Uxue Apaolaza Larrea

Hernani, 1981

Historian lizentziaduna eta AEK-ko irakaslea. Berria egunkarian urte asko ibili zen zutabegilea, eta orain Argian idazten du.

Beste bi liburu argitaratu ditu Umeek gezurra esaten dutenetik (Erein) eta Mea culpa (2011).

Leire Bilbao Barruetabeña

Ondarroa, 1978

Zuzenbide ekonomikoan lizentziatua (Deustuko unibertsitatean).

2006an eman zuen jauzia literatur mundura Ezkatak poema liburuarekin. Ondoren etorri ziren Scanner (Susa, 2011) eta Etxeko urak (Susa, 2020).

Haur eta gazte literaturari dagokionez hogei lanetik gora argitaratu ditu. Horietariko zenbait sarituak. Batzuk aipatzearren, album ilustratuen Etxepare saria 2013an, Lizardi saria 2016an, Haur eta Gazte literaturako Euskadi saria 2017an edo Kirico saria 2019an. 2021eko Lauaxeta Poesia saria jaso du Etxeko urak poema liburuagatik.

Edurne Portela Camino

Santurtzi, 1974

Literatura Hispanikoetan doktorea North Carolina-Chapel Hill-eko Unibertsitatean (Estatu Batuak). Literaturako irakasle titularra izan da Lehigh University-n (Pennsylvania) 2015. urtera arte. Bere ikerketa akademikoan artikulu ugari kaleratu ditu baita Displaced Memories: The Poetics of Trauma in Argentine Women Writers saiakera ere. 2016an Galaxia Gutenbergen El eco de los disparos: Cultura y memoria de la violencia argitaratu zuen, Euskadin indarkeriaren iragana ebazteko kultura tresna gisa aldarrikatzen duen saiakera.

2017ko irailean argitaratu zuen Galaxia Gutenberg-ek Mejor la ausencia bere lehen eleberria. Laurogeiko hamarkadako Euskadi postindustriala du ardatz, eta Madrilgo liburu-denden Gremioaren fikziozko urteko liburu onenaren 2018ko saria jaso zuen. 2019an argitaratu zuen bere bigarren eleberria, Formas de estar lejos, zigilu berean. Vida y ficción (2017) dokumentala egin du José Ovejerorekin batera. Espainiako egunkari nagusietan argitaratzen du aldizka, eta RNE-n eta Cadena Ser irratiko hainbat saiotan parte hartzen du.

Koro Navarro Etxeberria

Donostia, 1955

Ibilbide luzekoa literatura-itzulpenean. Ingelesetik itzuli du gehienbat. Azkenaldi honetan egin dituen itzulpenen artean daude R.L.Stevensonen Jekyll doktorea eta Hyde jauna eta Asun Garikanoren Noticias de California (euskaratik gaztelaniara).

Zenbait liburu itzuli ditu Literatura Unibertsalaren bildumarako; azkena, Norman Manearen Hulinganaren itzulera.

Maite Mutuberria Larrayoz

Eltzaburu, 1985

Ikusentzunezko Komunikazioan lizentziatua da eta Ilustrazioan goi-mailako teknikaria. Hogeita hamar liburu baino gehiago ilustratu ditu, besteak beste, «Barruko hotsak», «Joemak eta polasak», «Lilo» eta «Xomorropoemak». «Lohia» eleberri grafikoaren egilea da baita ere. Kirico, Lazarillo, Peru Abarka eta Etxepare sariak jaso ditu eta bere lana 2022ko Katalogo Iberoamerikarrean aukeratu dute.

Irati Jimenez Uriarte

Mundaka, 1977

Kazetaria ikasketetaz eta lanbidez, interneterako aholkulari gisa egiten du lan.

Literaturan, ibilbide luzea egin du. 2006an, Agustin Zubikarai saria irabazi zuen Bat, bi, Manchester lanarekin (Elkar, 2006) eta urte gutxi geroago, Igartza sariaren akzesita eta 111 Akademiaren Saria eskuratu zituen, errusierara, italierara eta gaztelaniara itzulitako Nora ez dakizun hori eleberriarekin (Elkar, 2009). Aiztoa eta arkatza (Txalaparta, 2013) literaturagintzarako aholku-liburua eta Atsekabe zaitut (Txalaparta, 2010) kontakizun ilustratua kaleratu ditu, hainbat ipuin eta artikulu idatzi, eta Harkaitz Canoren ipuinen antologia bat antolatu (Mecanografiak, Txalaparta, 2019). 2008an, Donostia Hiria saria eskuratu zuen Laranja azalaren negarra (Kutxa Fundazioa, 2008) ipuinarekin eta 2020an Bilboko Udalaren Unamuno Saria Ogia eta zirkua (Erein, 2021) analisi literarioarekin.

Teresa Maldonado Barahona

Bilbo, 1966

Filosofia ikasi zuen Zorroagako fakultatean, Donostian, laurogeiko hamarkadaren bigarren erdian, eta bertako emakume-taldean sartu zen; lehenago, Matarraskak emakume gazteen talde feministaren sortzaileetako bat izan zen Bilbon. Ondoren, Bizkaiko Emakumeen Mugimenduan parte hartu zuen bi hamarkadatan, eta baita urte askotan ere, drogen erabilera despenalizatzearen aldeko debekuaren aurkako mugimenduan.

Gaur egun, Filosofia irakaslea da Galdakaoko Elexalde BHIn, eta feministAlde eta Hezkuntza Laikoa kolektiboan parte hartzen du, hezkuntzan laikotasunaren alde.