Galde-erantzunak
HAUTAGAI-ZERRENDAK
Zenbat alderdi eta hautagai-zerrenda aurkezten dira hauteskundeetara? Zein dira hautagaiak?
Zenbat hautagai aukera daitezke hauteskunde-barruti edo Lurralde Historiko bakoitzean?
Noiz jakingo da ofizialki zein diren aukeratutako hautagaiak?
Zein dira hauteskundeetan lehiatzen diren alderdi politikoen helbideak eta telefonoak?
Zer desberdintasun dago Eusko Legebiltzarrerako eta Senatuko zerrenden artean?
Zein baldintza bete behar dira Eusko Legebiltzarrerako hautagai izateko?
Euskadiko erroldan inskribaturik egon behar al da hautagai izateko?
Zenbat alderdi eta hautagai-zerrenda aurkezten dira hauteskundeetara? Zein dira hautagaiak?
Ikusi hautagai-zerrenden atala web honetan.
Zenbat hautagai aukera daitezke hauteskunde-barruti edo Lurralde Historiko bakoitzean?
25 pertsona Lurralde Historiko bakoitzeko, hau da, denera 75 Euskadin (Eusko Legebiltzarrerako Hauteskunde Legearen 10. art.).
Noiz jakingo da ofizialki zein diren aukeratutako hautagaiak?
Aukeratuak izendatzen diren egunetik aurrera.
Zein dira hauteskundeetan lehiatzen diren alderdi politikoen helbideak eta telefonoak?
Ikusi alderdi politikoen direktorioa webean.
Zer desberdintasun dago Eusko Legebiltzarrerako eta Senatuko zerrenden artean?
Eusko Legebiltzarrekoak itxiak eta blokeatuak dira, eta Senatukoak irekiak.
Zein baldintza bete behar dira Eusko Legebiltzarrerako hautagai izateko?
Eusko Legebiltzarrerako Hauteskunde Legearen arabera (4.1 eta 3 art.):
- Euskaldunaren izaera politikoa edukitzea = Euskadiko edozein udalerriko bizilaguna izatea.
- Hautagai aurkezten den unean adinez nagusia izatea.
- Espainiar nazionalitatea izatea.
- Hautagai izateko baldintzak betetzea (ikusi 4.2 eta 3 art.).
Beste hautagai edo ordezko batek hartzen du bere lekua hautagai-zerrendan.
Euskadiko erroldan inskribaturik egon behar al da hautagai izateko?
Ez, aski da Euskadiko udalerri bateko bizilaguna dela egiaztatzea, hau da, euskaldunaren izaera politikoa edukitzea (Eusko Legebiltzarrerako Hauteskunde Legearen 50.2 e) art.).
Eusko Legebiltzarrerako hauteskundeetan ez da aukeratzen Lehendakaria, baizik eta eusko legebiltzarkideak, 25 pertsonako zerrenda itxitan.
Errekurtsoa jar dezake ez izendatu izanaren aurka, Administrazioarekiko Auzietarako Auzitegian (eskumena duena izan beharko du), eta horren epaiaren aurka, berriz, Konstituzio Auzitegian babes-errekurtsoa aurkezteko aukera ere izango du. (Eusko Legebiltzarrerako Hauteskundeen Legearen 67. artikulua ikusi).
Hautagai-zerrenda bat izendatzearen kontrako helegitea jartzearen ondorioz, Hautesle Erroldako Bulegoaren Delegazio Probintzialak bidalitako boto-txartel guztiak beranduago helduko zaizkie posta arruntez bozkatzea eskatu dutenei, atzerrian bizi diren Euskadiko herritarrei eta itsasoan daudenei (ikusi Euskadin bizi direnen 11.A epigrafea eta atzerrian bizi diren Euskadiko herritarren 11.B epigrafea).
Indarrean dagoen Eusko Legebiltzarrerako Hauteskunde Legearen 50.4 artikuluak, Gizonen eta Emakumeen Berdintasunerako otsailaren 28ko 1/2005 Legearen bidez, hauxe zehazten du: hautagai-zerrendak izendatu ahal izateko, erdiak gutxienez emakumeak izan behar dutela, hautagaien eta ordezkoen 6nako multzotan. Parekotasuna ez bada zuzentzen legezko epeetan, hautagai-zerrenda ezingo da izendatu. (ildo horretan, ikusi EAEko Hauteskunde Batzordearen Akordio argigarria 49. EHAAn, 2005eko martxoaren 11koan).
Hautesle-elkarte horiek ezingo dira hauteskundeetara aurkeztu, baldin eta frogatzerik badago harekin antzekotasun nabaria dutela talde horiek osatzen duten pertsonen edo hautagai-zerrendak zuzendu, ordezkatu edo kudeatzen dituztenen egiturak, antolakuntzak eta jarduerak, edo finantzazioaren edo baliabide materialen jatorriak, edo beste edozein arrazoi esanguratsuk -adibidez, indarkeriari edo terrorismoari laguntzeko jarrerak-, eta, beraz, haren jarraipentzat edo ordezkotzat har daitezkeenak (HEOLO edo Hauteskunde Erregimen Orokorreko Lege Organikoaren 45.4 artikulua, Alderdi Politikoen Lege Organikoak dioen moduan).
Hautesle-elkarte horiek izendatzearen kontrako helegiteak Auzitegi Goreneko Sala Bereziaren aurrean aurkeztuko dira, Botere Judizialaren Lege organikoaren 61. artikuluaren arabera. Helegite hori Gobernuak eta Ministerio Fiskalak jar dezakete, Alderdi Politikoen Lege Organikoaren 11.1 artikuluaren arabera.
