EPE Euskadiko Administrazio Orokorra

Agindu honetan arautzen da Euskal Autonomia Erkidegoko Administrazioaren eta bere erakunde autonomoen lanpostuak zerbitzu-eginkizunen nahiz bitarteko langileen bitartez betetzeko prozedura.

1. ¿ Autonomia Erkidegoko sail eta erakunde autonomo bakoitzaren eskumena da berei atxikita daudenetako lanpostuetatik hutsik daudenak aldi baterako betetzea komeni den ala ez erabakitzea.

2. ¿ Aldi baterako Lanpostu-betetze hori derrigorrez egin behar da Agindu honek arautzen duen deialdiaren bitartez honako baldintza hauek batera azaltzen badira:

   1. Dagokion lanpostua urtebete baino gehiago bete gabe egongo dela aurreikustea.

   2. Lanpostuek duten lan-izendapenarekiko osagarria hauetako bat izatea:

      1. ¿ A taldekoentzat 24. maila edo goragokoa.

      2. ¿ B taldekoentzat 21. maila edo goragokoa.

      3. ¿ C taldekoentzat 18. maila edo goragokoa.

      4. ¿ D taldekoentzat 16. maila edo goragokoa.

      5. ¿ E taldekoentzat 13. maila edo goragokoa.

      6. ¿ Lehenago aipatutakoen hurrengo beheragoko maila duten lanpostuak Bizkaian edo Gipuzkoan kokatuta baldin badaude.

3. ¿ Lanpostua atxikita duen Sailaren erabakiaren bitartez, bai Agindu honetan araututako prozeduraren arabera, bai Euskal Autonomia Erkidegoko Administrazio Orokorrean eta bere erakunde autonomoetan aldi baterako lanean jardun ahal izateko Jaurlaritzaren Kontseiluak ezarritako irizpideei jarraiki langileak aukeratuz, honako hauek bete ahal izango dira:

   2. b) idatz-zatian jasotako mailetako lanpostuak, betiere bete gabe sei hilabete baino gehiago eta urtebete baino gutxiago egongo direla aurreikusten bada.

   1. Aurreko puntuan aipatutakoen beheragoko mailetako lanpostuak betiere lanpostu horiek 6 hilabete baino gehiago hutsik egotea aurreikusten bada.

4. ¿ Salbuespen gisa, Funtzio Publikoaren Zuzendaritzak, zerbitzuaren jarduera egokiari zenbait gertaerak eragiten diola kontuan harturik eta arrazoituz, honako hau baimen dezake:

   1. Hutsik dauden lanpostuak betetzeko zerbitzu-eginkizunetako deialdia baimentzea sei hilabetekoa baino motzagoa den epe batez.

      2. idatz-zatian aipatutako baldintzak jasotzen dituzten lanpostuak betetzea, Euskal Autonomia Erkidegoko Administrazio Orokorrean eta bere erakunde autonomoetan aldi baterako lanean jarduteko Jaurlaritzaren Kontseiluak ezarritako irizpideen arabera langileak hautatuz.

      Ahalmen honetaz baliaturik emandako baimenak eta horien zioak langileen ordezkariei jakinaraziko zaizkie.

Prozedura honen bitartez hautatukoek hutsik uzten dituzten lanpostuak aldi baterako beteko dira Agindu honetan araututako deialdiaren bidez eta bertan ezarritako irizpideei jarraituz.

2. artikuluaren ondorioei dagokienez, bete gabeko lanpostuaren iraupena erabakiko da honako gertaerak kontuan hartuta eta bete gabe egotearen zioen arabera:

   1. Lanpostu hutsak betetzea: dagokion deialdiaz hautatzeko prozeduraren bat baldin badago, sartze berriko karrerako funtzionarioek lanpostuaz jabetzeko aurreikusten den dataren arabera.

   2. Titularraren zerbitzu-eginkizunak: Zerbitzu-eginkizunak ekarri dituen ziorako aurreikusten den iraupena.

   3. Ezintasun iragankorra: Txosten medikuaren pronostikoaren arabera.

   4. Lizentziak eta baimenak: baimendutako aldiaren arabera.

   5. Zerbitzu bereziak: ordezkatu behar den funtzionarioaren izendapenean edo mandatuan aurreikusten den iraupenaren parekoa.

   6. Senitartekoak zaintzeko eszedentziak: Ordezkatu beharreko funtzionarioak eskatutakoaren arabera.

Lanpostuak zerbitzu-eginkizunen nahiz bitarteko funtzionarioen bidez betetzeko deialdietan esku har dezakete honako hauek:

1. Karrerako funtzionarioek, deituriko lanpostuaren eskakizun guztiak betetzen badituzte.

2. Jaurlaritzaren Kontseiluen akordioei jarraituz aldi baterako lanean diharduten langileek, eta karrerako funtzionarioek, talde bereko beste kidego batekoek nahiz hurrengo beheragoko taldekoek, betiere lanpostuaren Kidegoan sartzeko eskatzen den titulazioa eta bertan jarduteko gainontzeko eskakizunak baldin badauzkate.

   Ezin da aipatutako b) idatz-zatian ezarritakoari jarraituz parte hartzen duen inor aukeratu, aldi berean lanpostua betetzeko eskakizunak betetzen dituen a) idatz-zatiko hautagairik baldin badago.

Karrerako funtzionarioek zerbitzu-eginkizunetako deialdietan parte har dezakete honako baldintzak betetzen badituzte:

1. Jarduneko zerbitzuan egotea.

2. Deituriko lanposturako eskabideak aurkezteko epea amaitzen deneko eguna baino urtebete lehenago zerbitzu-eginkizunetan izendatua ez izana.

   Karrerako funtzionarioa betetzen ari den edo bete duen lanpostua desagertu bada, epemuga hori ez da aplikatu behar.

3. Talde bereko beste kidego batekoa edo hurrengo beheragoko taldekoa baldin bada lanpostuaren Kidegoan sartzeko titulazioa eduki beharko du.

Aldi baterako lanpostuak betetzeko deialdian esku har dezake bitarteko funtzionario bezala lanean diharduten langileek, kasuan kasuko eta indarrean dagoen araudiaren arabera hautatuak izan direnek, eskaerak aurkezteko epe barruan honako baldintzak betetzen badituzte:

1. Gaur egun betetzen ari den lanpostuaren jabetza hartu zuenetik eta deituriko lanposturako eskabideak aurkezteko epea amaitzen deneko eguneraino gutxienez urtebete igaro bada.

2. Deituriko lanpostuak zabalik duen Kidegoan funtzionario lanean jardunean badago.

   Deialdian parte hartzeko eskaerak berez dakar, baldin eta hautatua bada, eskatzaileak Administrazioarekin zuen harreman juridikoari uko egitea. Dena den, bere eskabideari dagokionez, beti eskubidea izango du atzera egiteko.

Zerbitzu-eginkizunetako deialdia hutsik geratuko balitz, lanpostua atxikita duen Sailak aukera bikoitza du: alde batetik, aldi baterako bete dezake lanpostua bitarteko funtzionario bat izendatuz; eta bestetik, zerbitzu-eginkizunetako deialdia atera dezake, betiere hiru hilabete igaro bada deialdia hutsik geratu zela ebatzi eta biharamunetik kontatzen hasita.

Agindu honetan ezarritako jarraibideak, oro har zerbitzu-eginkizunetan aplikagarria izango dira lanpostu bati berariaz atxiki ez zaizkion betebehar bereziak egiteko.

Agindu honetan ezarritako jarraibideak ez dira aplikatu behar osasun arazoen ondorioz atxiki zaion lanpostu batean funtzionario batek,aldi baterako baldin badihardu, izan ere aldi baterako lanpostu betetze hori egingo da hartarako ezarritako jarraibideen arabera.

Ebaluatzeko batzorde batek baloratuko ditu merituak. Hartarako deialdia egin duen Saileko edo Erakundeko Zerbitzu Zuzendariak izendatuko du aipatutako ebaluatzeko batzordea, eta horren kideak honako hauek izango dira:

Burua: Lanpostua atxikia duen zuzendaritzaren ordezkari bat.

Kidea: Funtzio Publikoaren Sailburuordetzak izendatutako ordezkari bat.

Idazkaria: Deialdia egin duen Sail edo Erakundean langileen gaietan eskumena duen Zuzendaritzaren ordezkari bat. Idazkariak jardungo du hitza eta botoa dituela.

Prozedurari hasiera emateko akordioa hartu ondoren, Sailak ebaluatzeko batzordeari dei egingo dio, eta honek, deitutako lanpostua aztertu eta gero, baloratu behar diren jakintza-arloak zehaztu eta lanposturako eskakizunak ezarriko ditu. Halaber, hautagaiek gainditu beharreko probak edo egitasmoak, zer-nolako ezaugarri eduki beharko duen erabakiko du, hala dagokionean.

12. artikuluan xedatutakoaz gain, deialdiaren iragarkian honako hauek sartuko dira: ebaluatzeko batzordeko kideen izen-izendapena; jakintza-arloak; lanpostuan jarduteko xedea eta egitekoak eta, hala badagokio, proba edo egitasmoaren ezaugarriak, edukia eta baloratzeko irizpideak adierazi behar direlarik. Halaber, aipatu beharko da elkarrizketarako aurreikusitako eguna.

Berez jokabide-elkarrizketa egituratua eskatzen duten lanpostuen deialdietan, hautagaiei jakinaraziko zaie zein ordutan egingo den proba hori.

Berez egitasmo bat aurkezteko eskatzen duten deialdietan zehaztuko da aurkezpenaren epea zein den, eta hala badagokio, Baloratzeko Batzordearen aurrean egitasmo hori defenditzeko aurreikusten den eguna. Batzordeak proba bat egitea erabaki badu deialdian ezarriko da eguna.

Egin beharreko elkarrizketan, proban edo egitasmoan baloratuko dira lanpostuan egoki jarduteko behar diren gaitasunak. Egindako elkarrizketa eta probak ezarritako baremoaren arabera balioetsiko dira.

Deialdian bitarteko funtzionariorik aurkezten ez bada, edo aurkeztu badira ere ipinitako elkarrizketa edo froga gainditzen ez badute, batzordeak bere hautaketa egin beharko du, kapitulu honetan ezarritako prozedurari jarraituz, baldintzak betetzen dituzten lan-poltsetako hautagaien artean.

Ezarritako baremoaren arabera balorazio-aldia amaitu ondoren ebaluatzeko batzordeak elkarrizketan, edo hartarako izandako proban eskatzen zen %50eko puntuazioa lortu dutenen artean hautagai bat proposatuko dio organo deitzaileari.

Berdinketarik bada, lehenbizi merituetan lortutako puntuazioari begiratuko zaio, agindu hau garatzeko instrukzioan adierazitako hurrenkeraren arabera.

Eskakizunak edota gutxienezko puntuazioa betetzen dituzten eskatzailerik ez baldin badago, ebaluatzeko batzordeak deialdia bete gabetzat jotzea proposatuko du.

2 artikuluak aipatzen duen uko egiteak ez du ondoriorik ekarriko bitarteko funtzionarioa dagokion lan-poltsan irauteari dagokionez.

2 artikuluan jasotakoa betetzen bada, bitarteko funtzionarioa berriz ere sartuko da, dagokion lekuan, aldi baterako lan-poltsetan.