Kultura Ondarea

Liburutegi Zerbitzua

Kultura eta Hizkuntza Politika Saila

Arautegia

Inprimatu

102/1997 DEKRETUA, 1997ko maiatzaren 6koa, Euskal Autonomi Elkartearen barruko uretan kirol arrantza egiteko araudia onartzen duen Dekretuaren, Euskal Herrian itsaski bilketa egiteko arauak jartzen dituen Dekretuaren, eta itsaski biltzaileen erroldan sartzeko eskakizunak araupetzen dituen Dekretuaren zenbait atal aldatu, eta itsaski espezieen debekualdi eta gutxienezko neurrien koadro orokorra ezartzen duena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Industria, Nekazaritza eta Arrantza
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 94
  • Hurrenkera-zk.: 2594
  • Xedapen-zk.: 102
  • Xedapen-data: 1997/05/06
  • Argitaratze-data: 1997/05/20

Gaikako eremua

  • Gaia: Administrazioaren antolamendua; Ingurune naturala eta etxebizitza
  • Azpigaia: Gobernua eta Administrazio Publikoa; Nekazaritza eta arrantza
Deskribapenak

Testu legala

Euskal Autonomi Elkartearen barruko uretan kirol arrantza egiteko araudia onartzen duen apirilaren 2ko 96/1985 Dekretuaren 4. atalean ezartzen denez, «kirol arrantza egiterakoan, arrantzu-zaleek itsaski motatakoak izan eta itsaski biltzaile agiria behar izan dezaten ez maskordun eta ez oskoldun arrainik ere ezin dezakete harrapatu». Dekretuaren II. eranskinean argitaratzen da zeintzuk diren kirol arrantzarako debekaturik dauden itsaski espezieak.

Bestetik, Euskal Herrian itsaski bilketa egiteko arauak jartzen dituen uztailaren 1eko 171/1986 Dekretuaren 25. atalean ezartzen da ezen Nekazaritza eta Arrantza Sailak emango dituela Euskal Herrian biltzen diren itsaski espezieen debeku eta gutxienezko neurriei buruzko arauak, bidezkotzat hartzen duen aholkularitza zientifiko eta teknikoa jaso ondoren. Debeku eta gutxienezko neurriei buruzko arau berririk eman arte, indarrean iraungo dute 1970eko martxoaren 25eko Aginduaren eranskinean argitaratutako koadro orokorrean adierazitakoek.

Itsaski biltzaileen erroldan sartzeko eskakizunak araupetzen dituen apirilaren 12ko 122/1988 Dekretuaren 5. atalean xedatzen denez, «alderantzizko manurik ez badago, 500 gramutik beherako itsaski-kopuruak biltzeko ez da beharrezkoa izango itsaski-biltzaileen erroldan egotea egiaztatzea, beti ere amuzki edo arrainketa nagusiaren osagarri gisa erabiltzeko biltzen baldin badira eta gebenaldi eta gutxienezko neurriei buruzko legezko arauak betetzen».

Halaber, 6. atalaren lehenengo idazatian ezartzen da ezen administrazio-urratzea dela errolda egokian sartuta egon gabe itaskiak biltzea, salbu eta itsaskien pisua 500 gr-tik beherakoa denean eta beste arrantza nagusi baterako osagarri gisa erabili behar direnean itsaskiok, eta debekualdi eta gutxienezko neurriei buruz legez ezarritako arauak errespetatzen direnean, espezie bakoitzerako kontrakorik esaten duen xedapenik ez badago.

Baliteke itsaski-biltzeari buruzko arauen aniztasun horrek arau horien okerreko interpretazioa eragin izana behin baino gehiagotan. Izan ere, antzeman ahal izan da bildu diren itsaskiak, beste arrantza nagusi baterako osagarri gisa barik, giza kontsumorako erabili direla zenbaitetan, erabilera horrek izan ditzakeen osasun arriskuekin, uren kalitate mikrobilogikoa behar baino eskasagoa izan baita momentu batzuetan.

Horrez gain, bilketa horiek bereziki ugariak izan dira itsaski espezie batzuen kasuan, eta erabili diren metodo desegokiek kalteak edo aldaketak eragin dituzte larbak kokatzen diren substratuan eta itsaski gazteen hazkundean. Hori guztia dela eta, beharrezkoa da arauak aldatzea, berezko itsaski mordoak behar bezala kudeatzeko, eta espezieen artapenean eta itsas ekosisteman kalte gehiago ez eragiteko.

Halaber, eta kontutan hartuta itsaski biltzaileen erroldan sartzeko eskakizunak araupetzen dituen apirilaren 12ko 122/1988 Dekretuaren azken xedapenetariko lehenengoan ezartzen dela ezen Nekazaritza eta Arrantza Sailak onartuko dituela beste autonomi elkarte batzuek beren eskumenak erabiliz emandako baimenak itsaskiak biltzeko, funtsezkotzat hartu da, kontrolari dagokionez, Industri, Nekazaritza eta Arrantza Sailak baimena eman dezan aipaturiko jarduera horretarako.

Azkenez, beharrezkoa da dekretu honen bidez arautzea debekualdi eta gutxienezko neurrien koadro orokorra, baita kirol arrantzaleentzat debekaturik dauden espezieak ere. Neurriak hartzeko, dekretu honen III. eranskinean ezarritakoaren arabera jokatuko da, 3094/1986 (EEE) Arautegiaren 5. atalaren bigarren idazatian ezarritakoaren ondorioz.

Azaldutako guztiaren ondorioz, Industri, Nekazaritza eta Arrantza sailburuaren proposamenez, Jaurlaritzaren Kontseiluak 1997ko maiatzaren 6an egindako bilkuran aztertu ondoren, hauxe

XEDATU DUT :
I. ATALBURUA
APIRILAREN 12KO 122/1988 DEKRETUAREN
ALDAKETA

Lehenengo atala.– Itsaski biltzaileen erroldan sartzeko eskakizunak araupetzen dituen apirilaren 12ko 122/1988 Dekretuaren 5. atala, aurrerantzean, honela geratuko da idatzirik:

«Kontrakorik xedatzen ez den artean, ez da beharrezkoa izango itsaski biltzaileen erroldako inskripzioa akreditatzea baimendutako itaski espezieak biltzeko, beti ere beste arrantza nagusi baterako beita edo osagarri izateko biltzen direnean, dekretu honen II. eranskinean baimendutako kopuruak gainditzen ez direnean, eta baimendutako kopuruei eta legez ezarritako debekualdi eta gutxienezko neurriei buruzko arauak errepetatzen direnean.»

Bigarren atala.– Itsaski biltzaileen erroldan sartzeko eskakizunak araupetzen dituen apirilaren 12ko 122/1988 Dekretuaren lehenengo puntua, aurrerantzean, honela geratuko da idatzirik:

«Administrazio urratzetzat hartuko da itsaskiak biltzea errolda egokian inskribatuta egon gabe; administrazio urratzetzat hartuko da, era berean, itsaskiak biltzea baldin eta debekualdiei eta baimendutako gutxienezko neurriei buruzko arauak urratzen badira, edo debekatutako toki eta aldeak errespetatzen ez badira, edo baimenduta ez dagoen tresnarik erabiltzen bada.»

Hirugarren atala.– Itsaski biltzaileen erroldan sartzeko eskakizunak araupetzen dituen apirilaren 12ko 122/1988 Dekretuaren azken xedapenetariko lehenengoa, aurrerantzean, honela geratuko da idatzirik:

«Onartu egingo dira beste autonomi elkarte batzuek beren eskumenak erabiliz emandako baimenak itsaskiak biltzeko. Baimen horiek onartzeko, baina, beharrezkoa izango da Industri, Nekazaritza eta Arrantza Sailaren berariazko baimena. Baimen hori idatziz eskatuko da, eta bera eman arte ezin izango da aipaturiko jardunean aritu.»

II. ATALBURUA
DEBEKUALDI ETA GUTXIENEZKO NEURRIEN
KOADRO OROKORRA

Laugarren atala.– Debekualdi eta gutxienezko neurrien koadro orokorra dekretu honen I. eranskinean argitaratzen dena da.

Neurriak hartzeko, dekretu honen III. eranskinean ezarritakoaren arabera jokatuko da.

Bosgarren atala.– II. eranskineko espezieen koadroan argitaratzea zeintzuk diren kirol arrantzaleentzat debekaturik dauden espezieak, eta zeintzuk bil ditzaketen beste arrantza nagusi baterako osagarri izateko.

XEDAPEN INDARGABETZAILEAK
Lehenengoa. Indargabeturik geratzen da Euskal Herrian itsaski bilketa egiteko arauak jartzen dituen 171/1986 Dekretuaren 25. atala.
Bigarrena. Indargabeturik geratzen dira Euskal Autonomi Elkartearen barruko uretan kirol arrantza egiteko araudia onartzen duen apirilaren 2ko 96/1985 Dekretuaren 4. atalaren bigarren puntua eta I. eranskina.
Hirugarrena. Indargabeturik geratzen dira, halaber, maila bereko edo beheragokoak izanik, dekretu honetan ezarritakoaren aurka egon daitezkeen gainerako arau guztiak.
AZKEN XEDAPENAK
Lehenengoa. Ahalmena ematen zaio Industri, Nekazaritza eta Arrantza sailburuari debekualdi eta gutxienezko neurrien koadro orokorra aldatzeko, kirol arrantzaleei debekatutako espezieen kopurua handitu edo txikitzeko, eta bilketarako garai, era eta tokiak finkatzeko txosten eta irizpen teknikoen arabera, baita dekretu hau garatzeko beharrezkoak diren xedapen eta arau guztiak emateko ere.
Bigarrena. Euskal Herriko Agintaritzaren Aldizkarian argitaratu eta biharamunean jarriko da indarrean dekretu hau.

Vitoria-Gasteizen, 1997ko maiatzaren 6an.

Lehendakaria,

JOSÉ ANTONIO ARDANZA GARRO.

Industri, Nekazaritza eta Arrantza sailburua,

JAVIER RETEGUI AYASTUY.

I. ERANSKINA DEBEKUALDI ETA GUTXIENEZKO NEURRIEN KOADRO OROKORRA IZENA DEBEKUALDIA GUTXIENEZKO NEURRIAK MOLUSKUAK

txirla lingirdatsua (Venerupis pullastra) martxoak 1 - urriak 1 38 mm

txirla handia (Tapes decussatus) martxoak 1 - urriak 1 40 mm

berberetxo arrunta (Cerastoderma edule) martxoak 1 - urriak 1 30 mm

txirla txikia (Chamelea gallina) martxoak 1 - urriak 1 30 mm

txirla garatxoduna (Venus verrucosa) martxoak 1 - urriak 1 60 mm

muskuilua (Mytilus edulis) urtarrilak 1 - uztailak 1 50 mm

datila (Solen sp. eta Ensis sp.) maiatzak 1 - urriak 1 80 mm

ostratzarra (Crassostrea sp.) maiatzak 1 - urriak 1 60 mm

ostra (Ostrea edulis) maiatzak 1 - urriak 1 60 mm

karrakela arrunta (Littorina litorea) ez dago debekualdirik 15 mm

Trunculariopsis trunculus espeziea ez dago debekualdirik 80 mm

(Trunculariopsis trunculus)

lapa (Patella sp.) ez dago debekualdirik 20 mm

txibia (Loligo vulgaris) ez dago debekualdirik 60 mm

txokoa (Sepia officinalis) ez dago debekualdirik 80 mm

Sepia elegans eta Sepia orbignyana txokoak ez dago debekualdirik 40 mm

(Sepia elegans eta Sepia orbignyana)

olagarro arrunta ( Octopus vulgaris) ez dago debekualdirik 750 gr

olagarro zuria (Eledone cirrosa) ez dago debekualdirik 750 gr

POLIKETOAK

*nereis kolore anitz itsas zizarea (Nereis diversicolor) ez dago debekualdirik 50 mm

*arenicola marina itsas zizarea (Arenicola marina) ez dago debekualdirik 100 mm

*diopatra neapolitana itsas zizarea (Diopatra neapolitana) ez dago debekualdirik 100 mm

*serpula vermicularis itsas zizarea (Serpula vermicularis) ez dago debekualdirik 50 mm

OSKOLDUNAK

abakandoa (Hommarus gammarus) irailak 1 - ekainak 1 200 mm

buia (Cancer pagurus) uztailak 1 - azaroak 1 100 mm

karramarro beltza (Pachygrapsus marmoratus) ez dago debekualdirik 40 mm

karramarro berdea (Carcinus maenas) maiatzak 1 - urriak 1 40 mm

txangarra (Eriphia verrucosa) maiatzak 1 - urriak 1 40 mm

izkiratzarra (Plesiopenaeus edwardsianus) ez dago debekualdirik 60 mm

txangurroa (Maia squinado) uztailak 1 - urtarrilak 1 120 mm

zigala (Nephrops norvegicus) ez dago debekualdirik 70 mm (zef.: 20 mm)

Talasinidoak (Thalassinidea) ez dago debekualdirik 15 mm

otarraina (Palinurus vulgaris) irailak 1 - ekainak 1 200 mm

otarrainxka (Penaeus sp.) ez dago debekualdirik 80 mm

txamarra (Necora puber) maiatzak 1 - urriak 1 50 mm

lanperna (Pollicipes cornucopia) maiatzak 1 - urriak 1 40 mm

izkira (Palaemon sp. eta Crangon crangon) ez dago debekualdirik 30 mm

santio txikia (Scyllarus arctus) abuztuak 1-martxoak 31 120 mm

EKINODERMATUAK

itsas triku arrunta (Paracentrotus lividus) ez dago debekualdirik 40 mm

sphaerochinus granularis itsas trikua ez dago debekualdirik 50 mm

(Spahrechinus granularis)

II. ERANSKINA

DEBEKATUTAKO ESPEZIEAK.– Debekatuta dago kirol arrantzaleentzat ondoko espezie hauek biltzea:

I. TAULA

a) MOLUSKUAK

  • txirla lingirdatsua (Venerupis pullastra)

  • txirla handia (Tapes decussatus)

  • berberetxo arrunta (Cerastoderma edule)

  • txirla txikia (Chamelea gallina)

  • txirla garatxoduna (Venus verrucosa)

  • Trunculariopsis trunculus espeziea (Trunculariopsis trunculus)

  • olagarro arrunta (Octopus vulgaris)

  • olagarro zuria (Eledone cirrosa)

    II. TAULA

    b) OSKOLDUNAK

  • abakandoa (Hommarus gammarus)

  • buia (Cancer pagurus)

  • izkiratzarra (Plesiopenaeus edwardsianus)

  • txangurroa (Maia squinado)

  • zigala (Nephrops norvegicus)

  • talasinidoak (Thalassinidea)

  • otarraina (Palinurus vulgaris)

  • otarrainxka (Penaeus sp.)

  • txamarra (Necora puber)

  • santio txikia (Scyllarus arctus)

    c) EKINODERMATUAK

  • itsas triku arrunta (Paracentrotus lividus)

  • sphaerochinus granularis itsas trikua (Spaherohinus granularis)

  • Kontrakorik xedatu ezik, hau da gehienez bil daitekeena arrantza baimen bakoitzeko eta egun bakoitzeko: 40 zizare (poliketoak), 40 karramarro beltz (pachygrapsus marmoratus), 200 gr izkira (palaemon sp. eta crangon crangon), eta, II. eranskin honetako I eta II. tauletan jasotako espezie batetik edo batzuetatik, 500 gr gehienez, beste arrantza nagusi baterako beita edo osagarri izateko biltzen badira, eta kasuan kasuko debekualdi eta gutxienezko neurriak errespetatzen badira.

III. ERANSKINA / ANEXO III

NEURTZEKO MODUA.– Neurriak honela hartuko dira:

FORMA DE MEDIR.– La medición de las tallas se efectuará de la siguiente manera:

1.– OSKOLDUN BRANKIURUAK.

1.– CRUSTÁCEOS BRACHYUROS.

ORBITARTEKO GUNETIK

OSKOLAREN ATZEALDEKO

ERTZERAINO

DESDE EL ESPACIO

INTERORBITAL HASTA

EL BORDE POSTERIOR DEL

CAPARAZÓN

2.– OSKOLDUN MAKRURUAK.

2.– CRUSTÁCEOS MACRUROS.

ABAKANDOA, OTARRAINA, SANTIO TXIKIA, IZKIRA ETA ZIGALA
BOGAVANTE, LANGOSTA, SANTIAGUIN, QUISQUILLA Y CIGALA

3.– OSKOLDUN ZIRRIPEDIOAK.

3.– CRUSTACEOS CIRRIPEDOS.

MUTUR BATETIK BESTERA NEURRI HORI LORTU BEHAR DUTE, GUTXIENEZ, MULTZO BAKOITZAREN PISUAREN %60 OSATZEN DUTEN ALEEK

EN SU MAYOR DIMENSION ESA TALLA DEBERÁN ALCANZARLA AL MENOS LOS EJEMPLARES QUE SUPONGAN EL 60% EN PESO DE CADA PIÑA

4.– MOLUSKUAK.

4.– MOLUSCOS.

TXIRLA MUSKUILUA OSTRA

BERBERETXOA OSTRATZARRA

TXIRLA TXIKIA

ALMEJA MEJILLON OSTRA

BERBERECHO OSTION

CHIRLA

KARRAKELA DATIL OKERRA LAPA (PATELLA SPP)

(DATILA)

BIGARO MUERGO LAPA (PATELLA SPP)

(NAVAJA)

TXIBIA

CALAMAR

5.– EKINODERMATUAK.-

5.– EQUINODERMOS.-

ITSAS TRIKUA
ERIZO DE MAR
ARRAINEN GUTXIENEZKO NEURRIA
TALLA MÍNIMA DE PECES

Gaiarekin lotutako edukiak


Arauaren historia (5)

Arauaren historia →

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.