- Maiatzaren 20an Bizkaian egingo da eta 23an Gipuzkoan
Arkaute - Vitoria-Gasteiz 2025 05 09
Eusko Jaurlaritzako Elikadura, Landa Garapen, Nekazaritza eta Arrantza sailburuak, Amaia Barredok, nekazaritzako elikagaien, basogintzaren eta arrantzaren sektoreko ordezkarientzako Lehen Sektorerako Laguntza Publikoen Katalogoa aurkeztu du gaur arratsaldean, Arkauteko Ereduzko Granjan.
"Funtsezko tresna da Euskadin errotuta dagoen, nortasuna duen eta etorkizuna duen sektore ekonomikoa bultzatzeko, eta elikadura- eta nekazaritza-eredu iraunkorra, lehiakorra, erresilientea eta inklusiboa eraikitzeko", adierazi du Amaia Barredok.
Amaia Barredok Arabako lehen sektoreko ordezkariei adierazi dienez, "larrialdi klimatikoak, belaunaldien arteko erreleboaren beharrak, elikagaien segurtasunaren erronkak eta landa- eta kosta-ingurunearen bideragarritasuna bermatzeko beharrak markatutako eraldaketa globalaren testuinguruan, katalogo honek sendotu egiten du elikaduraren, egurraren eta landa- eta itsasertz-garapenaren balio-kateekin Eusko Jaurlaritzak duen konpromisoa".
Katalogoa Araban aurkeztu ondoren, maiatzaren 20an Bizkaian aurkeztuko da, eta maiatzaren 23an, Gipuzkoan.
Katalogoa 36 laguntza-lerrotan eta -neurrietan egituratzen da, 150 milioi eurotik gorako laguntza-zenbatekoarekin, eta esku-hartzeko eremu handietan egituratuta daude: Lehen sektorea, Nekazaritzako eta elikagaigintzako inbertsioa, Elikagaien ikerketa eta berrikuntza, Elikagaien kalitatea eta sustapena, Sektorearen egituraketa eta Landaren eta itsasertzaren garapena.
Informazio gehiago Irekia atarian (Leiho berrian irekiko da)