekin bat datozen beste zeregin batzuk egitea.

Goi-mailako Titulua edo Gradua edukitzea edo titulu hori lortzeko eskubideak ordainduta edukitzea. Atzerriko titulazioei dagokienez, titulua homologatuta dagoela adierazten duen egiaztagiria izan beharko da

Hizkuntza-eskakizuna: Euskara: C2 nahitaezkoa

Deitutako lanpostua eskuratzeko baldintza hauek bete behar dira:

— Europar Batasuneko estaturen bateko herritartasuna izatea, edo, Europar Batasunak izenpetu eta Espainiako estatuak berretsitako nazioarteko itunen arabera, langileen joan etorri askea aplikatzekoa zaion estaturen bateko herritartasuna izatea.

Parte hartu ahal izango dute, modu berean, Europar Batasuneko kide diren estatuetako herritarren ezkontideek, betiere zuzenbidez banatuta ez badaude, baita haien seme-alabek ere, kasu horretan ere ezkontideak zuzenbidez bananduta ez badaude eta seme-alabek 21 urte baino gutxiago badituzte edo gehiago baina gurasoen kontura bizi badira.

— 16 urte beteta izatea eta nahitaezko erretirorako adina ez izatea.

— Indarrean dagoen araubidearen arabera, desgaikuntza edo bateraezintasuneko legezko auziren batean sarturik ez izatea, azken horrek emandako aukera eskubidea salbu.

— Edozein administrazio publikoren zerbitzutik banatze edo kaleratze egoeran ez egotea, diziplina espedientearen bitartez, edo enplegu edo kargu publikoetan jarduteko desgaikuntza absolutu edo berezirik ez izatea. Beste estatu bateko nazionalitatea izanez gero, desgaikuntzarik edo egoera baliokiderik ez izatea, edo diziplina zigorrik, zigor penalik edo baliokiderik jaso ez izana, bere estatuan, enplegu publikorako sarbidea eragozten diona.

— Lanak egiteko gai izatea eta lan horietan behar bezala aritzea eragotziko lukeen gaixotasunik edo eragozpen fisiko edo psikikorik ez izatea. Hori hala dela frogatzeko, izangai onartuari azterketa egingo zaio Udalak horretarako izendatutako zerbitzuetan.

— Goi-mailako Titulua edo Gradua edukitzea edo titulu hori lortzeko eskubideak ordainduta edukitzea. Atzerriko titulazioei dagokienez, titulua homologatuta dagoela adierazten duen egiaztagiria izan beharko da.

Deialdian onartuak izateko eskaerak aurkezteko epea amaitu baino lehen eta karguaz jabetu arte, baldintza horiek guztiak bete beharko dituzte izangaiek.

Dena den, hautaketa-prozesuaren edozein unetan, epaimahaiak jakinez gero izangairen batek deialdiko baldintza guztiak betetzen ez dituela, izangaia baztertuta utziko du, entzunaldia egin ondoren, eta horren berri emango dio egun berean hautaketa-prozesurako deialdia egin duenari.

Lehiaketa-oposizioan onartua izateko eskabideak alkateari zuzenduko zaizkio, eta eskabide horiek baztertuak ez izateko honako baldintza hauek bete behar dituzte:

a) Izangaiek adierazi beharko dute oinarri hauen 3. atalean zehazturiko baldintza guztiak betetzen dituztela. Baldintza horiek eskabideak aurkezteko epea bukatzen denerako bete beharko dituzte (euskara-maila izan ezik).

b) Izangaiek goi-mailako unibertsitate-tituluaren edo baliokidearen fotokopia aurkeztu beharko dute, edo titulazio horiek eskuratzeko eskubideak ordaindu dituztela frogatzen duen agiria. Atzerriko titulazioei dagokienez, titulua homologatuta dagoela adierazten duen egiaztagiria izan beharko da.

c) Izangaiek adierazi beharko dute oposizioko ariketak Autonomia Erkidegoko zein hizkuntza ofizialetan egin nahi dituzten. Edonola ere, gaitasun psikologikoak ebaluatzeko probak berez diseinatutako hizkuntzan egingo dira.

d) Izangaiek IVAPeko 4. hizkuntza-eskakizunaren egiaztagiria edo baliokidea aurkez dezakete euskara-azterketa egin behar ez izateko.

e) Izangaiek 3. oinarrian zehaztutako baldintza egiaztatzeko agiriaren fotokopia aurkeztuko dute (NAN, AIZ edo bestelakoak).

f) Ariketak egiteko denbora eta baliabideak egokituko zaizkie egokitzapenak behar dituzten eta eskabidean hala adierazi duten pertsona desgaituei. Eskaerarekin batera ezintasun-maila zehazteko organo tekniko eskumendunak emandako irizpen teknikoa aurkeztu beharko dute, Epaimahaiak eskatutako egokitzapenak bidezkoak diren ala ez balioetsi ahal izan dezan.

Eskabideak Herritarren Arreta Zerbitzuan eta webgunean eskuragarri dauden eredu ofizial eta normalizatua erabiliz egingo dira. Eskabide-orriak Udaleko HAZen bulegoan aurkeztuko dira, deialdia Estatuko Aldizkari Ofizialean argitaratu eta hurrengo egunetik aurrera zenbatutako 20 laneguneko epean.

Halaber, Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan aipatzen diren administrazio publikoen erregistroetan ere aurkeztu ahal izango dira eskabideak. Postetxeetan aurkeztutako eskabideak Erandioko alkateari zuzenduko zaizkio, gutun-azal irekian, postako funtzionarioak data eta zigilua jar ditzan, eskabideak aurkezteko epearen barruan daudela egiaztatzeko. Hori nahitaezko baldintza da Udaleko Erregistroko sarrera data eta instantzia postetxean aurkeztu denekoa berdinak direla ulertzeko.

OINARRIAK (PDF, 618 KB)

OINARRIAK ZUZENKETA (PDF, 98 KB)

1. atala.—

Administrazio-zuzenbidea

1. Administrazio Publikoa Konstituzioan. Administrazioaren arautzea Administrazio Publikoen Araubide Juridikoaren Legean eta Administrazio Prozedura Erkidearen Legean.

2. Administrazio-egintza. Kontzeptua. Elementuak. Motak. Baldintzak: Arrazoitzea eta forma.

3. Egintza administratiboen eraginkortasuna. Jakinarazpena: Edukia, epea eta praktika. Jakinarazpen akastuna. Argitaratzea. Beste administrazio batek onestea. Eraginkortasuna berandutzea eta atzera egitea.

4. Administrazio egintzen baliogabetasuna. Erabateko deuseztasun kasuak eta deuseztagarritasuna. Administrazio-egintzaren kontserbazioaren printzipioa. Egintzen eta xedapenen berrazterketa Administrazioak berak egiten duenean. Kasuak. Deuseztasun eginda, prozedura, mugak. Kaltegarritasunaren deklarazioa edo aitorpena. Egintzak indargabetzea edo atzera botatzea. Errakuntza materialak edo egitatezkoak zuzentzea.

5. Administrazio-prozedurei buruzko xedapen orokorrak eta administrazio-prozeduren arau erregulatzaileak. Interesatu-motak administrazio-prozeduran.

6. Administratuaren eskubideak. Prozeduraren hasiera: Eskaera motak, eskaerak hobetzea eta ongitzea. Eskabideak, idatziak eta komunikazioak aurkeztea.

7. Administrazio-erregistroak. Amaierak eta epeak: Presako tramitazioa, zenbaketa eta anpliazioa. Antolamendua. Instrukzioa edo Bideratzea. Interesatuen esku hartzea, proba eta txostenak.

8. Prozeduraren amaiera. Ebazteko obligazioa. Berariazko ebazpenaren edukia: Kongruentzia eta hasierako egoera ez larriagotzeko printzipioak. Hitzarmenezko amaiera. Berariazko ebazpenik eza.

9. Administrazio-errekurtsoak. Printzipio nagusiak. Administrazio-errekurtsopean gera daitezkeen egintzak. Administrazio-errekurtsoak tramitatzeko arau orokorrak. Errekurtso-motak.

10. Akzio zibilen eta lan-alorreko akzioen aurretiko administrazio-erreklamazioak. Administrazio- errekurtsoen ordezko prozedurak: Adiskidetzea, bitartekaritza eta arbitrajea.

11. Administrazioarekiko auzien jurisdikzioa. Izaera, hedadura eta mugak. Jurisdikzioaren organoak eta bakoitzaren eskumenak. Alderdiak: Legitimazioa. Administrazioarekiko auzi-errekurtsoaren xedea edo helburua.

12. Jurisdikzio soziala. Alderdi prozesalak. Gaitasuna eta legitimazioa, ordezkaritza eta defentsa. Aurretiko adiskidetzea.

13. Toki Zuzenbidearen iturri-sistema. Estatuaren oinarrizko arauak edo erregulazioa eta Euskal Herriko Autonomia Erkidegoaren araudia Toki Araubidearen alorrean. Arlokako legeriak toki araubidean duen eragina.

14. Toki erakundeek arauak egiteko duten ahalmena: Erregelamenduak edo Araudiak eta Ordenantzak. Egiteko prozedura edo jardunbidea.

15. Udal-antolaketa. Araubide bateratuko udalerriak. Beharrezko organoak: Alkatea, Alkateordeak, Udalbatza, Tokiko Gobernu Batzarra, aholku-, argibide- edo azterketa- organoak, kontuen batzorde berezia, zinegotzi ordezkariak. Talde politikoak.

16. Bilkuren araubidea eta toki gobernuko organoen erabakiak. Aktak, ziurtagiriak, komunikazioak, jakinarazpenak eta erabakien publikazioa. Dokumentuen erregistroa.

17. Toki Administrazio instituzionala. Tokiko erakunde autonomoak eta enpresa-erakunde publikoak. Merkataritza-sozietateak toki administrazioan.

18. Udal-eskumenak: Eskumenak zehazteko sistema. Berezko ahalmenak, konpartituak eta ordezkatuak. Gutxieneko zerbitzuak.

19. 4/2005 Legea, otsailaren 18koa, Emakumeen eta Gizonen Berdintasunerakoa. Legearen aplikazioa Administrazio Publikoetan eta hautapen-prozesuetan.

2. atala.—

Funtzio publikoa

20. Funtzio Publikoaren esparru juridikoa. Konstituzioak Funtzio Publikoari buruz egiten dituen erreferentziak.

21. Funtzionario publikoak. Kontzeptua eta mugak. Toki Administrazioko funtzionarioak. Kontzeptua. Funtzio publikoak: Erreserba.

22. Pertsonal plantilla: Kontzeptua. Edukia. Aldatzeko eta onartzeko prozedura edo jardunbidea.

23. Lanpostuen zerrenda: Kontzeptua. Ezaugarriak. Edukia. Aldatzeko eta onartzeko prozedura edo jardunbidea.

24. Lan-eskaintza publikoa: Kontzeptua. Ezaugarriak. Plantillarekin edo LZrekin duen lotura. Edukia. Onesteko prozedura. Ondorioak.

25. Pertsonalaren erregistroa: Definizioa. Helburua. Edukia. Neurriak eta aurreikuspenak. Estatu izaerako Gaituen Erregistroa.

26. Enplegu planak: Ordenamendu juridikoa. Lanpostuen eta antolamoldeen aldaketak. Giza baliabideen berresleipena eta mugikortasuna. Enplegu Plan baten eraginpean geratzen diren beharginen egoera.

27. Euskal Administrazio Publikoetako funtzionario-lanpostuak betetzea.

28. Funtzio Publikoan sartzea: Konstituzio-hatsarreak edo printzipioak. Betebeharrak.

29. Funtzio Publikoan sartzea: Aplikatu beharreko legeria: Printzipio gidariak. Motak. Oposizioa, lehiaketa eta lehiaketa-oposizioa. Aldi baterako enpleguaren finkapena.

30. Funtzio Publikoan sartzea: Langileak hautatzeko organoak. Motak. Osaera: Bere jardueraren funtzionamendua eta formalizazioa. Errekurtsoak. Diskrezionaltasun teknikoa.

31. Funtzio Publikoan sartzea: Oinarriak eta deialdiak. Eraketa. Oinarri generikoak eta zehatzak. Oinarrien izaera eta deialdia. Oinarrien lotura. Errekurtsoak. Oinarrien edukia. Oinarriak eta deialdia argitara ematea. Deialdia eta oinarriak onartzea. Aldatzea eta deuseztea.

32. Funtzio Publikoan sartzea: Hautaketa-prozedura.

33. Funtzionario-izaera galtzea: Legezko kasuak. Lege-oinarria. Uko egitea. Nazionalitatea galtzea. Zerbitzutik banantzeko diziplina-zehapena. Desgaikuntza osoko edo bereziko zigorra. Erretiroa. Birgaikuntza.

34. Tokiko administrazioaren funtzionario publikoen eskubideak: Izaera. Kargurako eskubidea. Baimenak, lizentziak eta oporrak. Tratua, ohoreak eta sariak. Administrazio-karrera.

35. Tokiko administrazioaren funtzionario publikoen eskubideak: Gizarte Segurantza. Lanaldia. Babesa karguan jardutean, informaziorako eta parte-hartzeko eskubidea.

36. Enplegatu publikoen ordainsariak. Kalte-ordainak zerbitzuaren arrazoiarengatik. Egindako zerbitzuak aitortzea.

37. Funtzionario publikoen betebeharrak.

38. Toki administrazioko funtzionario publikoen bateraezintasunak. Abenduaren 26ko 53/1984 Legea, bateraezintasunarena, apirilaren 30eko 598/1985 EDz garatua.

39. Egoera administratiboak. Estaturako gaikuntza duten funtzionarioen egoera administratiboak.

40. Behin-behineko pertsonala edo langileak: Kontzeptua. Izendapena. Eginkizunak. Publizitatea. Ordainsariak. Bateraezintasuna. Mendekotasuna. Kargutik kentzea. Gizarte Segurantza eta babesa langabeziagatik.

41. Bitarteko pertsonala: Kontzeptua. Hautaketa-prozesua. Bitarteko funtzionarioen egoerak. Funtzionarioen betebeharrak eta eskubideak. Lizentziak eta baimenak. Gizarte Segurantza. Ordainsariak. Administrazio-karrerarako eskubidea. Betebeharrak. Bateraezintasunak. Kargutik kentzea.

42. Zuzendaritzako langileak edo pertsonala: Araubide juridikoa. Kontzeptua. Toki zuzendarien bateraezintasunen araubidea eta jardueren eta ondasunen deklarazioak edo aitorpenak.

43. Diziplina-araubidea: Zehatzeko ahalaren printzipio arautzaileak. Toki Administrazioko funtzionarioaren diziplina-araudiaren erregulazioa. Akatsen edo hutsegiteen sailkapena. Zehapenak. Ardura duten pertsonak. Diziplina-erantzukizunaren iraungitzea. Diziplina-prozedura.

44. Estaturako gaikuntza duten funtzionarioak. Araubide juridikoa eta betebeharrak. Hautaketa, izendapena, lanpostuen sailkapena. Lankidetza-lanpostuak. Lanpostuak betetzeko modua.

45. Euskara Estatutuan. Azaroaren 24ko 10/1982 Legea, Euskararen Erabilera normalizatzeko oinarrizkoa. Hizkuntza-eskakizunen azterketa berezia, eskakizunen araubide juridikoa eta horien aplikazioa Euskal Funtzio Publikoaren legean.

46. 86/1997 Dekretua, apirilaren 15ekoa, Euskal Autonomia Erkidegoko administrazio publikoetan euskararen erabilera normalizatzeko prozesua arautzen duena.

47. Negoziazio kolektiboa. Oinarrizko kontzeptuak. Negoziazio kolektiboko prozesua. Negoziazio kolektiboaren faseak.

48. Udalhitz: Euskadiko tokiko erakundeen lan harremanetarako marko sektoriala eratzeko protokoloa.

49. Udalhitz: Euskal Toki Erakundeetako funtzionarioen eta lan-kontratukoen lan-baldintzak arautzen dituen hitzarmena. Xedapen orokorrak. Lanaldi, atsedenaldi, jaiegun, oporraldi, aparteko zerbitzu, lizentzia eta baimenen araubidea edo erregimena.

50. Udalhitz: Euskal Toki Erakundeetako funtzionarioen eta lan-kontratukoen lan-baldintzak arautzen dituen hitzarmena. Ordainsarien erregimena. Prestazio pasiboen babes-sistema osagarria eta beste asistentzia hobekuntza batzuk. Langileak hautatzea, lanpostuak hornitzea eta barne sustapena edo promozioa sustatzea.

51. Udalhitz: Langile publikoen osasuna, segurtasun eta osasun batzordeak, prebentzioko ordezkariak, eta laneko jazarpenaren eta genero indarkeriaren kontrako babes neurriak. Sindikatuko kide izateko eskubidea indarrean jartzeko erregimena, sindikatu-ekintza, ordezkaritza, parte-hartzea, batzarra eta negoziazio kolektiboa.

52. Udalhitz: Langileen hizkuntza eskubideak praktikan jartzea, lan egonkortasuna eta enpleguaren kalitatea. Diziplina-araubidea. Xedapen osagarriak, azken xedapenak eta eranskinak.

53. Laneko harreman indibiduala administrazio publikoan. Lan-kontratuaren edukia. Oinarrizko lan-eskubideak eta lan-betebeharrak. Lan-kontratuaren elementuak eta eraginkortasuna. Kontratutik sortzen diren eskubideak eta betebeharrak.

54. Lan-kontratua aldatzea, etetea eta amaitzea.

55. Lan-hitzarmenezko langileak edo pertsonala administrazio publikoetan: Kontratazio mugagabea. Lan-kontratazio mugagabearen arrazoiak TKetan. Lan-kontratazio mugagabearen ezaugarriak TKetan. Aldizkako lan-kontratu finkoa.

56. Lan-hitzarmenezko langileak edo pertsonala administrazio publikoetan: Aldi baterako kontratua. Obra kontratuak. Behin-behinekoak kontratatzea ekoizpenaren inguruabarrak direla eta. Bitarteko kontratua. Aldi baterako kontratua enplegu sustapenean.

Prestakuntza kontratua. Praktiketako kontratua. Kontratazioak aldi baterako lan enpresen bitartez. Lanaldi partzialeko kontratua. Errelebo edo txanda-kontratua.

57. Lan-hitzarmenezko langileak edo pertsonala administrazio publikoetan: Lan egiteko zehaztapena eta aldaketa: Sailkapen profesionala, mugigarritasun funtzionala, mugigarritasun geografikoa eta baldintzen aldaketa funtsezkoa.

58. Greba egiteko eskubidea. Helburua, modalitateak, greba egitea. Gutxieneko zerbitzuak: Zerbitzuak finkatzea eta betetzea. Grebaren ondorioak.

59. Uztailaren 17ko 4/1992 Legea, Euskal Herriko Poliziarena (Tokiko Poliziari aplikagarria dakiokeena).

60. Uztailaren 19ko 315/1994 Dekretua Euskal Herriko Poliziaren hautaketa eta prestakuntzari buruzkoa.

61. Urtarrilaren 27ko 7/1998 Dekretua, Euskal Herriko Polizi Kidegoetako Funtzionarioak bigarren jarduerako administrazio-egoerara igarotzeari buruzkoa.

62. 27/2010 Dekretua, Euskal Autonomia Erkidegoko Udaltzainen kidegoei aplika dakiekeen kondekorazio-eta sari-erregimenari buruzkoa.

63. 170/1994 Dekretua, Euskal Herriko Polizia Kidegoen Diziplina Araudia onartzen duena.

64. 388/1998 Dekretua, Euskal Autonomia Erkidegoko Polizia-kidegoen funtzionarioen lanpostuak betetzeko Araudiari buruzkoa.

65. Gizarte Segurantza: Gizarte Segurantzaren Sistemaren Egitura. Afiliazioa, altak, bajak, kotizazioa.

66. Lanerako ezintasun iraunkorra. Mailaketa. Aldi baterako ezintasuna. Erretiroa.

67. Amatasuna/aitatasuna. Arriskua haurdunaldian/bularra ematean. Baliaezintasun gabeko lesio iraunkorra.

3. atala.—

Antolaketa

68. Taldelana edo kolaborazio-lana. Norberaren produktibitaterako tresnak. Sare sozial korporatiboak, berehalako mezularitza korporatiboa, etab. Dokumentuen kudeaketa.

69. Informazioa euskarri elektronikoak gordetzeko politikak, prozedurak eta metodoak. Biltegiratzeko teknologiak. Erredundantzia-sistemak biltegiratzean. Teknologia berriak.

70. Cloud computing. IaaS, PaaS, Saas. Hodei pribatu, publiko eta hibridoak. Zerbitzarien birtualizazioa: datuak eta aplikazioak.

71. Datuak prozesatzeko zentroa planifikatzea eta instalatzea. Ekoizpen- eta sistema-eginkizunak planifikatzea eta gauzatzea. Gorabeheren kudeaketa. Inbentarioa. Software-distribuzioa. Erabiltzaileen arretarako zentroak.

72. ITIL eta bere bertsioak. Zerbitzuaren bizitza-zikloa; zerbitzu-estrategia, zerbitzu-diseinua, zerbitzu-trantsizioa eta zerbitzu-operazioa. ISO 20000. Egiaztapenak.

73. Informatika-ikuskaritza. Kontzeptua eta oinarrizko funtzionalitateak. Arau teknikoak eta estandarrak. Ikuskaritza-funtzioaren antolaketa. Informatika-ikuskaritza motak. Informatika-ikuskaritzaren ezaugarri zehatzak Administrazio Publikoan.

74. Informazioa erakundeetan. Informazioan oinarritutako erakundeak. Informazioren bilketa, fluxua eta aprobetxamendua.

75. Informazio- eta komunikazio-teknologien gobernantza-ereduak eta horren ezarpena Administrazio Publikoetan. Informazio Sistema eta Teknologien zuzendariaren funtzioaren kudeaketa planifikatzeko eta kontrolatzeko tresnak Administrazioan.

76. Proiektuen kudeaketa informazio- eta komunikazio-teknologietan. Plangintza-metodologiak. Proiektu baten aldagai nagusiak: irismena, erabiltzaileak, aurrekontua eta denbora. Ingurua, aldeko edo trabarako testuinguru. Komunikazio-plana: Hartzaile-taldeak. Mezua sarbide gisa. Arriskuen plana: arrisku teknologikoak eta ingurunekoak. Proiektuen jarraipena: aginte-mahaia. Emaitzen ebaluazioa.

77. Aldaketa kudeatzea. Informazio- eta komunikazio-teknologiak aldaketarako motor gisa. Barne bezeroari begira jartzea. Beharrak, aukerak eta asebetetzea: hautemandako kalitatea. Aldaketarako erresistentzia. Aldaketarako komunikazioa.

78. Datuak elektronikoki trukatzea. Kontzeptua. Teknologiak. Arauak eta estandarrak. EDI, XML, etab. Paper-euskarriko ziurtagiriak ezabatzea. Europako eta estatuok beste proiektuak.

79. Elkarreragingarritasunerako eskema nazionala. Elkarreragingarritasunerako arau teknikoak. Estandar-katalogoen elkarreragingarritasunerako arau teknikoa Agiri elektronikoen elkarreragingarritasunerako arau teknikoa. Espediente elektronikoen elkarreragingarritasunerako arau teknikoa. Direktorio amankomuna (DIR3).

4. atala.—

Arriskuen prebentzioa

80. Lan-arriskuen prebentzioa. Arriskuaren ebaluazioak. Prebentzio Ordezkaria. Segurtasun eta osasun batzordeak. Prebentzio-zerbitzuak. NBEak.

81. Lan arriskuen prebentzioa kudeatzea. Lan Arriskuen Prebentzioari buruzko araudia. Prestakuntza, informazioa eta komunikazioa. Enpresa-jardueren koordinazioa.

82. Ergonomia, kontzeptuak eta helburuak. Esku-hartze psikosoziala.

83. Osasuna zaintzea. Industria-higienea Kontzeptuak eta helburuak.

5. atala.—

Ezagutza orokorrak

84. Gipuzkoako Toki erakundeetako aurrekontuei buruzko Foru Araua. Aurrekontua. Definizioa, iraupena eta aurrekontu-printzipioak. Edukia. Egitura. Egitea eta onartzea.

85. Gipuzkoako Toki erakundeetako aurrekontuei buruzko Foru Araua. Aurrekontu-kredituen araubide orokorra eta kreditu aldaketarako araubidea. Aurrekontuaren egikaritza. Aurrekontuaren luzapena. Kontrol kontu-hartzailea.

86. Aurrekontuen egitura. Pertsonal gastuak. Sailkapen ekonomikoa eta funtzionala.

87. Datuen babesa. Toki Administrazioetan aplikagarria den araudia. Herritarren eskubideak. Administrazioaren eta bere langileen obligazioak.

88. Izaera pertsonaleko Datuak Babesteko eskubidea beste eskubide batzuekin lehian. Datuak Babesteko Euskal Agentzia.

89. Jardunbide Egokien Eskuliburua Euskal Autonomia Erkidegoko toki erakundeetarako datu pertsonalen babesari dagokionean.

90. 11/2007 Legea, Herritarrek Zerbitzu Publikoetan Sarbide Elektronikoa izateari buruzkoa. Oinarriak, hiritarren eskubideak, administrazio elektronikoaren araubidea, prozeduren kudeaketa elektronikoa.