Arantxa Tapia: "Oinarrizko elikagaien prezioei muga jartzea ezin da abeltzainen kontura izan"
2022-09-05
Arantxa Tapia Ekonomiaren Garapen, Jasangarritasun eta Ingurumeneko sailburuak Radio Euskadiri eskainitako elkarrizketa batean nabarmendu duenez, Estatu espainiarrean oinarrizko elikagai batzuen prezioak finkatzeaz ari diren bitartean, Euskadik badu Behatokia.
«Behatokia» sortu zen, eta bertan esaten da ezin dela produkturik saldu ekoizpen-prezioaren azpitik. Laguntza-mekanismoren bat ezarri behar da, baina esne-litroak 50 zentimo kostatzea nahi badugu, adibidez, horrek ezin du ekarri abeltzainak bere gain hartzea galerak. Zerealaren prezioa igotzen ari da; ezin da eskatu lineako 50 zentimoak abeltzainek beren gain hartzea. Ez gara ari elektrikoez eta horien mozkinez. Kontsumitzaileei eta ekoizleei lagundu beharko litzaieke, ekoizleek ere pairatzen baitute egoera”.
Eusko Jaurlaritzak Euskadiko gainerako administrazio eta klusterrekin batera planteatutako Kontingentzia Energetikoaren Planari dagokionez, sailburuak azpimarratu du: “Ribera ministroa gurekin harremanetan jarri zen. Hilaren 31n plana bidali genion, eta 7an bilera bat izango dugu horri buruz. Berak eskatu zizkigun ekarpenak. Erkidegoek jakin behar dugu non aurreztu dezakegun gehien eta non lan egin behar dugun gehien; gure kasuan, industria-sektorean kontsumitzen da gas gehien.
Plana ekarpenei irekita dago. Administrazioei, legebiltzar-taldeei eta hainbat patronal-sektoreri ireki zitzaien. “Klusterretik Lehen Sektorearen ekarpenak jaso ditugu, baina aurreikusita dugu bilera espezifiko bat egitea Lehen Sektorearekin, ekarpenak hurbilagotik ezagutzeko eta, ahal bada, plana hobetzeko. Abuztuaren 31 izan zen Plana entregatzeko azken eguna, baina hau ez da amaitu”.
“Lehen sektorea ere energiaren kontsumitzailea da, eta bere ekoizpen-prozesuan eta produktuak merkatuan jartzeko erabiltzen du. Haiek ere sufritzen ari dira. Autokontsumo energetikoarekin lotutako neurri guztiak neurri interesgarriak izan daitezke, baita animalien ongizaterako argiztapenarekin eta klimatizazioarekin lotutakoak ere. Elikatze-kate osoa hartu behar da kontuan.
Azkenik, Arantxa Tapiak uda honetan jasaten ari garen lehorteaz hitz egin du. “Busturialdean eta Arabako Lautadako zenbait eremutan izan ezik, hornidura bermatuta dago oraindik. Arriskua badago, neurriak hartu beharko dira; horretarako, Lehorte Plana dugu martxan”.
