Segurtasun Saila

Hauek erabil dezakete: %33ko edo handiagoko ikusmen urritasun aitortua duten edo ONCEko afiliatuak diren pertsonek, Braille irakurketa eta idazketa sistema ezagutzen dutenek.

Prozedura hori borondatez erabil daiteke; beraz, nahi duten pertsonek konfiantzazko pertsonak lagunduta joan daitezke botoa ematera edota postaz eman dezakete.

Boto lagundu hori eskatzeko, Eusko Jaurlaritzako Herrizaingo Sailarekin harremanetan jarri behar da, doako telefono honetan: 900.840.899 . Eskaera 28 eguneko epean egin behar da, hauteskundeen deialdia iragartzen den egunetik kontatzen hasita.

Elkarrizketa horretan, hautesleek hauek adierazi behar dituzte:

• Izena.
• Abizenak.
• Helbidea.
• NANa.
• Harremanetarako telefono zenbakia.
• Braille irakurketa eta idazketa sistema dakitela adieraztea.
• Aitortutako ikusmen urritasun-maila edo ONCEko afiliazioa
  

Herrizaingo Sailak datu horiek egiaztatzea edozein unetan eska dezake.

Boto-txartel eta gutun-azal ofizialak erabiltzean datza (Braillen erreferentziarik egin gabe), baina, dokumentazio osagarriarekin batera (Braillen), botoaren aukera identifikatzen utziko duena, eskuragarritasuna eta isilpeko botoa bermatuz.

Boto-emaileak dokumentazio hau jasoko du botoa ematera joango den Mahaian:

• Dokumentazioa erabiltzeari buruzko azalpen-argibideak, Braille sisteman inprimatuta.
• Bozketarako gutun-azala (Braille sistemarik gabe).
• Hautagai-zerrenda bakoitzeko gutun-azal bana, tintan eta Braillen. Gutun-azal bakoitzaren barruan, boto-txartela egongo da (Braille sistemarik gabe), gutun-azalaren kanpoko aldean adierazitako hautagai-zerrendari dagokiona.

Era berean, Braille botoa eskatu duenak erraz kontsulta ditzake 2009ko Eusko Legebiltzarrerako hauteskundeetan aldarrikatutako hautagai-zerrendak eta horien hautagaiak Herrizaingo Saileko web orrian (www.elecciones.net). Informazio hori eskuragarri egongo da bozketa izango den egunera arte. Gainera, aipatu hautagai-zerrendei buruzko informazioa eska daiteke doaneko telefono honetan 900.840.899.

Botoa emateko prozedura hori erabiltzeko asmoa azaldu duen pertsonak urrats hauei jarraitu behar die:

• Botoa emateko egokitu zaion Mahaira joango da.
• Identifikatu ondoren, Mahaiak egiaztatuko du boto lagundua emateko eskaera egin duen. Jarraian, mahaiburuak lehen azaldutako dokumentazioa emango dio, boto-txartela hautatze aldera.
• Dokumentazio hori pribatuan erabiltzeko prestatutako lekura joango da. Beharrezkoa izanez gero, leku hori non dagoen erakutsiko zaio.
• Hautatutako botoa identifikatu eta boto-txartela bozketako gutun-azalean sartuko du.
• Berriro Mahaira joango da, eta, Mahaiko-Erroldan dagoen ala ez egiaztatutakoan, botoa mahaiburuari emango dio hautestontzian sar deza.

Azkenik, eskuratu dizkioten boto-txartel guztiak biltzea ez zaio ahaztu behar boto-emaileari, emandako botoa isilpean gordetze aldera.

Informazio gehiago lortzeko ikus legeria. Deskargatu ikusmen urritasuna dutenei boto-ematearen eskubidea gauzatzen errazten dien boto-emate abegitsuaren prozedura arautzen duen abenduaren 7ko 1612/2007 errege dekretua (abenduak 8ko 294 zenbakidun Estatuko Aldizkari Ofiziala) eta ikusmen urritasuna dutenei boto-ematearen eskubidea gauzatzen errazten dien boto-emate abegitsuaren prozedura garatzen duen abenduaren 21eko 3817/2007 barne ministerioaren ordena (abenduak 27ko 310 zenbakidun Estatuko Aldizkari Ofiziala).