Diru-laguntzak eta bekak

Lanaldi partzialeko kontratu mugagabeak lanaldi osoko kontratu mugagabeak bihurtzeko 2026ko dirulaguntzak

[PARTZ]

Lanbide - Euskal Enplegu Zerbitzua

Deskribapena

Xedea

Honen helburua da lanaldi partzialeko kontratu mugagabeak lanaldi osoko kontratu mugagabe bihurtzeko dirulaguntzak emateko oinarri arautzaileak deitzea eta argitaratzea, enpleguaren kalitatea hobetzeko eta partzialtasuna murrizteko neurri gisa, emakumeen eta gizonen arteko berdintasunaren ikuspegi indartua txertatuz.

 

Aurrekontuko zuzkidura

3.000.000 €

Prestazio ekonomikoa

Diruz lagundu ahal izango dira hasieratik lanaldi partzialera formalizatutako kontratu mugagabeak dirulaguntza eskatu aurretik lanaldi osoko kontratu mugagabe bihurtzen direnean.

Kontratu-bihurketa horiek deialdi hau Euskal Herriko Agintaritzaren Aldizkarian argitaratu eta hurrengo egunetik eskabideak aurkezteko epearen azken egunera arte egin ahal izango dira.

Kontratua bihurtzeak Gizarte Segurantzako afiliazio-datuak aldatzea ekarri beharko du lanaldia aldatzeagatik, eta aldaketa horren data hartuko da bihurketa-datatzat.Deialdi honen babesean egindako kontratu-bihurketek bat etorri beharko dute Langileen Estatutuan eta aplikatu beharreko gainerako araudian ezarritakoarekin, eta, nolanahi ere, honako baldintza hauek bete beharko dituzte:

  • Hasierako lanaldi partzialak kasu bakoitzean aplikatzekoa den lanaldi osoaren % 70 edo gutxiago izan beharko du. Bihurketaren ondorioz, lanaldia aplikatu beharreko lanaldi osoaren % 100aren baliokidea izango da.
  • Kasu guztietan, kontratuak mugagabea izan behar du, gutxienez, bihurketa egin baino 6 hilabete lehenagotik, eta gehienez % 70eko lanaldia izan behar du aldi berean.
  • Bihurketa-kontratuek EAEko lantoki bati lotuta egon behar dute.
  • Bihurketa-kontratuek lantokiko batez besteko plantilla handitzea ekarri behar dute.


Kontratazio hauek ez dira diruz lagunduko:

  • Enpresaburuarekin edo enpresa-kontrola dutenekin, zuzendaritzako karguak dituztenekin edo enpresetako administrazio-organoetako kide direnekin (bigarren gradura arteko odolkidetasuneko edo ezkontza-ahaidetasuneko ahaidetasuna barne) ezkontidea, ondorengoa eta gainerako senideak kontratatzea, edozein dela ere haien forma juridikoa.
  • Lanbide-Euskal Enplegu Zerbitzu Publikoak egindako edo deialdi horien esparruan diruz lagundutako edozein deialditan diruz lagundutako jarduerei lotuta formaliza daitezkeen kontratu guztiak.

 

Ordainketa-modua:

1) Dirulaguntza bi zatitan ordainduko da:

  • Lehen ordainketa, emandako dirulaguntzaren % 50ekoa, 2026ko ekitaldiko aurrekontuko ordainketa-kredituaren kargura, dirulaguntza ematen den unean.
  • Bigarren ordainketa, gainerako % 50a, 2027ko ekitaldiko konpromiso-kredituaren kargura, dirulaguntza eman zenetik hamabi hilabete igaro ondoren, epe horretan lanaldi osorako bihurtutako kontratuari ofizioz eutsi zaiola egiaztatu ondoren.

2) Zenbatekoa hasierako lanaldi partzialaren arabera zehaztuko da, zenbatekoen taula honetan ezarritako irizpideen arabera:

Hasierako lanaldi partziala
(aplikatu beharreko lanaldi osoaren gainean)

Zenbatekoa (€)

≤ % 50

4.000 

> % 50 eta ≤ % 60

3.500 

> % 60 eta ≤ % 70

3.000 

Adierazitako dirulaguntzen zenbateko guztiak % 50 gehituko dira lanaldi osorako bihurtutako lan-kontratuak emakumezko langileekin egiten direnean.

Hasierako lanaldi partziala
(aplikatu beharreko lanaldi osoaren gainean)

Zenbatekoa emakumea bada (€)

≤ % 50

6.000 

> % 50 eta ≤ % 60

5.250 

> % 60 eta ≤ % 70

4.500 

Nori dago zuzenduta

Pertsona juridiko pribatuak

Enpresa pribatuak, edozein forma juridiko dutela ere, banakako enpresaburuak, ondasun-erkidegoak eta sozietate zibilak, bai eta 2. apartatuan aurreikusitako egoeretan ez dauden elkarteak eta fundazioak ere, baldin eta honako baldintza hauek betetzen badituzte:

a) Egoitza soziala eta fiskala EAEn izatea edo lantokia EAEn egotea.

b) Administrazio publiko batek edo gehiagok % 50eko edo gehiagoko partaidetza zuzena edo zeharkakoa ez izatea.

Betekizunak

  • Ez egotea laguntza edo dirulaguntza publikoak lortzeko aukera galtzea dakarren epai irmo batez kondenatuta, delitu hauetakoren bat egiteagatik: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

  • Ez du eskatu borondatezko konkurtso-deklaraziorik, ez dago edozein prozeduratan kaudimengabetzat deklaratuta, ez dago konkurtsoan deklaratuta edo, hala egonda ere, hitzarmen bat eraginkor bihurtu dela hartan, ez dago esku-hartze judizialaren pean, eta ez dago desgaitua Konkurtsoari buruzko uztailaren 9ko 22/2003 Legearen arabera edo, hala egonda ere, konkurtsoaren kalifikazio-epaian ezarritako desgaitze-aldia amaitu du.

  • Ez du administrazioarekin egindako kontraturen baten suntsiarazpen irmorik izan, errudun deklaratuak izan direlako.

  • Pertsona fisikoa, merkataritza-sozietateen administratzaileak edo beste pertsona juridiko batzuen legezko ordezkaritza dutenak ez daudela honako lege hauek jasotako bateraezintasun-araubidearen kasuetako batean: Administrazio Publikoen Zerbitzuko Langileen Bateraezintasunei buruzko abenduaren 26ko 53/1984 Legea eta Kargu Publikodunen Jokabide Kodea eta Interes Gatazkak Arautzen dituen ekainaren 26ko Eusko Legebiltzarraren 1/2014 Legea. Edo ez direla Hauteskunde Araubide Orokorraren ekainaren 19ko 5/1985 Lege Organikoan araututako hautapenezko karguak, lege horretan edo gai horiek arautzen dituen autonomia-erkidegoko araudian ezarritako baldintzetan.

  • Ez du egoitza fiskala paradisu fiskaltzat hartutako lurralde edo herrialde batean.

  • Egunean ditu zerga-betebeharrak eta Gizarte Segurantzarekikoak, eta konpromisoa hartzen du betebehar horiek beteko dituela emandako laguntza edo dirulaguntza osoa justifikatu arte, Ekonomia eta Ogasun Kontseiluaren 2023ko otsailaren 13ko Aginduan (2023ko otsailaren 17ko EHAA) aurreikusitako baldintzetan.

  • Ez du dirulaguntzen arloko ordaindu gabeko itzulketa-betebeharrik, Ekonomia eta Ogasuneko sailburuaren 2023ko otsailaren 13ko Aginduaren 4. artikuluan aurreikusitakoaren arabera (2023ko otsailaren 17ko EHAA), eta konpromisoa hartzen du egoera horretan, emandako dirulaguntza osoa justifikatu arte, gertatzen den edozein aldaketaren berri emateko.

  • Dirulaguntza edo laguntza publikoak lortzeko aukera galduta, epai edo administrazio-ebazpen irmo baten bidez kondenatua edo zehatua ez izatea, kondena- edo zehapen-aldia igaro gabe, honako hauek barne:
    • Sexuagatiko diskriminazioa eragiteagatik edo Emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bategina onartzen duen martxoaren 16ko 1/2023 Legegintzako Dekretuaren 3.1 artikuluan jasotako askotariko diskriminazioa eragiteagatik.
    • Abuztuaren 4ko 5/2000 Legegintzako Errege Dekretuak onartutako Lan-arloko arau-hausteei eta zehapenei buruzko Legearen testu bateginaren 46.1.b) eta 46 bis.1.b) artikuluetan aurreikusitako zehapen osagarri bat jasotzeagatik, ebazpen irmo baten bidez.

  • Ez dago sartuta laguntzak edo dirulaguntzak jasotzea eragozten dion legezko kausetan, hauek barne:
    • Berdintasun-planik indarrean ez edukitzea, Estatuko araudiaren arabera horretara behartuta dagoen enpresa izanik.
    • 50 langile baino gehiagoko enpresen kasuan, ez edukitzea ezarrita sexu-jazarpena edo sexuan oinarritutako jazarpena eta sexu-indarkeriak prebenitu eta eragozteko neurririk, emakumeen eta gizonen berdintasunaren arloko Estatuko legeetan ezarritakoaren arabera.
    • LGTBIfobia izatea, bultzatzea edo sustatzea, bihurketa-terapiak sustatzea edo egitea barne

  • Ez dago zehatuta Ekonomia Zirkularra Bultzatzeko Hondakinen eta Lurzoru Kutsatuen apirilaren 8ko 7/2022 Legean edo Euskadiko Ingurumen Administrazioaren abenduaren 9ko 10/2021 Legean aurreikusitako arau-hauste astun edo oso astun batengatik eta administrazio-bidean irmoa den ebazpen baten bidez edo, hala izan bada ere, ezarri ditu beharrezko neurri zuzentzaileak eta ordaindu du dagokion zehapena.

  • Betetzen du desgaitasuna duten pertsonentzat lanpostuak gordetzeko legez ezarritako kuota edo, hala ez bada, hartu dituela dagozkion neurri alternatiboak.

  • Elkartea izanez gero soilik bete
    • Ez dago Elkarte Eskubidea arautzen duen martxoaren 22ko 1/2002 Lege Organikoaren 4. artikuluko 5. eta 6. paragrafoetan aurreikusitako debeku-kausetan sartuta.
    • Ez da inskribatzeko administrazio-prozedura eten zaion elkartea, ez-zilegitasun penalaren arrazoizko zantzuak daudelako, Elkartzeko Eskubidea arautzen duen martxoaren 22ko 1/2002 Lege Organikoaren 30.4 artikuluan xedatutakoa aplikatuz, edo eten egin da dagokion erregistroan inskribatzeko ebazpen judizial irmoa.

  • Ez dago berreskuratze-agindu baten zain, Europar Batasuneko Kontseiluak dirulaguntza bat ilegal eta merkatu erkidearekin bateraezin gisa deklaratu duen aurretiazko erabaki baten ondoren.

  • Ez izatea krisian dagoen enpresatzat, Batzordearen 2024ko ekainaren 17ko 651/2014 (EB) Erregelamenduaren 2.18 artikuluan jasotako definizioaren arabera. Erregelamendu horren bidez, zenbait laguntza-kategoria barne-merkatuarekin bateragarritzat jotzen dira, Europar Batasunaren Funtzionamenduari buruzko Tratatuaren 107. eta 108. artikuluak aplikatuz.

  • Ez egotea berreskuratze-agindu baten mende, Europar Batasuneko Batzordeak aurretiaz erabaki badu laguntza bat legez kanpokoa eta merkatu erkidearekin bateraezina dela.

  • 30.000 eurotik gorako dirulaguntzetan, eta eskatzailea irabazi-asmoa duen pertsona fisikoa edo juridikoa bada, zuzenbide publikoko erakundea ez dena, ez betetzea Merkataritza-eragiketetan berankortasunaren aurkako neurriak ezartzen dituen abenduaren 29ko 3/2004 Legean ezarritako ordainketa-epeak, Dirulaguntzei buruzko azaroaren 17ko 38/2003 Lege Orokorraren 13. artikuluaren 3 bis apartatuan aurreikusitako baldintzetan. Baldintza hori betetzat joko da abenduaren 29ko 3/2004 Legean aurreikusitako ordainketa-epeen betetze-maila Enpresak sortu eta hazteari buruzko irailaren 28ko 18/2022 Legearen azken xedapenetako seigarrenaren d) letraren bigarren apartatuan aurreikusitako ehunekoaren berdina edo handiagoa denean (aurreko ekitaldian hornitzaileei egindako ordainketa guztien gainean ordaindutako fakturen % 90, abenduaren 29ko 3/2004 Legean ezarritako gehieneko epean).

  • Ez egotea Dirulaguntzen Araubidea Erregulatzeko abenduaren 21eko 20/2023 Legearen 13. artikuluaren 2., 3. eta 5. apartatuetan aipatzen diren egoeretako batean.

Erakundeak

Deitzen duen erakundea

  • Zuzenbide pribatuko erakunde publikoak > Lanbide - Euskal Enplegu Zerbitzu Publikoa

Ebazten duen erakundea

  • Zuzenbide pribatuko erakunde publikoak > Lanbide - Euskal Enplegu Zerbitzu Publikoa

Kontaktu-informazioa

Erakundeei eta Enpresei Arreta emateko Zerbitzua: 945 160601 (Informazio orokorra)

Email: partzialtasuna@lanbide.eus

Kodea

1270701

Eskabidea eta dokumentazioa aurkeztea

  • Bete itzazu eskatutako inprimakiak, inprimakirik badago.
  • Presta ezazu eskatutako dokumentazioa formatu digitalean.
  • Sartu Egoitza Elektronikoan botoiaren bidez.
Egoitza Elektronikoa

Ebazpena eta errekurtsoak

Ebazteko epea

Eskagiria aurkeztu eta hurrengo 6 hilabete bitartean.

Diru-laguntza emateko modua

Lehiaketarik gabe

Isilbidearen ondorioak

Gaitzetsiak

Hirugarrenaren datuen alta edo aldaketa "Hirugarrenaren Erregistroan"

  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Hirugarrenen Erregistro Telematikoa aplikazio sarrera

Beste tramite batzuk