Lan eta Enplegu Sailaren adierazpena, Lan Duinaren Munduko Jardunaldia dela-eta
2022-10-07
Duela hamabost urtetik hona, nazioarteko Konfederazio Sindikalaren ekimenez, Urriaren 7a Lan Duinaren Munduko Eguna da. Lanaren Nazioarteko Erakundeak honela definitzen du: emakumeei eta gizonei baldintza berdinak eskaintzen dizkiena lan produktibo bat askatasun, ekitate, segurtasun eta giza duintasun-baldintzetan egiteko, non eskubideak babestuak diren eta ordainsari egokia eta gizarte-babesa duten. Nazio Batuek jasotako printzipioak, Garapen Iraunkorrerako Helburuetan, 8. puntuan, herrialde guztiei eskatzen die hazkunde ekonomiko jarraitua, inklusiboa eta jasangarria.
Eusko Jaurlaritzaren programak legegintzaldi honetan hartutako konpromiso hori politika publikoei dagokienez garatzen ari gara, Gizarte Elkarrizketarako Mahaiaren eskutik. 2030erako Enpleguaren Euskal Estrategian, 2026rako Laneko Segurtasun eta Osasunaren Estrategian, Lan Ikuskaritzaren Kudeaketa Planean eta soldata-arrakalaren aurkako neurrien sustapenean zehazten da, eta lau puntu murriztu da bi urte hauetan.
Neurri horiek Espainiako Gobernuak bere eskumenen esparruan hartutako neurrien osagarri dira, besteak beste, LAGSaren igoerarekin, gizarte-eragileekin adostutako lan-erreformarekin, zeinek gehieneko historikoetara mugagabeko kontratazioa bultzatu du, enpleguaren babesa ABEEEekin, eta etxeko langileen lan-eskubideak aitortzea.
Munduko Jardunaldi berri honetan, ziurgabetasun eta mehatxuen testuinguruan, Lan eta Enplegu Sailak bere konpromisoa berretsi du:
- Lan duina errazten duten politika publikoekin, eta pertsona orok, langabea nahiz landuna izan, kalitatezko enplegua, segurua eta berdintasunezkoa lortzeko aukerak aurkitzeko eta hobetzeko duen eskubidearekin, Enpleguaren Euskal Legean isladatuko dena.
- Aukera-berdintasunarekin, sexua, adina, jatorria edo gaitasun funtzionala bereizi gabe
- Enplegu modu berriei eta errealitate demografikoari erantzuten dieten langileen osasunerako eskubidea bermatuta.
- Langile guztien lan-baldintzak hobetuko dituen negoziazio kolektiboa garatzeko baldintza egokiak ezarriz.
- Gizarte-eragileek aktiboki parte hartuko dute politika horiek definitzen, Elkarrizketa Sozialerako Mahaian ezarritako organoen bidez.
