EPE Euskadiko Administrazio Orokorra

a.- Sarbide orokorraren modalitatea: 9

b.- Desgaitasuna duten pertsonentzat gordetako modalitatea: 1

Denak hizkuntza-eskakizunaren derrigortasun-datarik gabe.

Eskainitako lanpostuen zerrenda (XLSX, 18 KB)

Ibaiondo Hezkuntza Zentroko Hezitzaileak

• Hezkuntza-zentroan dauden adingabeei eta nerabeei zuzeneko laguntza ematea.
• Hezkuntzako esku-hartze espezializatuak egitea, banaka eta taldeka.
• Behaketa-teknikak, azterketa instituzionalak eta taldeko dinamikak erabiltzea.
• Adingabearen jarduerak programatzea, betearaztea eta ebaluatzea.
• Tutore-lana egitea eta aholkuak ematea adingabearen bizitzako arlo guztietan. Haren ardura da adingabea zentroan dagoela, haren eskubideak errespetatzen direla eta hark bere betebeharrak betetzen dituela bermatzea.

• Psikologiako lizentziaduna
• Pedagogiako lizentziaduna
• Psikopedagogiako lizentziaduna
• Irakasleen Ikasketetako diplomaduna
• Gizarte Hezkuntzako diplomaduna
• Gizarte Laneko diplomaduna
• Gizarte Hezkuntzako diplomaduna, lizentziaduna edo gaikuntza duen graduduna
• Psikologiako graduak
• Pedagogiako graduak
• Maisu-maistren graduak espezialitate guztietan
• Gizarte Hezkuntzako graduak
• Gizarte Laneko graduak
  Arau espezifiko hauen 7. apartatuan ageri dira onartzen diren graduak.

Iragarritako hautaketa-prozesuetan parte hartu ahal izateko, betekizun hauek bete beharko dira:

1. Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko tratatuen aplikazio-eremuan dauden pertsonek ere parte hartu ahal izango dute, baldin eta tratatu horietan langileen zirkulazio askea aplikatzen bada. Halaber, aurreko paragrafoetan aipatu ez arren, legezko bizilekua Espainian daukaten atzerritarrek ere parte hartu ahal izango dute.
2. Gaitasun funtzionala izatea, deialdiko lanpostuetako zereginak betetzeko.
3. 16 urte beteta izatea eta nahitaezko erretiro-adina beteta ez izatea.
4. Diziplina-espediente batez zehapenik hartu ez izana Administrazio publiko edo autonomia-erkidegoko organo konstituzional edo estatutarioen zerbitzutik bereizita egoteko; ezta, ebazpen judizialaren arabera, enplegu edo kargu publikorako desgaikuntza erabatekoa edo berezia izatea ere, funtzionarioen kidegora edo eskalara iristeko edo, langile lan-kontratudunen kasuan, bereizteari edo desgaikuntzari lotutako lanpostuaren antzeko eginkizunak betetzeko. Beste estatu bateko herritarra izanez gero, hautagaia ezin izango da desgaikuntza-egoeran edo egoera baliokideren batean egon, eta ezin izango du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
5. Oinarri espezifikoetan eskatutako titulazioa izatea edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
6. Indarrean dagoen araubidearen arabera, ezintasuneko edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
7. Langileak hautatzeko deialdietako inskripzio-tasa ordainduta izatea, zeina parte hartu nahi den prozesuaren araberakoa izango baita eta zeinaren diru-zenbatekoa oinarri espezifikoetan zehaztuko baita.
8. Oinarri espezifikoetan eskatzen diren beste betekizun guztiak.

Deialdi honetako lanpostuek betekizun espezifiko hauek dituzte:

• Ziurtagiri negatiboa, Haurrak eta Nerabeak Indarkeriatik Begiratzeko Babes Integralaren ekainaren 4ko 8/2021 Lege Organikoaren 57.1 artikuluaren arabera.
• B gidabaimena.

Aipatutako betekizunak merezimenduak alegatzeko izapidean deklaratu behar dira.

Eskainitako lanpostuen zerrendan —oinarri orokorren 12.2 apartatuan egiten zaio erreferentzia—, hauek daude zehaztuta: lanpostu bakoitzaren izena, saila edo erakundea, zentro organikoa, lanpostua kokatuta dagoen herria, ordainsari-maila, hizkuntza-eskakizuna eta derrigortasun-data, eta lanpostua betetzeko bete behar diren betekizun espezifikoak.

Hautaketa-sistema oposizio-lehiaketa izango da.

Oposizio-fasea

Oposizio-fasearen diseinua eta garapena oinarri orokorren 21. apartatuan jasotzen da. 

Lehenengo fasean gehienez 120 puntu lor daitezke.

Lehiaketa-fasea

Baremo honen arabera lortutako puntuen batuketak emango du lehiaketa-faseko kalifikazioa:

a) Esperientzia

Bat etorriz Euskal Autonomia Erkidegoko Administrazioko kidegoei eta eskalei buruzko azaroaren 11ko 7/2021 Legearen lehenengo xedapen gehigarrian ezarritakoarekin, esperientzia orokorraren eta espezifikoaren ataletan lortutako puntuazioaren batura izango da esperientziagatiko guztizko puntuazioa. Esperientzia-atal bakoitzean, esperientzia-mota bakoitzerako eskatzen diren betekizunak betetzen dituzten azken 25 urteetako lan-aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat. Esperientziagatik 62 puntu emango dira gehienez, baremo honen arabera:

a.1) Esperientzia orokorra

Esperientzia orokortzat hartzen dira edozein administrazio publikotan —Euskal Autonomia Erkidegoko Administrazio Orokorra eta haren organismo autonomoak barne direla—, organismo autonomotan edo zuzenbide pribatuko erakunde publikotan, adingabeen zentroetako hezitzaileen lanpostuetan emandako zerbitzuak, funtzionario-harremanetakoak nahiz lan-kontratuko harremanetakoak izan. Esperientzia hori baloratzeko, lan egindako hilabete bakoitzeko 0,083 puntu emango dira, gehienez 22 puntu izan arte.

a.2) Esperientzia espezifikoa.

Berariaz baloratuko dira, esperientzia orokorraren baloraziotik bereizita eta haren osagarri gisa, emandako zerbitzu hauek:

- Euskal Autonomia Erkidegoko Administrazio Orokorreko eta haren organismo autonomoetako adingabeen heziketa-zentroetako hezitzaile-lanpostuetan emandako zerbitzuak.

Esperientzia hori baloratzeko, lan egindako hilabete bakoitzeko 0,151 puntu emango dira, gehienez 40 puntu izan arte.

b) Titulazioak eta hautaketa-prozesuetan izandako parte-hartzea. Merezimendu hauei gehienez 12 puntu emango zaizkie:

b.1) 5 puntu titulu bakoitzeko, sartzeko alegatutako titulutik kanpo, gehienez 10 puntu izan arte:

- Psikologiako lizentziaduna
- Pedagogiako lizentziaduna
- Psikopedagogiako lizentziaduna
- Irakasleen Ikasketetako diplomaduna
- Gizarte Hezkuntzako diplomaduna
- Gizarte Laneko diplomaduna
- Psikologiako graduak
- Pedagogiako graduak
- Maisu-maistren graduak espezialitate guztietan
- Gizarte Hezkuntzako graduak
- Gizarte Laneko graduak

Arau espezifikoen 7. apartatuan ageri dira baloratzen diren graduak.

b.2) Euskal Autonomia Erkidegoko eta haren organismo autonomoetako adingabeen heziketa-zentroetan hezitzaile gisa lan-kontratudun finko izateko 2000. urteaz geroztik (urte hori barne) egin diren hautaprobak gainditzeagatik, 10 puntu emango dira gehienez:

- Oposizio-fasea gainditzea: 10 puntu.
- Oposizio-faseko lehen ariketa gainditzea: 7 puntu (hori da azpiatal honetan lor daitekeen gehieneko puntuazioa).

b.3) 7 puntu emango dira Euskal Autonomia Erkidegoko Administrazio Orokorreko eta haren organismo autonomoetako Ibaiondo heziketa-zentroko hezitzaileen lan-poltsetan egoteagatik (hori da azpiatal honetan lor daitekeen gehieneko puntuazioa.

c) Informatika-ezagutzak. Informatika-ezagutzak gehienez 3 punturekin baloratuko dira, 1 puntu ziurtagiri hauetako bakoitzeko:

- Microsoft Word 2000/XP/2003/2007/2010 oinarrizkoa.
- Microsoft Excel 2000/XP/2003/2007/2010 oinarrizkoa.
- Internet oinarrizkoa.
- Microsoft Access 2000/XP/2003 oinarrizkoa.
- Microsoft Outlook XP/2003/2010.
- Microsoft Power Point 2000/XP/2003/2007/2010 maila bakarra.
- Microsoft Word 2000/XP/2003/2007/2010 aurreratua.
- Microsoft Excel 2000/XP/2003/2007/2010 aurreratua.
- Microsoft Access 2000/XP/2003 aurreratua.
- Internet aurreratua.

Moduluak gainditu izana IT Txartelaren egiaztatze-sistemaren bidez egiaztatu behar da, 9.8 oinarri orokorrean adierazi bezala. Modulu berean bertsio bat baino gehiago egiaztatzen bada, bakarra baloratuko da. Deialdi honen ondorioetarako, maila aurreratua dutela egiaztatzen dutenei egiaztatutzat emango zaie oinarrizko maila.

d) Hizkuntzak. Hizkuntzen Europako Erreferentzia Marko Bateratuko mailetako ingelesa, alemana eta frantsesa baloratuko dira. Gehienez puntu 3 lortu ahal izango dira, baremazio honen arabera:

- C1 maila edo handiagoa: 2 puntu, hizkuntza bakoitzeko.
- B2 maila: 1,5 puntu, hizkuntza bakoitzeko.
- B1 maila: 1 puntu, hizkuntza bakoitzeko.

e) Euskara. Euskara jakitea baldintzatzat eskatzen ez den lanpostuetan bakarrik baloratuko da, baremo honen arabera:

- 1. hizkuntza-eskakizuna: 12 puntu.
- 2. hizkuntza-eskakizuna: 18 puntu.
- 3. eta 4. hizkuntza-eskakizunak: 26 puntu.

Eskaerak eta hautaketa-prozesuen jarraipena

Eskabidea bide elektronikoz aurkezteko, Enplegu Publikoaren Atariko helbide elektronikoa erabili beharko da (https://www.euskadi.eus/enplegu–publikoa/), eskabidea bete ahala adierazten diren argibideei jarraituz. Horretarako, nork bere burua identifikatu beharko du, Euskal Autonomia Erkidegoko Administrazio Orokorrean onartutako edozein bitarteko erabiliz (https://www.euskadi.eus/identifikazio-elektronikorako-onartutako-bitartekoak/web01-sede/eu/), edo eskabidea bete ondoren aplikazioak berak ematen duen aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideak egiteko, beharrezkoa izango da identifikazio elektronikorako onartutako bitartekoren bat edukitzea.

Eskabide elektronikoa Eusko Jaurlaritzako KZ–Gunea zentro publikoetan ere egin ahal izango da. KZguneen zerrenda eta kokapena helbide honetan ikus daitezke: www.kzgunea.eus.

Aurretiko hitzordua eskatuz IVAPeko bulego hauetan:
Ordutegia: astelehenetik ostiralera 08: 30-14: 00

• Wellington Dukea, 2. 01010 Vitoria-Gasteiz
• Errekalde zumarkalea, 18. 48009 Bilbao
• San Bartolome, 28. 20007 Donostia-San Sebastián

Hitzordua eskatzeko:

• Interneteko formularioa
• Aurretiko hitzordurako telefonoa: 945 01 77 03 (08: 30-14: 00)

• Oinarri orokorrak
• Oinarri espezifikoak

Epaimahaiaren izendapena

Garatutako gai-zerrenda (PDF, 5 MB)

Galdera-sorta (PDF, 2 MB)

Ibaiondo heziketa-zentroaren hezkuntza-proiektua (PDF, 4 MB)

Gai-zerrenda:

1. 5/2000 Lege Organikoa, urtarrilaren 12koa, adingabeen erantzukizun penalari buruzkoa.
2. 1774/2004 Errege Dekretua, uztailaren 30ekoa, Adingabeen Erantzukizun Penalari buruzko urtarrilaren 12ko 5/2000 Lege Organikoaren Erregelamendua onartzen duena.
3. 1/1996 Lege Organikoa, urtarrilaren 15ekoa, adingabeen babes juridikoari buruzkoa, hein batean Kode Zibila eta Prozedura Zibila aldatu zituena. Adingabeen babes juridikoa. Eskubideak. Babesgabetasun-egoeratarako ekintzak. Tutoretza eta adopzioa.
4. 8/2021 Lege Organikoa, ekainaren 4koa, Haurrak eta Nerabeak Indarkeriatik Begiratzeko Babes Integralarena.
5. Eusko Legebiltzarraren 3/2005 Legea, otsailaren 18koa, Haurrak eta Nerabeak Zaintzeko eta Babestekoa.
6. 80/2009 Dekretua, apirilaren 21ekoa, askatasunaz gabetzeko neurriak betearazten dituzten Euskal Autonomia Erkidegoko heziketa-zentroei buruzkoa.
7. 903/2021 Errege Dekretua, urriaren 19koa, Atzerritarrek Espainian dituzten eskubide eta askatasunei eta haien gizarteratzeari buruzko 4/2000 Lege Organikoaren Erregelamendua aldatzen duena; lege organiko hori 2/2009 Lege Organikoaren bidez erreformatu zen, eta, erreforma horren ondoren, Erregelamendua apirilaren 20ko 557/2011 Errege Dekretuaren bidez onetsi.
8. INT/3688/2007 Agindua, azaroaren 30ekoa, zeinaren bitartez oinarri arautzaileak onartzen baitira, Barne Ministerioaren eskumenen esparruan, espetxeko presoei, baldintzapeko askatasunean daudenei eta haien senideei asistentzia-laguntzak emateko, eta espetxeko presoentzat irteera programatuak eta terapeutikoak egiteko, eta haiei sariak emateko.
9. Eusko Jaurlaritzaren Gazte Justiziaren V. Plana (2020-2024).
10. Eusko Jaurlaritzako Justizia Zuzendaritzako Gazte Justiziako Zerbitzuaren Ebaluazio Txostena. 2020. urtea
11. Ibaiondo heziketa-zentroaren hezkuntza-proiektua. (PDF, 2 MB)
12. 185/2015 Dekretua, urriaren 6koa, Gizarte Zerbitzuen Euskal Sistemako prestazio eta zerbitzuen zorroari buruzkoa. Gizarte-bazterketa eta babesgabetasuneko arriskuarekin edo egoerekin lotutako prozedurak, prestazioak eta zerbitzuak.
13. BALORA: Haurrak eta nerabeak zaintzeko eta babesteko Euskal Autonomia Erkidegoko udal- eta lurralde-mailako gizarte-zerbitzuetan arrisku- eta desanparo-egoeren larritasuna balioesteko tresna. Definizioa eta larritasun-mailak.
14. Gizarte-bazterketaren diagnostiko soziala eta balorazioa egiteko tresna komunak. Administrazio eskudunak. 385/2013 Dekretuaren bidez araututako gizarte-bazterketa baloratzeko tresna aplikatzetik ondorioztatutako diagnostikoaren kategoriak.
15. Gizarteratzeko eta Diru-sarrerak Bermatzeko Sistema. Diru-sarrerak Bermatzeko Errenta (DBE) eta Gizarte Larrialdietarako Laguntzak (GLL) jasotzeko oinarrizko betekizunak. Laguntza horiek kudeatzeko eskumena duten administrazioak.
16. Substantzia toxikoen kontsumoa. Kontsumo ohikoenak. Kontsumo horiei lotutako patologiak.
17. Buru-osasuna eta psikopatologiak umezaroan eta nerabezaroan.
18. Lehen sorospenak. Larrialdietarako neurri orokorrak. Kontzientziaren aldaketa. Bihotz-biriketako bizkortzea. Hezurretako eta giharretako lesioak. Intoxikazioak. Odoljarioak. Agente fisikoen ondoriozko istripuak. Ziztadak, hozkadak eta erreakzio alergikoak.
19. Administrazio-prozedura. Printzipio orokorrak. Herritarrak eta interesdunak. Herritarren eskubideak Administrazioarekiko harremanetan. Administrazio-prozeduraren faseak: prozeduraren hasiera, antolamendua, instrukzioa eta amaiera. Administrazioarekiko errekurtsoak.
20. Euskal Autonomia Erkidegoko Administrazioko Lan Kontratudunen Kolektiboentzako Hitzarmena.
21. Euskadiko hezitzaile sozialen elkargoko kode deontologikoa.
22. Datu pertsonalak babesteari buruzko oinarrizko alderdiak: kontzeptuak, printzipioak eta eskubideak; bereziki, informazio-eskubidea datuak biltzerakoan, sekretu-betebeharra eta datuen komunikazioa.
23. 4/2005 Legea, otsailaren 18koa, Emakumeen eta Gizonen Berdintasunerakoa: Printzipio orokorrak. Administrazioaren araudian eta jardueran berdintasuna sustatzeko neurriak.