Lurzorua

Agindu honen xedea da: finkatzea nola akreditatu eta berritu otsailaren azaroaren 2ko 277/2010 Dekretuaren arabera landu beharreko autobabes-planak egiteko gaitutako teknikariak (277/2010 Dekretuaren bidez, zenbait jarduera, zentro edo establezimenduren autobabes-betebeharrak arautzen dira larrialdiei aurre egiteko; dekretu hori, berriz, 21/2019 Dekretuak aldatu zuen).

1. Autobabes-planak egiteko gaitutako teknikari akreditazioa bi modutan lortu daiteke: zuzenean, berariazko titulazioa lortu dela egiaztatuz, edota agindu honen 7. artikuluan aipatzen den azterketa gaindituz.

2. Honako hauek lortu ahal izango dute zuzeneko akreditazioa, azterketa egin beharrik gabe:

   1. Autobabes-planak edo babes zibileko planak egiteko berariazko gaitasuna edo kualifikazioa ematen duen unibertsitateko titulazio ofiziala dutenek.

      a) apartatuan jasotzen ez den unibertsitate-titulazio ofiziala duten pertsonek; betiere, titulazio horretaz gain, goi-mailako prestakuntza-ikastaro bat ere gainditzen badute, autobabeserako planak egiteko diseinatua Polizia eta Larrialdietako Euskal Akademiak babes zibilaren eta larrialdien arloko eskumena duen zuzendaritzaren aginduei jarraituz. Ikastaro hori Polizia eta Larrialdietako Euskal Akademian bertan egin ahal izango da, edo hark onartutako erakunde edo entitateetan.

   2. Larrialdien Koordinazioko eta Babes Zibileko goi-mailako titulazioa (Goi Mailako Lanbide Heziketa) duten pertsonek.

      a) apartatuan jasotzen ez den unibertsitate-titulazio ofiziala duten pertsonek; betiere, titulazio horretaz gain, Laneko Arriskuen Prebentzioko goi-mailako teknikari-titulu bat badute (Prebentzio Zerbitzuen Araudia onartzen duen urtarrilaren 17ko 39/1997 Errege Dekretuan ezarritakoaren arabera).

3. Honako hauek ere lortu ahal izango dute akreditazioa, baldin aldez aurretik horretarako aurreikusitako azterketa bat gainditzen badute agindu honetako 7. artikuluan ezarritakoari jarraituz:

   1. Agindu honen eranskinean jasotako unibertsitate-titulu ofiziala duten pertsonek.

   2. Larrialdien eta Babes Zibilaren arloko unibertsitate-titulu propioak lortu dituzten pertsonek.

1. Inork interesik badu autobabes-planak egiteko gaitutako teknikariaren akreditazioa lortzeko edo berritzeko, eskaera bat aurkeztu beharko du babes zibilaren eta larrialdien arloko eskumena duen Zuzendaritzan, Administrazio Publikoko Administrazio Prozedura Erkidea arautzen duen legerian aurreikusten diren moduetako edozeinetan.

   Akreditazioa berritzeko, eskaera bat aurkeztu beharko da indarraldia amaitu baino hilabete lehenago.

2. Eskaerarekin batera, interesdunak bere gaitasun teknikoa justifikatzen duten dokumentuak aurkeztu beharko ditu, eta, edozein kasutan, akreditazioa eskuratzeko beharrezkoa den titulazioa duela egiaztatu beharko du. Akreditazioa emateko behar den informazioa edo dokumentazioa egiazkoa izan ezean, eskaera baliogabea izango da ondorio guztietarako.

3. Akreditatzeko eta berritzeko eskaerak tramitatzeko, prozedura elektroniko bat prestatuko da Eusko Jaurlaritzako egoitza elektronikoan.

1. Eskaera jaso ondoren, egiaztatuko da ea eskatzaileak betetzen dituen agindu honetan aurreikusitako baldintzak autobabes-planak egiteko teknikari gaitu akreditazioa lortzeko edo berritzeko.

2. Eskaerak ez baditu betetzen legez ezarritako baldintzak, eskatzaileari hamar eguneko epea emango zaio akatsa zuzentzeko edo nahitaezko dokumentuak aurkezteko; gainera, jakinaraziko zaio ezen, hori egin ezean, ulertuko dela eskaerari uko egin diola, Larrialdien eta babes zibilaren arloko Zuzendaritzako titularrak ebazpena eman eta gero.

3. Era berean, eskatzaileari eskatu ahal izango zaio eskaeraren terminoak borondatez aldatzeko edo hobetzeko, edo dokumentazio gehiago aurkezteko; horretarako ere, hamar egun balioduneko epea emango zaio.

1. Babes zibilaren eta larrialdien arloko eskumena duen zuzendariari dagokio aurkeztutako eskaerei buruzko ebazpena ematea.

2. Eskaerak ebatzi eta jakinarazteko epea sei hilabetekoa izango da, eskaera eta dagokion dokumentazioa aurkeztu diren egunetik aurrera. Interesdunari eskatu bazaio dokumentazioa aurkezteko edo zuzentzeko, epe hori bertan behera geratuko da, errekerimenduaren jakinarazpena egiten denetik harik eta hartzaileak bete beharrekoa bete arte edo, hala dagokio, horretarako emandako epea agortu arte.

3. Ebazteko muga-eguna igarota ebazpena espresuki eman eta jakinarazi ezean, eskaera onartutzat joko da, administrazio-isiltasuna dela eta.

1. Agindu honen xede den akreditazioak bost urteko baliozkotasuna izango du jaulkipen-datatik aurrera. Behin epe hori igarota, iraungi egingo da.

2. Egiaztapena berritzeko, horretarako aurreikusitako azterketa bat gainditu beharko da, agindu honen 7. artikuluan ezarritakoaren arabera.

3. Berritze-eskaera ezarritako epean aurkeztu ezean, pertsonek galdu egingo dute autobabes-planak egiteko gaitutako teknikari akreditazioa, eta ezingo dute berriz eskatu urtebeteko epean.

1. Babes zibilaren eta larrialdien arloko eskumena duen zuzendaritzak azterketa-deialdiak argitaratuko ditu honako hauek egiteko:

   1. Agindu honen 2.3 artikuluan jasota dauden eskakizunak betetzen dituzten autobabes-planak egiteko gaitutako teknikariak akreditatzeko.

   2. Autobabes-planak egiteko gaituta dauden teknikari akreditazioak berritzeko.

Babes zibilaren eta larrialdien arloko zuzendaritza eskudunaren titularrak honako kasu hauetan, interesdunari entzun ondoren, ebatziko du baliorik gabe uzten duela autobabes-planak egiteko akreditazioa gaitutako teknikari akreditatu gisa emateko ebazpena:

1. Egiaztatzen denean galdu egin direla akreditazioa lortzeko edo berritzeko ebazpena eragin zuten baldintzak.

2. Interesdunak lortzen ez duenean 9. artikuluan aipatzen den etengabeko prestakuntza.

3. Akreditazioa berritzeko eskaera ez denean eskatzen epe barruan duenean.

4. Akreditazioa indarrean egon arren, titularrak berritzea eskatzen duenean baina ez duenean gainditzen azterketa.

1. Autobabes-planak egiteko akreditazioa duten teknikarien ezagutzak eguneratzeko, babes zibilaren eta larrialdien arloan eskumena duen zuzendaritzak etengabeko prestakuntzako ikastaroak antolatuko ditu. Ikastaro horiek online edo aurrez aurrekoak izan ahal izango dira.

2. Babes zibilaren eta larrialdien arloan eskumena duen zuzendaritzak zehaztuko du zer prestakuntza eduki beharko den akreditazioa mantentzeko eta akreditazioak balioa ez galtzeko.