Lehendakaritzaren, Justiziaren eta Gorteekiko Harremanen Ministerioak irisgarritasun-eskakizunen arloko zaintza-agintaritzei laguntzeko eta koordinatzeko unitate teknikoa (UTAC) sortu berri du. Unitate horren araudia otsailaren 25eko 143/2026 Errege Dekretuan 
dago jasota.
Neurri hori Estatuak desgaitasuna duten pertsonen eskubideekin duen konpromisoaren parte da, eta Europar Batasunaren zenbait produktu eta zerbitzuren irisgarritasunaren arloko zuzentarauen transposizioari buruzko maiatzaren 8ko 11/2023 Legearen 28. artikuluan ezarritakoa gauzatzen du.
UTAC Desgaitasuna duten Pertsonen Eskubideen Zuzendaritza Nagusiaren mende dago.
Zertarako balio du UTACek?
Unitate berriaren helburu nagusia da produktuak eta zerbitzuak irisgarriak direla zaintzen duten administrazio publikoak babestea eta koordinatzea.
Haren lana da ziurtatzea pertsona guztiek oztoporik gabe erabil ditzaketela ohiko erabilerako produktuak eta zerbitzuak. Adibidez Kutxazain automatikoak.
Hona hemen funtzio nagusiak:
- Irisgarritasuna betetzen dela egiaztatzeko ardura duten agintariei laguntza teknikoa ematea.
- Ez-betetzeei eta zehapenei buruzko informazioa biltzea.
- Herritarren eta enpresen galderei, kexei eta salaketei erantzutea.
- Informazioa Europar Batasuneko erakundeekin koordinatzea.
- Irisgarritasunaren arloko jardunbide egokiak zabaltzea.
- Desgaitasuna duten pertsonak ordezkatzen dituzten erakundeekin zuzenean eta etengabe lankidetzan aritzea.
Gainera, UTACek urteko txostenak egingo ditu formatu eskuragarrian, bere jarduerak eta lortutako aurrerapenak azaltzeko.
Nola jarri harremanetan UTACekin
11/2023 Legearen aplikazio-eremuan irisgarritasun-arloko ez-betetzeren bat salatu nahi duen edonork mezu elektroniko bat idatz dezake utac@dsca.gob.es helbidera, kasua deskribatuz.