Arautegia
InprimatuEBAZPENA, 2026ko otsailaren 3koa, Justiziako zuzendariarena, espetxe-arloko lan eta ikerketarako «Francisco Javier Gómez Elosegui» saria arautzen duen dekretu-proiektua jendaurrean jartzen duena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Justizia eta Giza Eskubideen Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 30
- Hurrenkera-zk.: 667
- Xedapen-zk.: ---
- Xedapen-data: 2026/02/03
- Argitaratze-data: 2026/02/13
Gaikako eremua
- Gaia: Ingurune naturala eta etxebizitza; Administrazioaren antolamendua; Segurtasuna eta justizia; Hezkuntza
- Azpigaia: Hirigintza eta etxebizita; Gobernua eta Administrazio Publikoa; Justizia; Instituzional
Testu legala
Justizia eta Giza Eskubideen Sailak espetxeen arloko lan eta ikerketarako «Francisco Javier Gómez Elosegui» saria arautzen duen dekretu-proiektua egin du, eta Xedapen Orokorrak Egiteko Prozeduraren ekainaren 30eko 6/2022 Legearen arabera izapidetu behar da.
Lege horren xedapenak betez, Justizia eta Giza Eskubideen sailburuak Agindua eman zuen 2026ko urtarrilaren 22an, aipatutako dekretu-proiektua egiteko prozedura hasteko.
Aipatutako 6/2022 Legearen 17. artikuluan aurreikusitakoaren arabera, entzunaldiaren eta informazio publikoaren izapideak beti egin behar dira herritarren eskubide eta interes legitimoei zuzenean eragiten bazaie eta artikulu honetan aurreikusitako salbuespen-kausaren bat gertatzen ez bada.
Horretarako, espetxe-arloko lan eta ikerketarako «Francisco Javier Gómez Elosegui» saria arautzen duen dekretu-proiektua jendaurrean jartzen da, 20 egun baliodunez, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera.
Azaldutako guztiagatik, eta bat etorriz aipatutako dekretu-proiektua egiteko prozedurari hasiera ematen dion Justizia eta Giza Eskubideen sailburuaren 2026ko urtarrilaren 22ko Aginduan xedatutakoarekin, Justizia eta Giza Eskubideen Sailaren egitura organikoa eta funtzionala ezartzen duen azaroaren 5eko 326/2024 Dekretuaren 15.g) artikuluari dagokionez, honako hau
Lehenengoa. Espetxe-arloko lan eta ikerketarako «Francisco Javier Gómez Elosegui» saria arautzen duen dekretu-proiektua jendaurrean jartzea, hogei (20) egun baliodunez, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera.
Bigarrena. Aurreko apartatuan xedatutakoaren ondorioetarako, eta alegazioak aurkeztu ahal izateko, dekretu-proiektuaren edukia eskuragarri egongo da Euskal Autonomia Erkidegoko Administrazio Publikoaren egoitza elektronikoko iragarki-taulan, helbide honetan: https://www.euskadi.eus/iragarki-taula-elektronikoa/
Hirugarrena. Alegazioak elektronikoki aurkeztu daitezke, helbide honetan: https://www.euskadi.eus/iragarki-taula-elektronikoa
Vitoria-Gasteiz, 2026ko otsailaren 3a.
Justiziako zuzendaria,
JOSÉ MARÍA BASTOS MARZAL.