Nork eska dezake botoa emateko aukera atzerritik?
a. Atzerrian bizi den eta Espainiako egoiliarren hautesle-erroldan erregistraturik ageri den hautesle orok. b. Atzerrian aldi baterako bizi den eta Espainiako egoiliarren hautesle-erroldan erregistraturik ageri den hautesle orok. c. Atzerrian modu iraunkorrean bizi den eta atzerrian diren egoiliarren hautesle-erroldan (CERA) erregistraturik ageri den hautesle orok. Atzerrian modu iraunkorrean bizi naiz eta CERAn erregistraturik nago, botoa eskatu behar al dut bozkatzeko dokumentazioa bizilekura bidal diezadaten?
a. Hauteskundeak deitu ondoko egunetik, Hautesle Erroldaren Bulegoaren Probintziako Ordezkaritzak boto hori eskatzeko inprimakia bidaliko du zure bizilekura. Inprimaki hori eskuragarri izango duzu Espainiako kontsuletxeetan edo enbaxadetan ere, edo bide telematikoz www.maec.es edo www.elecciones.eus webguneetan. b. Hautesle Erroldaren Bulegoaren Probintziako Ordezkariak zure bizilekura bidaliko du bozkatu ahal izateko dokumentazio guztia, aldez aurretik eskatzeko beharrik gabe. c. Hautesle Erroldaren Bulegoaren Probintziako Ordezkariak zure bizilekura bidaliko du bozkatu ahal izateko dokumentazio guztia, aldez aurretik eskatzeko beharrik gabe. Jasotzen ez baduzu baino ez duzu eskatu beharko. Hautesleak zer epe eta modu ditu eskabide-inprimakia behar bezala beteta eta Legeak eskatutako dokumentazioarekin batera Hautesle Erroldaren Bulegoaren Probintziako Ordezkaritzari bidaltzeko?
a. Posta elektronikoz baino ezin du bidali, deialdiaren osteko hogeigarren eguna baino lehenago. b. Postaz baino ezin du bidali, deialdiaren osteko hamargarren eguna baino lehenago. c. Postaz edo faxez bidal dezake, deialdiaren osteko hogeita seigarren eguna baino lehenago (irailaren 24a baino lehenago). Hautesle Erroldaren Bulegoaren Probintziako Ordezkaritzak eskabidea jasotakoan, noiz bidaliko dit bozkatu ahal izateko dokumentazioa? Eta nora?
a. Dokumentazioa deialdiaren osteko hogeita hamargarren eguna baino lehenago bidaliko dit, erroldan ageri den helbidera. b. Dokumentazioa deialdiaren osteko hogeita hamabosgarren eguna baino lehenago bidaliko dit (urriaren 2a baino lehenago), eta erroldan ageri den bizilekura igorriko du, edo beste bizileku batera, erroldan ageri den bizilekua aldatu dela egiaztatzen bada. c. Dokumentazioa deialdiaren osteko hogeigarren eguna baino lehenago bidaliko dit, hautesleak adierazten duen helbidera. Botoa postaz ematea aukeratzen duen hautesleak, nora bidaliko du botoa eta zer epe du horretarako?
a. Posta ziurtatuz bidaliko dio Lurralde Historikoko Hauteskunde Batzordeari, bertan zenbatzeko. Horretarako hauteskundeak baino hiru egun lehenago arteko epea izango du. b. b. Posta ziurtatuz igorriko dio Espainiako Atzerri Arazoetako eta Lankidetzako Ministerioari. Horretarako hauteskundeak baino bi egun lehenago arteko epea izango du. c. Postaz bidaliko du hauteslea inskribaturik dagoen kontsuletxera. Horretarako hauteskundeak baino lau egun lehenago arteko epea izango du. Botoa kontsuletxeko edo enbaxadako hautestontzian sartzea aukeratzen duen hautesleak, zer epe du horretarako? Eta zer baldintza daude?
a. Botoa aldez aurretik eman ahal izango du hauteskundeak baino lau eta bi egun lehenago bitartean, biak barne. Horretarako, hautesleak nortasuna egiaztatu beharko du kontsuletxeko funtzionarioaren aurrean (honako hauek aurkeztuta: NANa, pasaportea edo, herritartasunaren edo matrikula-erregistroko inskripzioaren ziurtagiria, bizi den herrialdeko Espainiako kontsuletxeak eginda); horrez gain, atzerrian diren egoiliarren erroldako inskripzio-ziurtagiriren bat ere aurkeztu beharko du. b. Botoa hauteskunde-egunean bertan eman ahal izango du. Horretarako, hautesleak nortasuna egiaztatu beharko du kontsuletxeko funtzionarioaren aurrean (honako hauek aurkeztuta: NANa, pasaportea edo, herritartasunaren edo matrikula-erregistroko inskripzioaren ziurtagiria, bizi den herrialdeko Espainiako kontsuletxeak eginda). c. Aldez aurretik bozkatu ahal izango du hauteskundeak baino bi egun lehenago. Horretarako, hautesleak nortasuna egiaztatu beharko du kontsuletxeko funtzionarioaren aurrean (honako hauek aurkeztuta: NANa, pasaportea edo, herritartasunaren edo matrikula-erregistroko inskripzioaren ziurtagiria, bizi den herrialdeko Espainiako kontsuletxeak eginda). Kontsuletxeek zer neurri hartuko dituzte hautestontzian sartutako botoak bozketa-egunetan zainduta daudela bermatzeko?
a. Neurririk ez, botoak hautestontzian sartu ondoren kontsuletxea hurrengo eguna arte ixten baita. b. Kontsuletxeetako arduradunek finkatu behar dituzte hautestontzia behar bezala zaintzeko neurriak; besteak beste, hautestontzia zigilatu egingo dute bozketa-eguna amaitutakoan. Gainera, bozkatzea erraztearren, kontsuletxeko funtzionarioek hautestontzian sartutako gutun-azal bakoitzean kontsuletxeko zigilua jarriko dute, data ere azalduta. c. Kontsuletxeak segurtasun-zaindariak kontratatuko ditu bozkatzeko egunetan hautestontzia zaintzeko. Kontsuletxeko hautestontzian botoa sartzeko epea bukatutakoan, nora bidaltzen dira boto horiek? Eta nola?
a. Sartutako boto guztiekin batera hautestontzia zigilatu egiten da, eta kontsuletxeak gogoeta-egunean Lurralde Historikoko Hauteskunde Batzordera bidaliko du, botoak bertan zenbatzeko. b. Kontsuletxeko hautestontzian sartutako gutun-azalak posta ziurtatuz bidaliko zaizkio Atzerri Arazoetako eta Lankidetzako Ministerioari, bertatik Hauteskunde Batzorde Zentralera bidaltzeko, eta azken honetan zenbatu ditzaten. c. Kontsuletxeko hautestontzian sartutako gutun-azalak, baita postaz kontsuletxeko funtzionarioek egindako aktarekin batera bidalitakoak ere, hauteskunde-bidalketa bidez igortzen zaizkio Atzerri Arazoetako eta Lankidetzako Ministerioan hartarako eratutako bulegoari, eta honek, bestalde, urgentziaz bidaliko dizkio Lurralde Historikoko Hauteskunde Batzordeari, zenbatu ditzaten. CERAn ageri diren hautesleek kontsuletxera beharrean Lurralde Historikoko Hauteskunde Batzordeetara zuzenean postaz igorritako botoa baliozkoa al da?
a. Bai, baldin eta posta ziurtatuz bidaltzen bada; gainera, gutun-azalean argi eta garbi egon behar da zigilu-marka edo bestelako posta-inskripzio bat, hauteskundeak baino lau egun aurretik bidali dutela ziurtatzen duena. b. Ez, ez baitu betetzen hauteskunde-legean finkatutako prozedura; horren arabera, atzerritik posta bidezko botoa ematea aukeratuz gero, boto hori inskribatutako kontsuletxera bidali behar da (Konstituzio Auzitegiaren 105/2012 Epaia, maiatzaren 12koa, Oinarri Juridikoak 12, 13 eta 14). c. Bai, betiere Hauteskunde Batzordera postaz zuzenean zergatik bidali den behar bezala justifikatzen bada, eta denboraren baldintza betetzen bada. CERAn ageri diren hautesleek Espainiatik Lurralde Historikoko Hauteskunde Batzordeetara postaz igorritako botoa baliozkoa al da?
a. Bai, baldin eta, Espainiatik postaz bidaltzean, posta bidezko boto-eskabidean CERAn erregistraturiko hauteslea dela adierazten bada, Hautesle Erroldaren Bulegoaren Probintziako Ordezkaritzak atzerrira igorritako inskripzio-ziurtagiria ezeztatu dezan, bi aldiz bozkatzea saihestearren. b. Ez, atzerritik bakarrik bozka baitezake, eta ez Espainiatik. c. Ez, Espainiatik bozkatzeko aukera ematen bada bi aldiz bozkatzea gerta baitaiteke; hots, atzerritik bidalitakoa eta Espainiatik jasotakoa. Espainiako enbaxadarik edo kontsuletxerik ez dagoen herrialde atzerritar batean bizi diren hautesleek nora bidali behar dute posta bidezko botoa?
a. Madrilgo Atzerri Arazoetako eta Lankidetzako Ministerioari. b. Dagokion Lurralde Historikoko Hauteskunde Batzordeari. c. Hauteslea bizi den herrialdean horretarako ezarritako posta-kutxara. 
