1. Kutsaduraren Prebentzio eta Kontrol Integratuaren Legearen testu bateginaren abenduaren 16ko 1/2016 Legegintzako Errege Dekretuak onartua 9. artikuluak xedatzen duenez, ingurumen-baimen integratua behar da 1. eranskinean jasotako jardueraren bat garatzen duten instalazioak ustiatzeko, eta baimen hori instalazioak eraiki, muntatu edo lekualdatu baino lehen eskuratu beharko da beti, eta instalazioetan egingo diren aldaketetara egokituko da.

2. Abenduaren 16ko 1/2016 Legegintzako Errege Dekretuak onartutako Kutsaduraren Prebentzio eta Kontrol Integratuaren Legearen testu bateginaren 10. artikuluak instalazioa aldatzea titulua duenak honako hau xedatzen du:

   1. Ingurumen-baimen integratua behar duten instalazioen aldaketak funtsezkoak edo ez-funtsezkoak izan daitezke.

   2. Instalazio baten aldaketa ez-funtsezkoa egin nahi duen titularrak ingurumen-baimen integratua emateko organo eskudunari hala jakinarazi beharko dio; titularrak behar bezala arrazoitu beharko du zergatik uste duen aldaketa ez dela funtsezkoa. Jakinarazpen horrekin batera, adierazitako arrazoiak justifikatzen dituzten dokumentuak aurkeztu beharko dira.

   Ingurumen-baimen integratua emateko organo eskudunak ez badu kontrakorik esaten hilabeteko epean, titularrak aldaketa gauzatu ahalko du. Instalazioaren aldaketa ez-funtsezkoaren ondorioz ingurumen-baimen integratua aldatu egin behar bada, kasuan kasuko autonomia-erkidegoak bere aldizkari ofizialean argitaratu beharko du.

   10. artikuluko 4. apartatuak berak 815/2013 Errege Dekretuaren 14. artikuluan jasotako erregelamendu-garapena aipatzen du (815/2013 Errege Dekretua, urriaren 18koa, Industriako Isurpenen Erregelamendua onartu eta Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatzen duena), aldaketa bat funtsezkoa edo ez-funtsezkoa den justifikatzeko kontuan hartu beharreko irizpideak zehazteko.

4. Kutsaduraren Prebentzio eta Kontrol Integratuko Zerbitzuak aztertu du zer eskabide egin eta dokumentazio bidali duen instalazioaren titularrak, eta, kontuan hartuz aipatutako araudiko irizpideak, ulertu dute aldaketa ez-funtsezkoa dela jakinarazi den aldaketa-proiektua.

5. Administrazio-organo honek ulertzen du ezen, instalaziorako jakinarazi den aldaketa ez-funtsezko hori egiteko, aldatu egin behar dela instalazioak duen ingurumen-baimen integratua, egokitu dadin egin nahi den aldaketara, aldaketa horri lotutako baldintza espezifikoak gehitu ahal izateko.

6. Era berean, jarduera Ingurumen-ebaluazioari buruzko abenduaren 9ko 21/2013 Legearen esparruan eta Euskadiko Ingurumen Administrazioaren abenduaren 9ko 10/2021 Legearen II.D eranskinean dago.

   Euskadiko Ingurumen Administrazioaren abenduaren 9ko 10/2021 Legearen 60. artikuluari jarraikiz, ingurumen-ebaluazioko prozeduraren mende jarri behar dira, nahitaez, ingurumenean eragin nabarmena izan dezaketen plan, programa eta proiektuak, bai eta haien aldaketak eta berrikuspenak ere, horrela ingurumen-babes handia bermatzeko eta garapen jasangarria sustatzeko.

   Ingurumen-ebaluazioari buruzko abenduaren 9ko 21/2013 Legearen 7.2 artikulua aplikatuz, ingurumen-ebaluazio sinplifikatua egin behar zaie II. eranskinean zerrendatutako proiektuei, eta horien artean daude, lege horren II. eranskineko i) epigrafeko 6. taldean, «Iturri berriztagarrietatik abiatuta hidrogeno elektrolitikoa, fotoelektrolitikoa edo fotokatalitikoa ekoizteko industria-instalazioak».

   Ondorioz, ingurumen-inpaktuaren ebaluazio sinplifikatuaren prozedura bete behar du proiektuak.

7. Euskadiko Ingurumen Administrazioaren abenduaren 9ko 10/2021 Legearen 23. artikuluan xedatutakoaren arabera, ingurumen-inpaktuaren txostena egiteko eskumena Euskal Autonomia Erkidegoko ingurumen-organoari badagokio, eta jarduera ingurumen-baimen integratuaren araubidearen mende badago, bi araubideei dagozkien prozedura administratiboak eta ingurumen-inpaktuaren ebaluazio arruntaren prozedura integratu egingo dira. Halaber, ingurumen-inpaktuaren adierazpenaren edo ingurumen-inpaktuaren txostenaren edukia, hala badagokio, ingurumen-baimen integratuaren parte izango dira, eta ekintza administratibo berean egingo dira bi adierazpen horiek.

   Aipatutako artikuluan adierazitakoa betetzeko, ebazpen honetan Petróleos del Norte SAk (Petronor) jakinarazitako aldaketa-proiektuari dagokion ingurumen-inpaktuaren txostena ematen da. Proiektu hori ur-elektrolisiaren bidez hidrogenoa ekoizteko instalazio bat da.

8. Eraikuntza- eta eraispen-hondakinen ekoizpena eta kudeaketa arautzeko ekainaren 26ko 112/2012 Dekretuan xedatutakoaren arabera, eraikuntza- eta eraispen-obrak gauzatzearen ondoriozko hondakinek dekretu horrek zehaztutako araubide juridikoa bete beharko dute.

9. Lurzorua kutsatzea saihestu eta kutsatutakoa garbitzeko ekainaren 25eko 4/2015 Legearen 25. artikuluan xedatutakoaren arabera, lurzorua kutsa dezakeen jarduera edo instalazio bat handitu edo aldatzen bada, handitu edo aldatu nahi den jarduerak edo instalazioak okupatutako lurzatiaren mugen barruan, ez da beharrezkoa izango lurzoruaren kalitatea deklaratzeko prozedura hastea; hala ere, hondeaketak egingo badira, hondeatutako materialak behar bezala kudeatu direla egiaztatu beharko da.

10. Proiektua gauzatzeko beste lizentzia, baimen, erantzukizunpeko adierazpen edo komunikazio batzuk behar badira, instalazioa dagoen udalerriko udalak edo dagozkien gaietan eskumena duten beste administrazio publiko batzuek emandakoak, Petróleos del Norte SAk (Petronor) agiri horiek eduki beharko ditu.

11. Ingurumen Sailburuordetzak ebazpen hau emateko eskumena du, Industria, Trantsizio Energetiko eta Jasangarritasunaren Sailaren egitura organikoa eta funtzionala ezartzen duen abenduaren 3ko 410/2024 Dekretuan xedatutakoaren arabera.

    Aipatutako legeria eta aplikagarri diren gainerako arau orokorrak eta berariazkoak aintzat hartuta, honako hau

Lehenengoa. Petronorren findegian 100 MW-ko elektrolizagailuaren proiektua egiteak duen ingurumen-inpaktuaren txostena formulatzea Petróleos del Norte SAk (Petronor) sustatua Abanto y Ciérvana-Abanto Zierbenako udal-mugartean (Bizkaia), ebazpen honen I. eranskinean adierazitako baldintzetan.

Zehaztea ezen, eta betiere ebazpen honetan ezarritako babes- eta zuzenketa-neurriak hartzen badira, bai eta sustatzaileak planteatutakoak ere aurrekoen aurkakoak ez diren heinean, ez dela aurreikusten ingurumenean eragin adierazgarririk sortuko denik proiektua gauzatzearen ondorioz.

Beraz, ez da beharrezkotzat jotzen ingurumen-inpaktuaren ebaluazio arrunta egitea Petronorren findegian 100 MW-ko elektrolizagailuaren proiektuari Petróleos del Norte SAk (Petronor) sustatua Abanto y Ciérvana-Abanto Zierbenako udal-mugartean (Bizkaia).

Bigarrena. Ingurumen-baimen integratua aldatzea eskatzen duen instalazioaren aldaketa ez-funtsezkotzat jotzea Petróleos del Norte SAk (Petronor) jakinarazitako aldaketa-proiektuari dagokionez, petrolioa fintzeko jardueran eta erregai sintetikoen eta hidrogeno elektrolitikoaren instalazioan (HUB instalazioa), Muskiz, Zierbena eta Abanto y Ciérvana-Abanto Zierbenako udal-mugarteetan (Bizkaia).