Agindu honen bitartez, jarraian aipatzen diren diru-laguntzak emateko modua arautu nahi da:

1. Euskal Autonomia Erkidegoko museoak eta bildumak babesteko eta ezagutarazteko jarduera zehatzak finantzatzeko diru-laguntzak.

2. Euskal Autonomia Erkidegoko museoak sustatzeko diru-laguntzak.

Aurreko artikuluan aurreikusitako xederako 500.000 euro erabiliko dira.

Agindu honen aplikazio-eremutik kanpo daude: foru-aldundien titulartasuna duten museo edo bildumek aurkeztutako jarduerak, gobernu-organoetan Eusko Jaurlaritzako Kultura Saila partaide duten fundazioenak, eta kapitalean Euskal Autonomia Erkidegoko Administrazio Orokorra partaide duten merkataritza-entitateek aurkeztutako jarduerak, bai eta Euskadiko 2012rako Aurrekontu Orokorretan diru-laguntza izendunak esleiturik dituzten museo eta bildumenak ere.

1. Agindu honetan araututako diru-laguntzak jaso ahal izateko, nahitaezkoa izango da Euskal Autonomia Erkidegoko lurraldean kokatuta dauden museo edo bildumetako titular edo kudeatzaile izatea (berdin da pertsona fisiko edo juridiko, publiko zein pribatu izatea) 3. artikuluan adierazitakoak izan ezik, aginduan aipatzen diren jarduerak burutzea, eta diru-laguntzak eskatzeko epea amaitu baino lehen Euskadiko Museo eta Bildumen Erregistroan izena emanda egotea edo horretarako eskaera eginda izatea.

   Aurreko lerroaldean ezarritakoaren ondorioetarako, museoa zer den zehazteko Euskadiko Museoei buruzko abenduaren 1eko 7/2006 Legearen 2.1 eta 2.2 artikuluek jasotzen duten definizioari begiratuko zaio. Halaber, bilduma zer den zehazteko, Euskadiko Museoei buruzko abenduaren 1eko 7/2006 Legearen 2.3 artikuluak jasotzen duen definizioari begiratuko zaio.

2. Onuradun bakoitzak bi laguntza jaso ahal izango ditu, gehienez.

3. Pertsona onuradunei laguntzak ematea eta, hala dagokionean, horien ordainketa, baldintzaturik geratuko dira Euskal Autonomia Erkidegoko Administrazio Orokorrak eta bere erakunde autonomoek ematen dituzten izaera bereko laguntzen edo diru-laguntzen esparruan dirua itzultzeko edo zehapenen bat ezartzeko espedientea hasi baldin bada eta oraindik izapideak amaitu gabe baldin badaude, prozedura hori burutu arte.

4. Ezingo dute deialdi honetako diru-laguntzarik eskatu laguntza publikoak lortzeko zigor administratibo edo penalik dutenek, ezta ere horretarako gaitasuna kentzen dien legezko debekurik dutenek ere. Halaber, ezingo dute diru-laguntzarik eskatu sexu-bereizkeria dela-eta zigor administratibo edo penalik duten erakundeek, Emakumeen eta Gizonen Berdintasunerako 2005eko apirilaren 18ko 4/2005 Legearen azken xedapenetatik seigarrenaren indarrez.

1. Alor hauetako bat lantzen duten jarduera zehatzengatik jaso daiteke diru-laguntza:

   1. Erakusketak eta argitalpenak: erakusketa iraunkorra berritzea, aldi baterako erakusketak eta hainbat euskarritako argitalpenak.

   2. Heziketa eta kulturgintza: programa eta material didaktikoak garatzea, jardunaldi eta hitzaldiak, web-orriak sortzea eta garatzea.

   3. Dokumentazioa: museoko edo bildumako funtsak inbentariatzeko eta katalogatzeko, eta digitalizatzeko lanak EMSIME sistemaren bidez.

   4. Azterlanak: ikerketa-lanak, zerbitzu-karta lantzea, plan zuzentzailea, kalitate-plana, merkatu-azterketak, bezeroen azterketak.

2. Deialdi honetako diru-laguntzak jaso ahal izateko, jarduerak 2012. urtean gauzatu behar dira, hasiera eta amaiera barne.

1. Agindu honen bitartez emango diren diru-laguntzek ez dute gaindituko egin beharreko jardueraren aurrekontu osoaren % 85.

2. Edonola ere, jarduera bakoitzari gehienez 45.000 euro eslei dakizkioke.

1. Deialdi hau lehiaketa bidez ebatziko da. Beraz, esleipena egiteko, aurkeztutako eskariak erkatu eta, 15. artikuluan ezarritako balorazio-irizpideak kontuan, lehentasunen arabera ordenatuko dira. Bakarrik emango zaie diru-laguntza irizpide horien arabera 65 puntu gutxienez lortu dituzten eskabideei.

2. Diru-laguntza bakoitzaren zenbatekoa finkatzeko, artikulu honetako 1. paragrafoan aipatutako gutxieneko puntuazioa lortu duten eskabideen artean Batzorde Kalifikatzaileak deialdiari zuzendutako gehienezko diru-kopuru osoaren hainbanaketa egingo du.

   1. Hainbanaketa hori bi aldagai kontuan hartuta egingo da: lortutako puntuazioa eta eskatutako diru-kopurua. Formula hau erabiliko da horretarako:

      (Ikus .PDF)

      non,

      Si = programa edo jarduera bakoitzari dagokion hasierako diru-kopurua

      Ei = kasu bakoitzean eskatutako laguntzaren diru-kopurua

      Pi = programa edo jarduera bakoitzari Batzordeak esleitutako puntuazioa

   2. Baldin eta aurreko atalean ezarritako prozeduraren arabera kalkulatutako kopuruen batuketak aurrekontuen muga gainditzen badu, kasu bakoitzean eman beharreko laguntzaren diru-kopurua honela kalkulatuko da:

      (Ikus .PDF)

      non,

      Si = programa edo jarduera bakoitzari dagokion behin betiko diru-kopurua

      D = laguntzagai diren programa edo jarduera guztien artean banatu beharreko diru-kopurua

      Si = aurreko formularen arabera programa edo jarduera bakoitzari legokiokeen hasierako diru-kopurua.

1. Pertsona eta erakunde interesdunek bide elektronikoak erabili ahal izango dituzte prozedura honetako izapideak eskatzeko, kontsultatzeko eta bideratzeko.

2. Izapidetze elektronikoa Administrazio Elektronikoari buruzko otsailaren 21eko 21/2012 Dekretuan dago araututa, eta Informatika eta Telekomunikazioetako zuzendariaren 2006ko otsailaren 9ko Ebazpenean, e-Administraziorako Plataforma Teknologikoa Platea ezartzen duenean.

3. Eskaerak, erantzukizunpeko adierazpenak, justifikazioak eta gainerako ereduak, bai bide presentziala erabiliz bai bide elektronikoa erabiliz, nola izapidetu behar diren azaltzen dituzten argibideak euskadi.net-en honako helbide honetan daude ikusgai: https://www.euskadi.net/y22-izapide/eu/contenidos/ayuda_subvencion/12museos/eu_museos/museos.html.

4. Eskabidea egiteko eta dokumentazioa aurkezteko bide horietako bat erabiliz gero presentziala edo elektronikoa, horrek ez du esan nahi bidez aldatu ezin denik prozeduraren ondorengo izapideetan, alegia, edonoiz aldatu daiteke bidea.

   Eskabidearen ondoko izapideak, bide elektronikoa erabiliz, hemen egin daitezke: http://www.euskadi.net/misgestiones.

1. Deialdi honetan parte hartzeko epea hilabetekoa izango da, agindu hau argitaratzen den egunaren biharamunetik kontatzen hasita.

2. Eskabideak behar bezala beteriko eskaera-orri normalizatu baten bidez aurkeztuko dira, modu presentzialean Kultura Sailean bertan (Donostia kalea 1 - Gasteiz), Kultura Sailaren Lurralde Ordezkaritzetan (Bilboko Kale Nagusia 85, - 40001 eta Donostiako Andia kalea 13 - 20004) edo Herritarrentzako Arreta Bulegoetan, hala zuzenean nola azaroaren 26ko 30/1992 Legearen 38.4 artikuluan ezarritako edozein bide erabiliz (30/1992 Legea, azaroaren 26koa, Herri Administrazioen Araubide Juridikoaren eta Administrazio Prozedura Erkidearena). Eskabide-eredua euskadi.net-eko helbide honetan egingo da eskuragarri: https://www.euskadi.net/y22-izapide/es/contenidos/ayuda_subvencion/12museos/es_museos/museos.html.

3. Bide elektronikoaren bitartez ere egin ahal izango da eskabidea; euskadi.net-eko helbide honetan hain zuzen: https://www.euskadi.net/y22-izapide/es/contenidos/ayuda_subvencion/12museos/es_museos/museos.html.

4. Laguntza-eskabide presentzial edo elektronikoarekin batera aurkeztu beharreko agiriak.

1. Pertsonari edo entitateari buruzko agiriak:

   1. Pertsona fisikoa bada, pertsona sinatzailearen identitateari buruzko datuak egiaztatu behar dira.

   2. Pertsona juridiko publikoa edo pribatua bada, ordezkariaren identitatea egiaztatu behar da, bai eta ordezkaritza-ahalorde nahikoa ere.

2. Jarduerari buruzko agiriak.

   1. Diru-laguntzaren xede den jarduerari buruzko txostena eta datuak.

   2. 2011n egindako jarduerei eta 2012rako aurrekontuetan sartutako jarduerei buruzko txostena.

   3. Jardueraren diru-sarreren eta gastuen aurrekontua.

Entitate eskatzaileak Euskadiko Museo eta Bildumen Erregistroan inskribatuta egon behar du edo, hori ezean, diru-laguntzak eskatzeko epea amaitu baino lehen horretarako eskaera eginda izatea.

1. Deialdi honen organo kudeatzaileak egiaztatuko du, automatikoki eta behar hainbat aldiz, diru-laguntza eskatu duenak Gizarte Segurantzarekiko baldintzak betetzen dituela, eta horretarako ez du eskatzaile horren oniritzia beharko, halaxe xedatzen du-eta Euskal Autonomia Erkidegoko Herriogasuntza Nagusiaren Antolarauei buruzko Legearen Testu Bategina onartzen duen 1997ko azaroaren 11ko 1/1997 Legegintzako Dekretuak.

2. Eskatzaileak baimena eman ahal izango du laguntzak kudeatzen dituen organoak datu edo dokumentuak eskuratu edo egiaztatu ditzan, bai bide presentziala erabiltzen denean bai elektronikoa erabiltzen denean ere, Administrazio Publikoak egiaztapen, kontrol eta ikuskaritzaren alorrean dituen eskumenen kalterik gabe.

3. Euskal Autonomia Erkidegoko Herriogasuntza Nagusiaren Antolarauei buruzko Legearen Testu Bateginak ezartzen duenaren arabera (1997ko azaroaren 11ko 1/1997 Legegintzako Dekretuak onartua), erantzukizunpeko adierazpen bidez egiaztatuko dira honako betebehar hauek:

   1. Beste edozein administraziok edo erakundek publikoa zein pribatua izan helburu berarako ematen dituen diru-laguntzak, laguntzak, diru-sarrerak edo bestelako baliabideak eskatuz gero eta, hala badagokio, eskuratuz gero, horren berri ematea.

   2. Eskabidean eta dokumentazioan jasotako datuak egiazkoak direla adieraztea, eta laguntza hauen onuradun izateko indarrean den araudian ezarritako betekizunak konplitzen dituela adieraztea.

      Gainerako betebeharrak egiaztatzeko modua lehenago aipaturiko euskadi.net gune elektronikoan adieraziko da.

Kultura Ondarearen Zuzendaritzak kudeatuko ditu deialdi honetan aurreikusten diren diru-laguntzak.

Ikusten bada eskabidea onartzeko eskatzen den dokumentazioan zerbait falta dela edo forma-akatsak daudela edo balorazioa egiteko aurkeztu diren dokumentuetan akatsak daudela, hamar egun balioduneko epea emango zaio interesdunari akatsa zuzentzeko edo aurkeztu beharreko agiriak aurkezteko. Era berean, ohartarazi egingo zaio ezen, epe hori igaro eta zuzenketarik egin ez bada, eskabidean atzera egin duela ulertuko dela, aurrez jakinaraziko zaion ebazpen baten bidez, edo dagokion izapidea egiteko eskubidea galduko duela.

Aurkeztutako eskabideak aztertzeko eta ebaluatzeko, batzorde kalifikatzaile bat eratuko da. Hauek izango dira kideak:

Kultura Ondarearen zuzendaria edo horrek izendatutako pertsona bat, batzordeko lehendakari izango dena.

Agindu honen gaian aditu den bokal, Kultura, Gazteria eta Kiroletako sailburuordeak izendatua.

Kultura Ondarearen Zuzendaritzako bi teknikari, Kultura, Gazteria eta Kiroletako sailburuordeak izendatuak. Horietako bat batzordeko idazkaria izango da.

Batzordearen osaera Euskal Herriko Agintaritzaren Aldizkarian argitaratuko da, Kultura, Gazteria eta Kiroletako sailburuordearen ebazpen baten bitartez.

Batzorde horrek, ezarritako irizpideak kontuan hartuta, ebazpen proposamena egingo dio Kultura, Gazteria eta Kiroletako sailburuordeari.

Diru-laguntzei buruzko ebazpen-proposamena egiteko eta horien zenbatekoa finkatzeko orduan, batzorde kalifikatzaileak irizpide hauek erabiliko ditu:

1. Diruz lagundu nahi den jardueraren kalitatea eta interes museologikoa, bai eta bideragarritasuna, aurrekontuaren koherentzia eta autofinantziazio-maila ere: 50 puntu.

2. Proposamena zenbateraino egokitzen den museo edo bilduma eskatzailearen ezaugarriei: 20 puntu.

3. Museo edo bildumaren ibilbidea, jarraitutasuna eta oreka, 2011. urtean egindako jarduerak eta 2012rako aurrekontuan sartutakoak: 30 puntu.

Deialdi honetan aurreikusitako diru-laguntzak eta beste edozein erakunde publikok edo pribatuk emandakoak batera erabil daitezke helburu berbererako, betiere gainfinantzaketarik gertatzen ez bada. Gainfinantzaketarik badago, diru-laguntzaren zenbatekoa murriztu egingo da, dagokion gehienezko mugaraino.

1. Deialdi honetako diru-laguntzak esleitzeko ebazpena Kultura, Gazteria eta Kiroletako sailburuordeak eman eta jakinaraziko du, Batzorde Kalifikatzailearen proposamena ikusita, sei hilabeteko epean, agindu hau indarrean jartzen denetik aurrera kontatuta.

2. Ebazpen hori Euskal Herriko Agintaritzaren Aldizkarian argitaratuko da, interesdunek horren berri izan dezaten.

3. Ebazteko epea igarota interesdunari ebazpena jakinarazten ez bazaio, dagokion eskabidea ezetsi egin dela ulertuko da, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean ezarritakoaren ondorioetarako.

Agindu honetan araututako laguntzak jasotzen dituztenek betebehar hauek izango dituzte:

1. Emandako dirulaguntza onartzea. Alde horretatik, diru-laguntza emateko ebazpena argitaratu eta hamar eguneko epean berariaz uko egiten ez badiote, onartu egin dutela ulertuko da.

2. Diru-laguntza agindutako helburu zehatzerako erabiltzea, ez beste ezertarako.

3. Ekonomia eta Ogasun Saileko Kontrol Ekonomikoko Bulegoari eta Herri Kontuen Euskal Epaitegiari diru-laguntzen fiskalizazio-lanetarako behar duten informazio guztia ematea.

4. Publikoarekiko harreman ahozko zein idatzietan euskara erabiltzea.

5. Museoen Euskal Sistemaren koordinazioa hobetzeko jarduerak bultzatzea: besteak beste, museoko funtsei eta museo edo bildumetan izandako bisitariei buruzko informazioa bidaltzea.

6. Diruz lagundutako jarduketaren ondorioz sortzen diren materialetan sexismorik gabeko hizkera erabiliko dela bermatzea, otsailaren 18ko 4/2005 Legean xedatutakoa betez.

Agindu honetako diru-laguntzak jasotzen dituzten pertsonek edo entitateek konpromisoa hartuko dute Eusko Jaurlaritzako Kultura Sailaren babesa berariaz eta argi aipatzeko, diruz lagundutako jarduera dela-eta diru-laguntzak emateko ebazpena argitaratzen denetik aurrera egiten dituzten katalogo, programa eta iragarki-karteletan eta argitaratzen dituzten gainerako material grafiko zein soinudunetan.

Agindu honen ondorioz ematen diren diru-laguntzak bi zatitan ordainduko zaizkie onuradunei:

1. Lehenengo ordainketan esleitutako diru-laguntzaren erdia emango zaie. Horretarako, hiru hilabeteko epea egongo da, diru-laguntza esleitzen duen ebazpena argitaratzen denetik.

2. Bigarren ordainketan beste erdia emango zaie, lagundutako jarduketa eta haren benetako kostua 21. artikuluan adierazitako eran justifikatu ondoren.

Agindu honetako diru-laguntzen pertsona edo entitate onuradunek jarraian aipatzen diren agiriak aurkeztu beharko dituzte diruz lagundutako jarduera amaitu eta hiru hilabeteko epean eta, edozein modutan, 2013ko otsailaren 28a baino lehen.

1. Diruz lagundutako jarduerari buruzko txostena. Bertan, diru-laguntzaren helburua bete dela justifikatuko da.

   1. Onuraduna pertsona fisikoa denean edo enpresa-kontabilitateko erregimenaren menpe dagoenean, diruz lagundutako jardueraren sarrera eta gastuen balantzea aurkeztu beharko du. Horretarako, jatorrizko fakturak edo egindako gastua justifikatzeko balio duen beste edozein ziurtagiri aurkeztu beharko du.

   2. Onuraduna beste herri-administrazio bat denean, organo eskudunak ziurtagiri bat aurkeztu behar du emandako diru-laguntzaren helburua bete dela adierazteko eta horretan erabilitako zenbatekoak zehazteko.

2. Eskabidea aurkeztu ondoren helburu berbererako emandako bestelako diru-laguntzen zerrenda.

Diru-laguntza emateko kontuan hartutako baldintzak aldatzen badira betiere diru-laguntzaren xedea bete bada edo beste entitate publiko zein pribatuetatik beste laguntzarik jaso bada, laguntza emateko ebazpena aldatu ahal izango da. Horretarako, Kultura, Gazteria eta Kiroletako sailburuordeak likidazio-ebazpena emango du, emandako diru-zenbatekoak doitzeko.

1. Hauek izango dira ez-betetzeak:

   1. Jasotako laguntzak, osorik zein zatika, agindu honetan aurreikusitako jardueretarako erabili beharrean, beste zerbaitetarako erabiltzea.

   2. Agindu honetan ezarritako betebeharrak edo, hala badagokio, laguntza ematerakoan ezartzen direnak ez betetzea.

   3. Diru-laguntzaren likidazioa egiteko ebazpenean adierazitako zenbatekoa epearen barruan ez itzultzea (hala badagokio).

   4. Xedapen orokorretan nahitaez bete beharrekotzat jotako beste edozer ez betetzea.

2. Ez betetzeren bat gertatuz gero, jasotako zenbatekoak eta legezko interesak Euskal Autonomia Erkidegoko Diruzaintza Nagusiari itzuli beharko zaizkio, betiere azaroaren 11ko 1/1997 Legegintzako Dekretuaren eta abenduaren 17ko 689/1991 Dekretuaren arabera (hurrenez hurren, Euskal Autonomia Erkidegoko Herriogasuntza Nagusiaren Antolarauei buruzko Legearen Testu Bategina onartzen duen azaroaren 11ko 1/1997 Legegintzako Dekretua eta Euskal Autonomia Erkidegoaren aurrekontu orokorren pentzutan ematen diren diru-laguntzen bermeei eta horiek itzultzeari buruzko erregimen orokorra arautzen duen abenduaren 17ko 698/1991 Dekretua).