Ekainaren 6an, Bilbon, osasun mentala, gizarte-interbentzioa eta gazteen enplegagarritasuna ikuspegi transkulturaletik lantzeko topaketa irekia egingo da. Jardunaldia Novia Salcedo Fundazioak antolatu du, Bilboko Udala eta BBK Kuna erakundeen laguntzarekin, eta goizeko 9:30etik 13:30era izango da La Perrera Espazioan.

Ekitaldiak Marie Rose Moro-ren parte-hartze nabarmena izango du; osasun mental transkulturalaren alorreko nazioarteko adituak ikuspegi kliniko berritzaile bat eskainiko du gazte migratuekin egiten den laguntza-prozesuen inguruan. Helburua da ikuspegi integratzaile batetik proposamen partekatuak eraikitzea, erakunde, profesional eta gizarte-eragileen artean.

Egitarauan, hainbat mahai tematiko izango dira, non Zehar-Errefuxiatuekin, Cáritas, EDE Fundazioa eta Novia Salcedo Fundazioko ordezkariek parte hartuko duten. Halaber, praktika errealetan oinarritutako esperientziak aurkeztuko dira Peñascal, 34 SFKoop, Camino al Barrio Elkartea, CandelaRadio eta Sortarazi bezalako ekimenen eskutik.

Jardunaldia irekia da inklusio-prozesuak, aniztasuna, osasun mentala eta komunitate-lana interesgarritzat jotzen duten pertsonentzat, bai eta arlo sozial, hezitzaile, sanitario eta enpleguko profesionalentzat ere.