Lehenengoa. Osakidetza-Euskal osasun zerbitzuko zuzendari nagusiaren abenduaren 9ko 4253/2008 ebazpenaren bidez onartu ziren medikuen kategoriako (hainbat postu funtzional) oinarri espezifikoak; horien oinarri orokorrak Osakidetza-Euskal osasun zerbitzuko zuzendari nagusiaren azaroaren 28ko 4235/2008 Ebazpenaren bidez onartu ziren.

Osakidetza-Euskal osasun zerbitzuko Giza Baliabideetako zuzendariaren 2010eko urtarrilaren 13ko 13/2010 Ebazpenaren bidez onartu zen gainditu zutenen zerrenda, FEM Psikiatria kategorian, eta Andere Otegui Rotaeche andreak 53,0000 puntu atera zituen oposizio-fasean.

Gero, Osakidetza-Euskal osasun zerbitzuko Giza Baliabideetako zuzendariaren maiatzaren 27ko 367/2010 Ebazpenaren bidez, txanda librerako zeudenen zerrenda onartu zen, FEM Psikiatria kategorian; zerrenda horretan, 97,8000 puntu atera zituen Andere Otegui Rotaeche andreak.

Osakidetza-Euskal osasun zerbitzuko zuzendari nagusiaren urriaren 8ko 2642/2010 Ebazpenaren bidez, behin betiko onartu zen txanda libreko FEM Psikiatria kategorian izangaien eta esleituen zerrenda (2010-11-10eko EHAA 216. zk.), non Andere Otegui Rotaeche ageri den 97,8000 punturekin eta lanposturik gabe.

Bigarrena. Osakidetza-Euskal osasun zerbitzuko zuzendari nagusiaren urriaren 8ko 2642/2010 Ebazpenaren kontra, gora jotzeko errekurtsoa ezarri zuen Andere Otegui Rotaeche andreak, eta, ondoren, administrazioarekiko auzi-errekurtsoa jarri zuen (157/2011 laburtua).

Prozedura judizial horri lehen auzialdian amaiera ematen dion epaiak (Vitoria-Gasteizko Administrazioarekiko Auzietarako 3. Epaitegiaren 2012ko maiatzaren 17ko epaia) ezetsi egin zuen administrazioarekiko auzi-errekurtso hori.

Gero, Euskal Autonomia Erkidegoko Auzitegi Nagusiak, 2014ko urriaren 14an, apelazioa partzialki onartu eta apelazioan errekurritutako epaia ezeztatu egin zuen.

Lehenengoa. Osakidetza-Euskal osasun zerbitzuko zuzendari nagusiari dagokio epaia betearaztea, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzua Ente Publikoaren estatutu sozialak ezartzen dituen azaroaren 11ko 255/1997 Dekretuak ematen dizkioten eskumenen arabera.

Bigarrena. Administrazioarekiko auziez arduratzen diren epaitegi eta auzitegiek beren epaiak betearazteko eskumena dute; prozesuko alderdiek, berriz, epai eta ebazpen horiek bertan adierazten den moduan bete behar dituzte, horixe xedatzen baita administrazioarekiko auzietako jurisdikzioa arautzen duen uztailaren 13ko 29/1998 Legearen 103.1 eta 103.2 artikuluetan.

Euskal Autonomia Erkidegoko Auzitegi Nagusiak 2014ko urriaren 14an emandako epaiaren ondorioz, 2,0100 puntu konputatu zitzaizkion Andere Otegui Rotaeche andreari prestakuntzaren atalean; beraz, haren puntuazio orokorra 99,8100 puntura igotzen da FEM Psikiatria kategorian.

Behar diren izapideak egin ondoren, Andere Otegui Rotaeche andreari Bizkaiko osasun mentaleko sarean (Zaldibarko ospitalean) lanpostu bat esleitu beharko zaio, txanda librean, FEM Psikiatria kategorian.

Hirugarrena. Prozedura izapidetzean egin diren gainontzeko administrazio-egintzak, hain zuzen ere, orain aldatutakoekin zerikusirik ez dutenak, bere horretan utziko dira, gauzatu ziren moduan (azaroaren 26ko 30/1992 Legearen 66. artikulua).

Laugarrena. Prozedura hau izapidetzean, interesdunei entzun zaie, kontuan hartuta azaroaren 26ko 30/1992 Herri Administrazioen Araubide Juridikoaren eta Administrazio Prozedura Erkidearen Legearen 84. artikuluan xedatutakoa.

Azaldutako guztiagatik, hau

Lehenengoa. Euskal Autonomia Erkidegoko Auzitegi Nagusiak 2014ko urriaren 14an Andere Otegui Rotaeche andrearen eta 2008. urteko Enplegu Publikoaren Eskaintzaren inguruan emandako epaia bete dadin agintzea.

Bigarrena. Epaitza izapide hauen bitartez gauzatzea:

1. Andere Otegui Rotaeche andreari prestakuntzaren atalean 10,3100 puntu aitortzea; beraz, 2008ko EPEren testuinguruan, FEM Psikiatria kategorian, haren azken puntuazioa 99,8100 puntura igotzen da.

2. Lanpostu bat esleitzea Andere Otegui Rotaeche andreari, Bizkaiko osasun mentaleko sarean (Zaldibarko Ospitalean), txanda librean, FEM Psikiatria kategorian.

3. Andere Otegui Rotaeche andrea pertsonal estatutario finko izendatzea FEM Psikiatria kategorian, Bizkaiko osasun mentaleko sarean (Zaldibarko ospitalean).

4. Andere Otegui Rotaeche andreak hilabeteko epea izango du destinoaz jabetzeko, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera.

   Destinoko lanpostuaz jabetzeko ekitaldia Osakidetza-Euskal osasun zerbitzuaren Zuzendaritza Nagusian izango da, egoitza zentralean, izangaiak aldez aurretik zita eskatuta, eta esleipendunek dokumentazio hau aurkeztu beharko dute ekitaldi horretan:

   NAN, pasaportea edo gidabaimena edo dokumentu baliokidea Europar Batasuneko edo Europako Esparru Ekonomikoko beste estatu kideren bateko nazionalentzat, eta dokumentu mota bera langileak estatu batetik beste batera libre ibiltzeko aukera aplikatzen zaien estatuetako nazionalitatea dutenen kasuan.

   Elkargoko kide izatearen ziurtagiria.

   Zinpeko aitorpena edo hitzematea honako hau jakinarazteko: ez dela diziplinako espediente baten bidez inongo administrazio publikotako zerbitzutik bereizi eta ez dagoela zeregin publikoetan jarduteko ezgaituta.

   Epearen barnean, ez baditu aipatutako agiri horiek aurkezten edo horiek aztertuta ikusten bada lanpostuko/kategoriako baldintzaren bat ez duela betetzen, ezingo du hartu pertsonal estatutario gisa esleitutako lanpostua, eta baliogabetuta geldituko dira haren ekinbideak; horrez gain, erantzukizuna ere eskatu ahal izango zaio hasierako eskaera faltsutzeagatik.

   Era berean, ohartarazten da epearen barnean edo, hala dagokionean, epe luzatuan destinoaz jabetzen ez bada hautatze-probetatik eratorritako eskubideak galduko dituela.

   Goragoan esandakoa kontuan izanik, destinoaz jabetzen bada, izapide hori bete eta hurrengo egunean hasi beharko du zerbitzu sanitarioetako erakundean.

   Hirugarrena. Ebazpen honetan xedatutakoaren eraginetik at geratzen diren gainerako egintza eta izapideek bere hartan jarrai dezatela agintzea.

   Laugarrena. Ebazpen hau EHAAn argitaratzeko eta Andere Otegui Rotaeche andreari eta EAEko Auzitegi Nagusiari jakinarazteko agintzea.

   Bosgarrena. Epaitegi horri dagokio epaia betetzeko izapideetan sor daitezkeen gorabeherak aztertzea eta ebaztea, halaxe ezartzen baita Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan.

   Vitoria-Gasteiz, 2015eko otsailaren 13a.

   Osakidetza-Euskal osasun zerbitzuko zuzendari nagusia,

   JON JOSEBA ETXEBERRIA CRUZ.