Erregistroak

Merkasaretza, Merkataritza Laguntzako Puntuen Euskal Sarea

Deskribapena

MERKASARETZA Merkataritza Laguntzako Puntuen Euskal Sareak laguntza espezializatua ematea du helburu, merkataritza-banaketaren sektoreak dituen erronka berriei aurre egiteko. Sarearen helburua prozesu koordinatuak bultzatzea da, jarduketa-eremu bakoitzean saltokien lehiakortasuna hobetzen laguntzeko eta etengabe aldatzen ari den ingurune batera egokitzen laguntzeko.

MERKASARETZA Euskal Sareari atxikitako Merkataritza Laguntzako Puntuak (MLP) laguntza-zerbitzuak eskainiko dizkie, doan, merkataritza-banaketaren sektore osoari eta sektoreko antolakundeei, langile kualifikatuen bidez, bere jarduketa-eremuaren barruan, kontuan hartuta genero-ikuspegia, establezimenduaren jasangarritasun ekonomikoa, ingurumen-jasangarritasuna eta eraldaketa digitala. Hori guztia, gainera, hiri-merkataritzaren lurraldeko arazoa gertutik eta ondo ezagututa egingo dute.

Merkasaretza sarera atxikitzea

MERKASARETZA Euskal Sarean sartzeko:

1.– Hirugarren artikuluko a) letran adierazitako entitateek hiri-ekonomia jasangarrirako plan estrategiko bat izan beharko dute erreferentziazko udalerrian, edo Sareari atxikitzeko lankidetza-hitzarmena sinatu eta gehienez ere 12 hilabeteko epean halako plan bat garatzeko konpromisoa hartu beharko dute.

2.– Hirugarren artikuluko b) eta c) letretako entitateek Euskadiko Merkatarien Elkarteen Erroldan inskribatuta egon beharko dute (89/2025 dekretua). Fundazioek, berriz, Euskal Autonomia Erkidegoko Fundazioen Erregistroan inskribatuta egon beharko dute.

Gainera, baldintza hauek bete beharko dituzte:

● Eratu zirenetik gutxienez 10 urtez jardun izana edo azken 5 urteetan 3 urtez merkataritzako bulego tekniko bat kudeatu izana.

● Diharduten lurralde-eremuko txikizkako merkataritza-parkearen % 10 ordezkatzea gutxienez.

Ehuneko txikiagoak onartu eta are lehenetsi ahal izango dira, sarearen kapilaritate handiagoa ahalbidetzeko, eta, horrela, zerbitzu hurbilagoa eta eraginkorragoa emateko gaitasuna handitzeko.

● Jarduketa-plan bat izatea edo Sareari atxikitzeko lankidetza-hitzarmena sinatu eta gehienez ere 6 hilabeteko epean jarduketa-plana garatzeko konpromisoa hartzea.

Eta egunean izatea zerga-betebeharrak eta Gizarte Segurantzarekikoak.

3. MERKASARETZA Euskal Sarean sartzeko, merkataritza-arloan eskumena duen sailburuordeak ebazpena emango du, dekretu honen IV. kapituluan ezarritako prozeduraren arabera eskabidea egin ondoren, dagokion lankidetza-hitzarmena formalizatuta.

Nori dago zuzenduta

MERKASARETZA Euskal Sarea honako hauek osatuko dute:

a) Euskadiko Toki Erakundeei buruzko apirilaren 7ko 2/2016 Legearen 2.1 artikuluaren definizioarekin bat etorriz, Euskal Autonomia Erkidegoan egoitza duten toki-entitateek, organismo autonomoek edo haien mendeko beste entitate batzuek eta garapen-agentziek sortutako MLPak.

b) Euskal Autonomia Erkidegoan behar bezala eratutako eta kokatutako irabazi-asmorik gabeko elkarte eta fundazioek sortutako MLPak, baldin eta horien helburuen artean hiriko merkataritza-jarduerarekin lotutako merkataritzari edo zerbitzuei laguntzea badago.

c) Merkatarien federazioek sortutako MLPak, baldin eta kokatuta dauden lurralde historikoko merkataritza-banaketaren sektore osoari laguntza emateko helburua badute, eta merkataritza-jardueraren azpisektore-ikuspegia ere barne hartzen badute.

Erakundeak

Kudeatzen duen erakundea

  • Turismoa, Merkataritza eta Kontsumoa / Turismo eta Merkataritza Sailburuordetza > Merkataritza Zuzendaritza

Ebazten duen erakundea

  • Turismoa, Merkataritza eta Kontsumoa > Turismo eta Merkataritza Sailburuordetza

Kontaktu-informazioa

Harremanetarako datuak

Merkataritza Zuzendaritza:

dico@euskadi.eus

945 01 99 63

Zuzenean: Herritarrentzako arreta zerbitzua

Kodea(k)

  • Merkasaretza sarera atxikitzea: 1250301

Eskabidea eta dokumentazioa aurkeztea

Sareari atxikitzeko eskabidearekin batera, agiri hauek aurkeztu beharko dira:

a) Kasu bakoitzean eskumena duen organoak hartutako akordioaren ziurtagiria, sareari atxikitzeko borondatea adierazten duena.

b) Garapen-agentziek, elkarteek, fundazioek eta federazioek estatutuak aurkeztu beharko dituzte.

c) Hala badagokio, eskatzailearen ordezkaritza-ahalmena egiaztatzen duen dokumentazioa, 6. apartatuaren arabera.

d) Merkataritza-laguntzako urteko lan-plana.

e) MLParen funtzionamendurako aurrekontuko zuzkidura ekonomikoa.

f) MLParen buru izateko proposatutako merkataritza-laguntzailearen curriculum vitaea.

g) 7.7 artikuluan eskatutako unibertsitate-titulu ofiziala edo behin-behineko ziurtagiri osagarria, Unibertsitate Titulu Ofizialak Emateari buruzko abuztuaren 5eko 1002/2010 Errege Dekretuaren 14.2 artikuluaren arabera.

h) Hiri Ekonomia Jasangarrirako Plan Estrategikoa edo Jarduketa Plana edo hura garatzeko konpromisoa.

i) Argazki bidez egiaztatzea MLPak 7.6 artikuluan eskatutako espazioa duela.

b), c) eta g) puntuetan eskatutako dokumentazioa kasu honetan bakarrik eskatu ahal izango da: eskatzaileak aurka egiten badio organo kudeatzaileak zuzenean eskatzeari.

4. artikuluan eskatzen den ordezkagarritasuna ofizioz kalkulatuko da, erroldako datuen arabera.

  1. Ziurtatu identifikazio elektronikorako bitarteko bat duzula.
  2. Prestatu dokumentazioa formatu digitalean.
  3. Sartu online inprimakian botoi honen bidez eta bete eskabidearen datuak.
Eskaera

Ebazpena eta errekurtsoak

Ebazteko epea

6 hilabete

Isilbidearen ondorioak

Gaitzetsiak

Beste tramite batzuk