Arautegia
Inprimatu261/2021 DEKRETUA, abenduaren 28koa, zeinaren bidez 188.129.997 euroko kredituak gaitzen baitira Euskal Autonomia Erkidegoko Administrazioaren 2021eko ekitaldirako aurrekontuko 9119 programan -Euskal sektore publikoarekiko beste finantza-harreman batzuk-, diru-sarrerak lortu baitira 9211 programan -Espainiako sektore publikoarekiko finantza-harremanak-.
Identifikazioa
- Lurralde-eremua: Autonomiko
- Arau-maila: Dekretua
- Organo arau-emailea: Ekonomia eta Ogasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 262
- Hurrenkera-zk.: 6487
- Xedapen-zk.: 261
- Xedapen-data: 2021/12/28
- Argitaratze-data: 2021/12/31
Gaikako eremua
- Gaia: Ogasun eta Ekonomía
- Azpigaia: Ogasun; Ekonomia
Testu legala
Abuztuaren 3ko 684/2021 Errege Dekretuak 644.501.530 euroko zenbatekoa esleitzen dio Euskal Autonomia Erkidegoari, finantzaketa gehigarria emateko, COVID-19aren pandemiak eragindako krisiaren ondorioak leuntzeko helburuarekin 684/2021 Errege Dekretua, abuztuaren 3koa, 2021erako Estatuko Aurrekontu Orokorren abenduaren 30eko 11/2020 Legearen 117. artikuluan autonomia-erkidegoentzat eta Ceuta eta Melilla hirientzat aurreikusitako baliabideen zuzkidura gehigarriaren banaketa eta ordainketa egin ahal izateko beharrezko alderdiak ezartzen dituena.
Errege Dekretu horretan ezartzen den bezala, autonomia-erkidegoei banatutako funtsak baldintzarik gabekoak dira, eta, horrenbestez, osasuna, hezkuntza eta gizarte-zerbitzuak bezalako oinarrizko zerbitzu publikoak indartzeko erabiltzeaz gain, beste eskumen batzuk baliatzeko ere erabil daitezke.
Egokitzat jotzen da finantza-lankidetzako neurriak ezartzea COVID-19aren pandemiak eragindako aurrekontu-ondorioak neutralizatzen laguntzeko, Euskal Autonomia Erkidegoan emandako zerbitzu publikoak indartzeko helburuarekin, eta, erakundeen arteko beharrezko koordinazioaren esparruan, abuztuaren 3ko 684/2021 Errege Dekretua aplikatuz Estatuko Administrazio Orokorretik jasotako 644.501.530 euroko zenbatekoa erakunde komunen eta lurralde historikoen artean banatuko da.
Banaketa hori honako hauen arabera egingo da: batetik, urriaren 7ko 4/2021 Legean onartutako baliabideak banatzeko ereduaren koefiziente bertikala 4/2021 Legea, urriaren 7koa, baliabideak banatzeko eta foru-aldundiek Euskal Autonomia Erkidegoaren aurrekontuak finantzatzeko egin beharreko ekarpenak zehazteko 2022-2026 aldian aplikatuko den metodologiari buruzkoa, eta, bestetik, 2022ko ekitaldirako onartutako ekarpen-koefiziente horizontalak. Horrenbestez, Eusko Jaurlaritzak 188.129.997 euroko zenbatekoa jarriko du foru-aldundien esku.
Hori dela-eta, zenbateko hori gaitzen da, bat etorriz Euskal Autonomia Erkidegoko aurrekontu-araubidearen arloan indarrean dauden lege-xedapenen testu bategina onartzen duen maiatzaren 24ko 1/2011 Legegintzako Dekretuak 82. eta 83. artikuluetan ezarritakoarekin.
Horrenbestez, Ekonomia eta Ogasuneko sailburuaren proposamenez, Gobernu Kontseiluak 2021eko abenduaren 28ko bilkuran eztabaidatu eta onartu ondoren, hau
(Ikus .PDF)
Diru-sarreren egoera-orri honetan zenbateko bereko diru-sarrerak lortzetik sortzen da kreditu hori:
(Ikus .PDF)
Abuztuaren 3ko 684/2021 Dekretuaren arabera Euskal Autonomia Erkidegoak Estatuko Administraziotik jasotako aparteko funtsen % 29,19 foru-aldundien esku jartzeko erabiliko dira funtsak.
Euskal Herriko Agintaritzaren Aldizkarian argitaratu eta hurrengo egunean jarriko da indarrean dekretu hau.
Vitoria-Gasteizen, 2021eko abenduaren 28an.
Lehendakaria,
IÑIGO URKULLU RENTERIA.
Ekonomia eta Ogasuneko sailburua,
PEDRO MARÍA AZPIAZU URIARTE.