Gazteria Teknikaria
Araba
• Gazteriaren Foru Erakundeak abiarazitako jarduerak planifikatzea, teknikoki kudeatzea, jarraipena eta ebaluazioa egitea, gazteriari zuzendutako aisialdi, kultura eta denbora libreko programei dagokienez.
• Toki erakunde elkarteen eta lankidetza arloan gazte jarduerak garatzeko laguntza eta dirulaguntza programak abiaraztea.
• Arabako gazte informazio eta dokumentazioko lurralde zentroko funtzionamendua berrikustea.
• Gazte talde eta elkarteei gai propioen inguruan aholkatzea.
• Aterpetxeen erreserbak kudeatzea, aterpetxeen zuzendariekin batera.
• Txosten teknikoak egitea gazte, aisialdi eta elkartegintza arloan.
• Gazteriaren Foru Erakundeak erabilitako tresnak planifikatzea, eguneratzea eta jarraipena egitea, jarduerak sustatzeko eta herritarrak informaziora sarbidea izatea bultzatzeko (webgunea, informazio orriak, etab.).
• Lanpostuaren betekizunen barruko beste edozein, Zuzendaritzak aginduta.
Oinarri orokorretan ezarritakoez gain, unibertsitateko gradu, diplomatura titulu edo parekidea eduki beharko da, A2 taldean kokatutako plazak garatzeko gaikuntza ematen duena, edo lortzeko eskubideak ordainduta izan beharko dira.
Haur eta gazte aisialdiko zuzendaritza titulazioa edo parekidea.
HE3
a) Eskabideak aurkezteko epea bukatzen denerako Europar Batasuneko estaturen bateko nazionalitatea izatea, edo Europar Batasunak sinatu eta Espainiak berretsitako nazioarteko hitzarmenen arabera langileen joan-etorri librea aplikagarri zaion herrialderen batekoa izatea. Orobat parte hartu ahal izango dute Europar Batasuneko estatuetakoren bateko hiritartasuna dutenen ezkontideek –zuzenbidez banatuta ez badaude–, baita haien ondorengoek nahiz ezkontideenek ere, baldin eta bi ezkontideak zuzenbidez banatuta ez badaude eta ondorengo horiek hogeita bat (21) urtetik beherakoak badira edo adin horretatik gorakoak izanda ere gurasoen kontura bizi badira.
b) Eskabideak aurkezteko epea bukatzen den egunean, hamasei (16) urte beteta edukitzea eta nahitaezko erretiro-adina ez izatea.
c) Dagozkion egitekoak normal betetzea eragozten dion gaixotasun edo muga fisikorik ez izatea, alde batera utzita azaroaren 29ko 1/2013 Legegintzako Errege Dekretuaren ezarpena, desgaitasuna duten pertsonen eskubideei eta haien gizarteratzeari buruzko Lege Orokorraren testu bategina onartzen duena.
d) Lanposturako eskatzen den titulu ofizialaren edo homologatuaren jabe izatea edo titulua lortzeko eskubideak ordainduta izatea. Atzerriko titulua izanez gero, horren homologazioa egiaztatzen duen agiria eduki beharko da.
e) Funtzio publikoak egiteko desgaituta ez egotea, ez eta edozein Herri Administraziotako zerbitzutik diziplina espediente bidez bananduta ere. Atzerritarra izanez gero, norbere estatuan funtzio publikora sartzea galarazten duen diziplina-zigorrik edo kondena penalik ez izatea.
f) Indarreko arautegien arabera ezintasunerako edo bateraezintasunerako lege arrazoirik ez izatea, salbu utziz haien arabera dagokion aukera eskubidea.
g) Oinarri espezifikoetan eskatzen den beste edozein betekizun.
— Internet bidez, identifikazio elektronikoko bitarteko bat erabiliz, web-orrian ematen den eredua betez.: www.ivap.euskadi.eus/epe-gfe.
— Eskabidea Internet bidez betetzeko Eusko Jaurlaritzako KZGuneko zentro publikoetara ere jo ahalko da; zentro horien zerrenda helbide honetan kontsulta daiteke: www.kzgunea.net.