Finantza pertsonalak hobeto ulertzeko eta ikuspegi etiko eta solidarioetatik ekiteko moduak ezagutzeko saioa eskainiko da. Jardunaldiak oinarrizko kontzeptuak lantzea proposatzen du, ustekabeko arazo ekonomikoak prebenitzeko eta balio sozialekin koherenteak diren finantza-aukerak ezagutzeko.

Tailerra azaroaren 27an izango da, 17:00etatik 19:00etara, Ekonopolo gunean (Harrobi plaza 4, Bilbo).

Haurtzaindegi-zerbitzua egongo da eskura, eta zerbitzua eskatzeko epea azaroaren 21ean amaituko da.

Ekimena finantza-ezagutzaren demokratizazioa eta erantzukizunezko ekintzailetza bultzatzen dituen proiektu baten baitan kokatzen da, ekonomia etikoan adituak diren erakundeen lankidetzarekin.