Barakaldo, 2024 apirilak 26a
KLIMA-ALDAKETAK LANEKO SEGURTASUNEAN ETA OSASUNEAN DITUEN ONDORIOAK
Klima-aldaketaren ondorioek eragin nabarmenak dituzte lan-munduan; bereziki, langileen segurtasunari eta osasunari eragiten diete. Klimaren eredu aldakorrek areagotutako laneko arriskuen adibide batzuk dira estres termikoa, erradiazio ultramorea, kutsadura atmosferikoa, istripu industrial larriak, muturreko fenomeno meteorologikoak, bektoreek transmititutako gaixotasunen areagotzea eta produktu agrokimikoekiko esposizio handiagoa. Osasun-arazo asko klima-aldaketarekin lotuta daude, hala nola minbizia, gaixotasun kardiobaskularrak, arnas gaixotasunak eta buruko nahasmenduak.
Nazio Batuek jasotzen dutenez, "lanean lan-ingurune segurua eta osasungarria izateko eskubidea eta oinarrizko printzipioa sustatzeak, errespetatzeak eta errealitate bihurtzeak berekin dakar klima-aldaketak lantokian dituen ondorio kaltegarriei heltzea. Funtsezkoa da laneko segurtasuna eta osasuna (LSO) politika klimatikoetan txertatzea, eta klimari buruzko gogoetak LSO praktiketan txertatzea. Legeriak birebaluazioa edo araudi berriak behar ditzake arrisku klimatikoek eboluzionatzen duten heinean ".
Gobernuen eta gizarte-solaskideen arteko lankidetza ezinbestekoa da klima-aldaketa arintzeko eta horretara egokitzeko politiketarako. Ekiteko unea iritsi da.
Hori dela eta, 2024ko Laneko Segurtasun eta Osasunaren Munduko Eguna dela eta, Lanaren Nazioarteko Erakundeak (LANE) txosten berri bat kaleratu du, "Laneko segurtasuna eta osasuna bermatzea, klima aldakorrean" izenekoa, klima-aldaketak langileen segurtasunean eta osasunean duen eraginari buruzko datu berriak ematen dituena.
ERLAZIONATUTAKO DOKUMENTUAK
Garantizar las seguridad y la salud en el trabajo en un mundo cambiante. Resumen del informe (OIT)
Estres termikoa saihesteko gomendioak (Osalan)
Cambio climático y salud: es tiempo de adaptación (Osman)
Cambio climático y enfermedades transmitidas por vectores y roedores (Osman)
