Fakultatiboen Goi-mailako Kidegoa. Nekazaritza- eta Abeltzaintza-sektoreko Eskala. Berezia (Lehiaketa-oposizioa)
Sarbide orokorraren modalitatea: 9
Hizkuntza-eskakizunik gabe: 5
3. hizkuntza-eskakizunarekin: 4
- Nekazaritza Ingeniaritzako lanbide arautuan jarduteko gaikuntza-titulua (PDF, 237 KB) , edo
- Ikasketa-eremu hauetako gradu- edo ingeniaritza-tituluak:
Deialdi honetako lanpostuetan, euskararen 3. eta 4. hizkuntza-eskakizunak izatea betekizun izan daiteke lanpostua betetzeko. Euskara jakitea betekizuna da derrigortasun-data igarota daukaten lanpostuetan.
- Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko itunen aplikazio-eremuan dauden pertsonek ere parte hartu ahal izango dute, baldin eta itun horietan langileen zirkulazio askea aplikatzen bada.
- Gaitasun funtzionala izatea, sartu nahi den kidegoko edo eskalako zereginak betetzeko.
- 16 urte beteta izatea eta nahitaezko erretiro-adina beteta ez izatea.
- Diziplina-espediente batez edozein administrazio publikotako edo autonomia-erkidegotako organo konstituzional edo estatutarioen zerbitzutik bereizita ez egotea; ezta, ebazpen judizial baten ondorioz, enplegu edo kargu publikoetarako desgaikuntza absolutua edo berezia izatea ere, bereizi edo desgaitu duten funtzionario-kidegoan edo eskalan sartzeko. Beste estatu bateko herritarra izanez gero, hautagaia ezingo da desgaituta edo egoera baliokidean egon, eta ezingo du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
- Oinarri espezifikoetan eskatutako titulazioa izatea edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
- Indarrean dagoen araubidearen arabera, ezgaitasun edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
- Ordainduta izatea langileak hautatzeko deialdietan inskribatzeagatik ordaindu beharreko tasa, lehiatu nahi den prozesuaren eta kidegoaren nahiz eskalaren arabera. Tasaren zenbatekoa oinarri espezifikoetan zehaztuko da.
- Kidego eta eskala bereko karrerako funtzionario ez izatea.
- Oinarri espezifikoetan eskatzen den beste edozein betekizun.
Horrez gain, deialdi honetako lanpostu batzuek betekizun espezifiko hauek izan ditzakete:
- B gidabaimena.
Merezimenduak alegatzeko izapidean deklaratu behar da.
– B2 mailako ingelesa.
Merezimenduak alegatzeko izapidean alegatu behar da, 9.7 oinarri orokorrean ezarritako moduan.
– Nekazaritza Ingeniaritzako lanbide arautuan jarduteko gaikuntza-titulua
Merezimenduak alegatzeko izapidean deklaratu behar da.
– Dagokion elkargo profesionaleko kide izatea.
Lanpostuaz jabetzeko unean egiaztatu beharko da betekizun hori, 9.1 oinarri orokorrean xedatutakoaren arabera.
Hautaketa-sistema oposizio-lehiaketa izango da.
- Oposizio-fasea.
Oposizio-fasearen diseinua eta garapena oinarri orokorren 23. apartatuan jasotzen da.
Oposizio-fasean, gehienez 120 puntu lor daitezke. - Lehiaketa-fasea.
Lehiaketa-fasean, gehienez 80 puntu lor daitezke, baremo honen arabera lortutako puntuak batuz:
a) Esperientzia. Bat etorriz Euskal Autonomia Erkidegoko Administrazioko kidegoei eta eskalei buruzko azaroaren 11ko 7/2021 Legearen lehenengo xedapen gehigarrian ezarritakoarekin, esperientzia orokorraren eta espezifikoaren apartatuetan lortutako puntuazioaren batura izango da esperientziagatiko guztizko puntuazioa.
Esperientziagatik 62 puntu emango dira gehienez, baremo honen arabera:
a.1) Esperientzia orokorra.
Esperientzia orokortzat hartzen dira edozein administrazio publikotan –Euskal Autonomia Erkidegoko Administrazio Orokorra eta haren organismo autonomoak barne–, organismo autonomotan edo zuzenbide pribatuko ente publikotan A1 azpitaldeko Nekazaritza eta Abeltzaintza Sektoreko teknikarien kidego, eskala edo kategorian edo horiei atxikitako lanpostuetan emandako zerbitzuak, funtzionario-harremanekoak nahiz lan-kontratuko harremanekoak izan.
Esperientzia hori baloratzeko, 0,083 puntu emango dira lan egindako hilabete bakoitzeko, eta gehienez 22 puntu emango dira.
Zenbaketa egiteko, azken 25 urteetan lan egindako aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.
a.2) Esperientzia espezifikoa.
Berariaz baloratuko da esperientzia espezifikoa, esperientzia orokorraren baloraziotik bereizita eta haren osagarri.
Hautagai bakoitzari bi balorazio desberdin esleituko zaizkio alegatu duen esperientzia espezifikoari dagokionez. Lehenengo balorazioa destino-osagarriaren 23. eta 25. mailetako lanpostuak esleitzeko aplikatuko da, eta bigarrena destino-osagarriaren 27. eta 28. mailako lanpostuak esleitzeko.
Bi kasuetan, jarraian adierazten diren arauak aplikatuta baloratuko da esperientzia espezifikoa, gehienez 40 puntu izan arte:
a.2.1) Esperientzia espezifikoaren balorazioa, destino-osagarriaren 23. eta 25. mailetako lanpostuetarako. Zerbitzu hauek baloratuko dira:
– EAEko Administrazio Orokorreko eta haren organismo autonomoetako Fakultatiboen Goi-mailako Kidegoko Nekazaritza- eta Abeltzaintza-sektoreko Eskalako izendapenarekin emandako zerbitzuak.
– Fakultatiboen Goi-mailako Kidegoko Nekazaritza Ingeniaritzaren edo Mendi Ingeniaritzaren aukeretako izendapenarekin emandako zerbitzuak, Euskal Autonomia Erkidegoko Administrazioko kidego eta eskalei buruzko azaroaren 11ko 7/2021 Legean jasotako korrespondentzia-taularekin bat etorriz.
– Euskal Autonomia Erkidegoko Administrazioko lan-kontratudunen kolektiboko hitzarmenaren lan-harremanarekin eskala horri asimilatuta emandako zerbitzuak.
– Deialdiaren unean indarrean dagoen lanpostu-zerrendan Fakultatiboen Goi-mailako Kidegoko Nekazaritza- eta Abeltzaintza-sektoreko Eskalari atxikitako lanpostuetan emandako zerbitzuak.
Esperientzia hori baloratzeko, 0,151 puntu emango dira lan egindako hilabete bakoitzeko, eta gehienez ere 40 puntu emango dira.
Zenbaketa egiteko, azken 25 urteetan lan egindako aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.
a.2.2) Esperientzia espezifikoaren balorazioa, destino-osagarriaren 27. eta 28. mailetako lanpostuetarako. Ondorengo apartatuetako arauak aplikatu osteko puntuak batuz zehaztuko da.
i) 0,072 puntu lan egindako hilabeteko, gehienez 13 puntu izan arte, zerbitzu hauengatik:
– EAEko Administrazio Orokorreko eta haren organismo autonomoetako Fakultatiboen Goi-mailako Kidegoko Nekazaritza- eta Abeltzaintza-sektoreko Eskalako izendapenarekin emandako zerbitzuak.
– Fakultatiboen Goi-mailako Kidegoko Nekazaritza Ingeniaritzaren edo Mendi Ingeniaritzaren aukeretako izendapenarekin emandako zerbitzuak, Euskal Autonomia Erkidegoko Administrazioko kidego eta eskalei buruzko azaroaren 11ko 7/2021 Legean jasotako korrespondentzia-taularekin bat etorriz.
– Euskal Autonomia Erkidegoko Administrazioko lan-kontratudunen kolektiboko hitzarmenaren lan-harremanarekin eskala horri asimilatuta emandako zerbitzuak.
– Deialdiaren unean indarrean dagoen lanpostu-zerrendan Fakultatiboen Goi-mailako Kidegoko Nekazaritza- eta Abeltzaintza-sektoreko Eskalari atxikitako lanpostuetan emandako zerbitzuak.
ii) Horrez gain, 0,15 puntu emango dira lan egindako hilabete bakoitzeko, gehienez 27 puntu izan arte, aurreko (i) apartatuko zerbitzuengatik, destino-osagarriaren 27., 28. eta 29. mailak dituzten lanpostuetan eman badira.
a.2.2) apartatu honetako zenbaketa egiteko, esperientzia-mota bakoitzerako eskatzen diren betekizunak betetzen dituzten azken 15 urteetako lan-aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.
b) Tituluak eta lan-poltsetan egotea.
Merezimendu hauek baloratuko dira (gehienez 12 puntu lor daitezke):
b.1) Titulu hauek baloratuko dira (gehienez 10 puntu lor daitezke):
c) Informatika-ezagutzak.
Informatika-ezagutzak gehienez 3 punturekin baloratuko dira, puntu bat ziurtagiri hauetako bakoitzeko:
– Microsoft Word 2000/XP/2003/2007/2010 oinarrizkoa.
– Microsoft Excel 2000/XP/2003/2007/2010 oinarrizkoa.
– Internet oinarrizkoa.
– Microsoft Access 2000/XP/2003 oinarrizkoa.
– Microsoft Outlook XP/2003/2010.
– Microsoft Power Point 2000/XP/2003/2007/2010 maila bakarra.
– Microsoft Word 2000/XP/2003/2007/2010 aurreratua.
– Microsoft Excel 2000/XP/2003/2007/2010 aurreratua.
– Microsoft Access 2000/XP/2003 aurreratua.
– Internet aurreratua.
– Microsoft Access 2010.
Oinarri orokorretan adierazi bezala, moduluak gainditu izana IT Txartelaren egiaztatze-sistemaren bidez egiaztatu behar da. Modulu beraren bertsio bat baino gehiago egiaztatzen bada, bakarra baloratuko da.
Deialdi honen ondorioetarako, maila aurreratua dutela egiaztatzen dutenei egiaztatutzat emango zaie oinarrizko maila.
d) Hizkuntzak.
Hizkuntzen Europako Erreferentzia Marko Bateratuko mailetako ingelesa, frantsesa eta alemana baloratuko dira. Gehienez 3 puntu lortu ahal izango dira, baremo honen arabera:
– C1 maila edo handiagoa: 2 puntu hizkuntza bakoitzeko.
– B2 maila: 1,5 puntu hizkuntza bakoitzeko.
– B1 maila: 1 puntu hizkuntza bakoitzeko.
- Euskara jakitea.
Euskara jakitea betekizun gisa eskatzen ez den lanpostuetan bakarrik baloratuko da. Baremo honen arabera baloratuko da euskara jakitea:
- 1. hizkuntza-eskakizuna: 12 puntu.
- 2. hizkuntza-eskakizuna: 18 puntu.
- 3. hizkuntza-eskakizuna: 26 puntu.
Eskaerak eta hautaketa-prozesuen jarraipena
Eskabidea bide elektronikoz aurkezteko, Enplegu Publikoaren Atariko helbide elektronikoa erabili beharko da (https://www.euskadi.eus/enplegu–publikoa/), eskabidea bete ahala adierazten diren argibideei jarraituz. Horretarako, nork bere burua identifikatu beharko du, Euskal Autonomia Erkidegoko Administrazio Orokorrean onartutako edozein bitarteko erabiliz (https://www.euskadi.eus/identifikazio-elektronikorako-onartutako-bitartekoak/web01-sede/eu/), edo eskabidea bete ondoren aplikazioak berak ematen duen aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideak egiteko, beharrezkoa izango da identifikazio elektronikorako onartutako bitartekoren bat edukitzea.
Eskabide elektronikoa Eusko Jaurlaritzako KZ–Gunea zentro publikoetan ere egin ahal izango da. KZguneen zerrenda eta kokapena helbide honetan ikus daitezke: www.kzgunea.eus.
Aurretiko hitzordua eskatuz IVAPeko bulego hauetan:
Ordutegia: astelehenetik ostiralera 08: 30-14: 00
- Wellington Dukea, 2. 01010 Vitoria-Gasteiz
- Errekalde zumarkalea, 18. 48009 Bilbao
- San Bartolome, 28. 20007 Donostia-San Sebastián
Hitzordua eskatzeko:
- Interneteko formularioa
- Aurretiko hitzordurako telefonoa: 945 01 77 03 (08: 30-14: 00)
Garatutako gai-zerrenda orokorra (PDF, 5 MB)
Gai-zerrenda espezifikoa.
1.– Mintegiak. Motak. Produkzio-bitartekoak, instalazioak eta produkzio-teknikak, produkzio-orientazioen arabera: apaingarriak, baratzekoak, frutakoak, basokoak.
2.– 19/1995 Legea, nekazaritza-ustiategiak modernizatzekoa. Lehentasunezko nekazaritza-ustiategiak eta labore-unitate minimoak. Euskal Autonomia Erkidegoko erregulazioa.
3.– Abeltzaintzako espezieen identifikazioa eta erregistro ofizialak. Identifikazio-sistemak. Legedia.
4.– 17/2008 Legea, abenduaren 23koa, Nekazaritza eta Elikagaigintza Politikari buruzkoa.
5.– 1305/2013 (EB) Erregelamendua: landa-garapenerako laguntzak. EAEko Landa Garapenerako 2015-2020ko Programa. NPE-Nekazaritza Politika Erkidearen Plan Estrategikoa (2023-2027) Edukiak eta programak.
6.– Prezio- eta merkatu-politika. Nekazaritza-produktuen merkatuen antolamendu bateratua sortzen duen 1308/2013 (EB) Erregelamendua. Prezioen, laguntzen eta esku-hartzearen araubidea. Neurri horizontalak. Landa-garapenaren orientazioa.
7.– NPE-Nekazaritza Politika Erkidearen lehenengo zutabea. Nekazaritza bermatzeko Europako funtsa (NBEUF/FEAGA) Laguntzen baldintzapena, modulazioa eta desakoplamendua. NPEren 2013ko erreforma. Oinarrizko ordainketaren erregimen berria eta beste ordainketa desaklopatu batzuk.
8.– NPE-Nekazaritza Politika Erkidearen bigarren zutabea. Landa-garapena. Aurrekariak. LGENF-Landa-garapenerako Europako nekazaritza-funtsa, nekazaritza-funts gisa, eta EIE-Europako egitura- eta inbertsio-funtsa.
9.– Nekazaritza-politika erkidea eta baldintzapena. Araudia: Abenduaren 19ko 1076/2014 Errege Dekretua eta otsailaren 16ko 20/2016 Dekretua, Euskal Autonomia Erkidegoan honako hauek garatu eta aplikatzekoa: Nekazaritza Politika Erkidearen (NPE) zuzeneko laguntzen erregimenak, Nekazaritza Lursailak Identifikatzeko Informazio Geografikoaren Sistema (SIGPAC) eta laguntzen onuradunek bete beharreko baldintzak. Euskal Autonomia Erkidegoko aplikazioa.
10.– Landa-garapenaren erronkak Euskadin. Landa-ingurunearen despopulazioa. Gazteen eta emakumeen eginkizuna. Landa-ingurunearen berrikuntza eta digitalizazioa. Erronka horiei aurre egiteko tresnak landa-garapeneko politikan.
11.– Esne gordina ekoizteko baldintza higieniko-sanitarioak eta haren trazabilitatea. Q letra. Kontrol-programa.
12.– Nekazaritza-ustiategien erregistroa. 203/2011 Dekretua, irailaren 27koa, Euskal Autonomia Erkidegoko nekazaritzako ustiategien erregistro orokorrari buruzkoa.
13.– Elikagaien kalitatea. Europako Parlamentuaren eta Kontseiluaren azaroaren 21eko 1151/2012 (EB) Erregelamendua. Kalitate bereizia: jatorri-deitura babestua (JDB), adierazpen geografiko babestua (AGB), berezitasun tradizional bermatua (BTB). Ardoen, gazten eta bestelako elikagai eta nekazaritza-produktuen erreferentzia. Erkidegoko erregistroa. Euskadiko kalitate bereiziaren karakterizazioa.
14.– Ekoizpen ekologikoa. Euskadiko ekoizpen ekologikoaren karakterizazioa, bilakaera eta garapena. Euskadiko araudia eta kontrola. ENEEK-Euskadiko Nekazaritza eta Elikadura Ekologikoaren Kontseilua. Ekoizpen integratua: ezaugarriak, araudia eta bilakaera.
15.– Eremu kalteberak. Nitratoek ura kutsatzea. Euskal Autonomia Erkidegoaren egoera.
16.– Informazio geografikoko sistemak. 1077/2014 Errege Dekretua, abenduaren 19koa, nekazaritzako lursailen informazio geografikoko sistema arautzen duena. Otsailaren 16ko 20/2016 Dekretua, Euskal Autonomia Erkidegoan honako hauek garatu eta aplikatzekoa: Nekazaritza Politika Erkidearen (NPE) zuzeneko laguntzen erregimenak, Nekazaritza Lursailak Identifikatzeko Informazio Geografikoaren Sistema (SIGPAC) eta laguntzen onuradunek bete beharreko baldintzak.
17.– Elikagaien kalitatea kontrolatzeko sistemak: Europar Batasuneko eta Euskadiko araudia. Trazabilitatea eta autokontrola. Kontsumitzaileari elikagaiez ematen zaion informazioari buruzko Europar Batasuneko legeak.
18.– Landare-osasuna Euskadin: Landare Osasunaren 43/2002 Legea, abuztuaren 24ko 739/2021 Errege Dekretua, zeinaren bidez xedapenak ematen baitira Europar Batasunak landareak izurrietatik babesteko neurriei eta arlo horretan egin beharreko kontrolei eta bestelako jarduera ofizialei buruz emandako araudia Espainian aplikatzeko. Batzorde fitosanitario nazionala. Ikuskaritza fitosanitarioko zerbitzua. Euskadiko izurrite interesgarri nagusiak.
19.– Produktu fitosanitarioen erabilera jasangarria: 2009/128/EE Zuzentaraua eta 1311/2012 Errege Dekretua. Produktu fitosanitarioen erabilera jasangarrirako ekintza-plan nazionala. Produktu fitosanitarioak nola merkaturatu eta erabiltzen diren zaintzeko programak. Osasun-defentsarako bitartekoen ekoizle eta operadoreen erregistro ofiziala.
20.– 30/2006 Legea, uztailaren 26koa, mintegiko hazi eta landareei eta baliabide fitogenetikoei buruzkoa. Mintegiko landareak eta haziak kontrolatzeko eta ziurtatzeko erregelamendu tekniko orokorra. Barietateen erregistroa.
21.– Lagun egiteko animaliak: identifikazioa eta erregistroa. Halakoak izateko arauak. Arriskutsuak izan daitezkeen animaliak. Legegintza eta eskumen-banaketa.
22.– 8/2003 Legea, Animalien Osasunari buruzkoa, eta 2016/429 (EB) Erregelamendua, animalien gaixotasun transmitigarriei buruzkoa. Gaixotasunetarako zainketa-, kontrol- eta jakinarazpen-sistemak. Animalien osasunaren arloko osasun-alerta koordinatzeko plana. Gaixotasunen aurkako kontingentzia-planak.
23.– Pentsuen higieneari, segurtasunari eta etiketei buruzko araudia. Europar Batasunean baimendu eta erregistratzeko prozedurak. Aplikatu beharreko araudia.
24.– Gizakiek jateko ez diren animalia-azpiproduktuei eta produktu eratorriei aplikatu beharreko arauak. Kategorizazioa. Bilketa eta garraioa. Destino baimenduak. Trazabilitatea.
25.– Euskal Autonomia Erkidegoko elikakatearen kontrol ofizialerako 2021-2025eko plana: antolaketa, edukiak. Agindua, 2016ko irailaren 16koa, Ekonomiaren Garapen eta Lehiakortasuneko sailburuarena, zeinaren bidez EAEko Nekazaritza Elikagaien Katearen Kontrol Ofizialerako Plana onesten baita. Ebazpena, 2021eko apirilaren 14koa, Nekazaritza eta Abeltzaintzako zuzendariarena, zeinaren bidez eguneratzen baita Euskal Autonomia Erkidegoko nekazaritzako elikagaien katearen kontrol ofizialeko plana.
26.– Abereen hautaketa. Abeltzaintzako arrazak kontserbatu, hobetu eta sustatzeko programa nazionala. Europar Batasuneko esparru zootekniko berria.
27.– Animalien babesa eta ongizatea abeltzaintzako ustiategietan eta garraioan.
28.– Ustiapen-koadernoa eta haren erabilera Euskal Autonomia Erkidegoko nekazaritza-ustiategietan.
29.– Animalien osasuna. Europar Batasunean eta Espainian, OIE-Epizootien Nazioarteko Bulegoan nahitaez adierazi beharreko gaixotasunak.
30.– 2016/2031 (EB) Erregelamendua, landare-izurriteen aurkako babes-neurriei buruzkoa. Izurrite-motak. 1054/2021 Errege Dekretua, azaroaren 30ekoa, zeinaren bidez, batetik, Landareen Operadore Profesionalen Erregistroa, pasaporte fitosanitarioak emateko baimena duten operadore profesionalek bete beharreko neurriak eta ugalketarako landare-materialaren operadore profesionalen betebeharrak ezartzen eta arautzen baitira, eta, bestetik, nekazaritzaren arloko zenbait errege-dekretu aldatzen baitira. Neurriak, operadoreen erregistroa, ziurtagiri fitosanitarioak.
