Diru-laguntzak eta bekak

Lehentasunezko arretako kolektiboentzako enplegu-proiektu integralak finantzatzeko laguntzak, 2026-2027

[CATP]

Lanbide - Euskal Enplegu Zerbitzua

Deskribapena

Xedea

Gizarte-bazterkeriako egoeran edo arriskuan dauden pertsonentzako banakako ibilbideak garatzea. Proiektu integral horiek izaera desberdineko ekintzak konbinatzen dituzte, hala nola lan-orientazioa eta aholkularitza, prestakuntza eta lanaren aurreko gaitasunak eskuratzea, zeharkakoak eta/edo profesionalak, laneratzea eta enplegua sortzea lanaldi partzialeko aldi baterako lan-kontratuen bidez, aldi berean benetako berdintasuna eta diskriminazio eza indartuz enplegua lortzean.

Programaren helburua da gizarteratzeko eta laneratzeko prozesuen premia handiena duten biztanleei lan-esperientziaren aukera ematea, prestakuntza-jarduerekin eta banakako laguntzarekin batera, lan-munduratzea egonkorragoa izan dadin.

Aurrekontuko zuzkidura

6.983.536 €

Prestazio ekonomikoa

Deialdi honetako araututako laguntzak finantzatzeko baliabide ekonomikoak 6.983.536 eurokoak dira, lehentasunezko arretako kolektiboentzako enplegu-proiektu integralak finantzatzeko; horietatik 4.126.119 euro 2026ko ordainketa-kredituari dagozkio, eta 2.857.417 euro 2027rako konpromiso-kredituari.

"Lehentasunezko Arretako Kolektiboentzako Enplegu Proiektu Integralak" finantzatzeko dirulaguntzak emateko prozedura ondoz ondoko konkurrentziakoa da.

Diruz lagun daitezkeen gastuak honakoak izango dira:

  • 1.794 euro prestakuntza-ekintzetarako, 3. artikuluko 2.1 apartatuan adierazitakoaren arabera.
  • 9.375 euro parte-hartzailearen lan-kontratu bakoitzeko, 3. artikuluko 2.2 apartatuan adierazitakoaren arabera. Dirulaguntza honen bidez, kontratatutako parte-hartzaileen soldata-kostuak eta Gizarte Segurantzakoak estaltzen dira.
  • 246 euro, orientazio-ekintzetarako, 2.3 ataleko 3. artikuluan adierazitakoaren arabera.
  • 3.470 euro, lanbide-jardueraren koordinazio eta jarraipen-lanak egiten dituzten langileei dagozkien soldata-gastuak eta Gizarte Segurantzakoak ordaintzeko. Partida horri dagokionez, dirulaguntza ematen den egunetik aurrera sortutako gastuak onartuko dira.
  • 2.230 euro, jarduketa horiek gauzatzearekin zuzenean lotutako beste kostu batzuetarako, horiei eskainitako denboraren proportzioan: aseguruak, materiala, lokalaren errentamendua, parte-hartzaileentzako kontziliazio-neurriak,etab.

Eskabideak aurkezteko epea deialdi hau EHAAn argitaratu eta hurrengo egunean hasiko da, eta 2026ko azaroaren 2an amaituko da.

Laguntzen eskabideak aurkezten diren hurrenkeran aztertuko dira, eta, aurkeztutako eskabideek eta erantsitako dokumentazioa deialdi honetan eskatutako baldintzak betetzen dituztela egiaztatu ondoren, ordenan emango dira, espedientea osatzen den unearen arabera, aurrekontu-zuzkidura amaitu arte.

Behin hasierako aurrekontu-zuzkidura eta hura handitzeko aukera (% 20ra arteko igoera) amaituta, ebazteke dauden eskabideei ezezkoa emango zaie, eta EHAAn argitaratuko da horren berri, Lanbide-Euskal Enplegu Zerbitzu Publikoko Enplegu eta Prestakuntzako zuzendariaren ebazpen baten bidez.

Ordainketa-modua:

Enplegu-proiektu integralak egiteko emandako dirulaguntza bi zatitan ordainduko da:

  • Lehenengo ordainketa, proiektuari dagokion dirulaguntza osoaren % 59,08koa izango da, dirulaguntza emateko ebazpena jakinarazi ondoren, 2026eko aurrekontuaren kargura.
  • Bigarren ordainketa, guztizkoaren gainerako % 40,92ra artekoa, 2027ko konpromiso-kredituaren kargura, dirulaguntzak 12. artikuluan aurreikusitako moduan justifikatu eta egiaztatu ondoren.

Aurreratutako ordainketen zenbatekoa 180.000 eurotik gorakoa bada, oinarri arautzaileen 11.2. artikuluan ezarritako bermea eratzeko baldintza bete beharko da.

Nori dago zuzenduta

Administrazio publikoak

Deialdi horren esparruan, honako entitate hauek izan ahalko dira laguntzen onuradunak, horretarako eskaera egin ondoren:

  • Euskal Autonomia Erkidegoko foru-aldundiak
  • Mankomunitateak
  • Kuadrillak
  • Euskal Autonomia Erkidegoko udalerriak
  • Aurrekoen mendeko edo haiei lotutako organismoak eta gainerako entitateak ere, autonomia- eta toki-erakundeen sektore publikoa osatzen dutenak.
  • Nortasun juridikorik gabeko udalerrien taldeak ere onuradun izan ahalko dira, horietako bat ordezkari dela, Dirulaguntzei buruzko 2023 ko abenduaren 21eko Lege Orokorrak 11.4 artikuluan ezarritakoaren arabera.
  • EAEko tokiko edo eskualdeko Garapenerako Agentziak eta horiekin lotutako erakundeak.

Elkarteak

Irabazi-asmorik gabeko landa-garapeneko elkarteak, bat etorriz ekainaren 25eko 158/2002 Dekretuarekin, zeinaren bidez ezartzen baita Euskal Autonomia Erkidegoko landa-garapeneko elkarteen berariazko araudia.

Eskakizunak:

  • Elkartzeko Eskubidea arautzen duen martxoaren 22ko 1/2002 Lege Organikoaren 4. artikuluko 5. eta 6. apartatuetan aurreikusitako debeku-kausa batean ez egotea.

  • Inskripzio-prozedura administratiboa etenda izatea, legez kontrako egintza penalen zentzuzko zantzuak aurkitu zaizkiolako, Elkartzeko Eskubidea arautzen duen martxoaren 22ko 1/2002 Lege Organikoaren 30.4 artikuluan xedatutakoa aplikatuta, erregistroan inskribatzeko aukera ematen dion ebazpen judizial irmorik ez dagoen bitartean.

Betekizunak

  • Ez dela kondenatua izan delitu hauetakoren bat egiteagatik: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

  • Epai edo administrazio-ebazpen irmo batek kondenaturik edo zehaturik ez egotea, eta, horren ondorioz, dirulaguntza edo laguntza publikoak lortzeko aukera galdu izana, eta igarota ez edukitzea kondena- edo zehapen-epea.

  • Hartzekodunen konkurtso boluntarioa deklaratzeko eskaera egin ez izana, edozein prozeduratan kaudimengabe deklaratua izatea, hartzekodunen konkurtsoan deklaratuta egotea (salbu eta konkurtso horretan hitzarmen batek efikazia lortu badu), esku-hartze judizialaren menpe egotea edo Konkurtsoari buruzko uztailaren 9ko 22/2003 Legearen arabera desgaituta egotea, edo izan bada, lehiaketaren kalifikazio-epaian ezarritako desgaikuntza- aldia amaituta egotea.

  • Ez duela administrazioarekin egindako kontraturen baten suntsiarazpen irmorik eragin, suntsiarazpen-arrazoi horren errudun deklaratu dutelarik.

  • Merkataritza-sozietateen pertsona fisikoak, administratzaileak edo beste pertsona juridiko batzuen legezko ordezkariak bateraezintasun-egoera hauetakoren batean ez egotea: Administrazio Publikoen Zerbitzuko Langileen Bateraezintasunei buruzko abenduaren 26ko 53/1984 Legean aurreikusitako bateraezintasunen araubideko egoeraren batean eta Kargu publikodunen jokabide-kodea eta haien interes-gatazkak arautzen dituen ekainaren 26ko 1/2014 Legean aurreikusitako egoeraren batean. Edo Hauteskunde Araubide Orokorrari buruzko ekainaren 19ko 5/1985 Lege Organikoan araututako hautapen bidezko kargu batean egotea, arau horretan edo gai hauek arautzen dituen araudi autonomikoan ezarritakoaren arabera.

  • Egoitza fiskala paradisu fiskaltzat hartutako lurralde edo herrialde batean ez izatea.

  • Ez duela dirulaguntzen arloan ordaindu gabeko itzulketa-betebeharrik, Ekonomia eta Ogasuneko sailburuaren 2023ko otsailaren 13ko Aginduaren 4. artikuluan aurreikusitakoaren arabera (2023ko otsailaren 17ko EHAA), eta konpromisoa hartzen duela emandako dirulaguntza osoa justifikatu arte inguruabar horretan gerta daitekeen edozein aldaketa jakinarazteko.

  • Zehapen administratibo edo penalak ez izatea sexu-diskriminazioagatik edo emakumeen eta gizonen berdintasunaren arloko araudia ez betetzeagatik ?zehazki, Emakumeen eta gizonen berdintasuna lortzeko eta emakumeen kontrako indarkeria matxistarik gabe bizitzeko Legearen testu bategina onartzen duen martxoaren 16ko 1/2023 Legegintzako Dekretua edo Emakumeen eta Gizonen Berdintasun Eragingarrirako martxoaren 22ko 3/2007 Lege Organikoa?, eta zehapen-epea igaro ez izana.

  • Laguntzak edo dirulaguntzak jasotzea eragozten dion legezko kausak ez izatea, hauek barne:
    -Ez edukitzea berdintasun-planik indarrean, nahiz eta enpresa Estatuaren araudiaren arabera horretara behartuta egon.
    -Ez edukitzea ezarrita neurririk sexu-jazarpena, sexuan oinarritutako jazarpena eta indarkeria sexualak prebenitu eta borrokatzeko, emakumeen eta gizonen berdintasunaren arloan Estatuak ezarrita dauzkan legeen arabera, 50 langile baino gehiago dituzten enpresen kasuan.
    -LGTBIfobia egitea, bultzatzea edo sustatzea, bihurketa-terapiak sustatzea edo egitea barne

  • Zehatuta ez egotea Hondakinak eta Lurzoru Kutsatuak arautu eta Ekonomia Zirkularra bultzatzeari buruzko apirilaren 8ko 7/2022 Legean edo Euskadiko Ingurumen Administrazioari buruzko abenduaren 9ko 10/2021 Legean aurreikusitakoaren arabera, arau-hauste astun edo oso astun batengatik, eta administrazio-bideko ebazpen irmo baten bidez, harik eta behar diren neurri zuzentzaileak hartu eta zehapena ordaindu arte.

  • Enplegu Zentro Berezia izanez gero, ez betetzea:
    Desgaitasuna duten pertsonentzat lanpostuak gordetzeko legez ezarritako kuota betetzea, edo, bestela, hori betetzeko neurri alternatiborik hartu gabe egotea.

  • Ez duela xede eta helburu bererako beste edozein administrazio publikok edo erakunde publikok edo pribatuk emandako laguntzarik jasotzen.
    -....................euroko laguntza eman zaiola,....................en partetik.
    -....................(e) ri laguntza eskatu ondoren, ebazteke dagoela.

  • Lanbide-Euskal Enplegu Publiko Zerbitzuak emandako dirulaguntza itzultzeko prozedurarik ez duela.
    Lanbide-Euskal Enplegu Zerbitzuak emandako dirulaguntza itzultzeko prozeduran sartuta dagoela:
    -Programa edo deialdia...........................
    -Espediente zenbakia.............................

  • Enpresa-deslokalizazioan ez erortzeko konpromisoa hartzen du, Dirulaguntzen Araubidea arautzen duen abenduaren 21eko 20/2023 Legearen 49. artikuluaren arabera.

  • Enplegu Proiektu Integrala berme osoz garatzeko behar diren baliabide teknikoak eta giza baliabideak ditu.

  • Deialdian eskatutako baldintza guztiak betetzen ditu, eta eskabide honetan jasotako datu guztiak egiazkoak dira.

  • Ez egotea Dirulaguntzei buruzko azaroaren 17ko 38/2003 Lege Orokorraren 13. artikuluaren 2. eta 3. apartatuetan aurreikusitako egoeren eraginpean, dirulaguntzen onuradun izateko baldintzei dagokienez.

  • Entitate eskatzailea ez dago berreskuratze-agindu baten mende, Europar Batasuneko Batzordeak aurretiaz erabaki badu laguntza bat legez kanpokoa eta merkatu erkidearekin bateraezina dela.

  • Entitate eskatzailea ez da krisian dagoen enpresatzat hartzen, aipatutako 651/2014 (EB) Erregelamenduaren 2.18 artikuluan jasotako definizioaren arabera.

  • Erakunde eskatzailea irabazi-asmorik gabeko erakundea da.

  • Erakunde eskatzailea zuzenbide publikoaren mende dago.

  • Ezin du galdu-irabazien kontu laburtua aurkeztu, 38/2003 Legearen 13 3 bis artikuluaren arabera. (30.000 eurotik gorako dirulaguntza emanez gero, eta pertsona fisiko edo juridiko eskatzailea zuzenbide publikoko erakundea ez bada eta irabazi-asmoa badu, auditoretza-ziurtagiria edo adostutako prozeduren txostena emango da)

  • Zerga-betebeharrak eta Gizarte Segurantzarekikoak egunean dituela, eta konpromisoa hartzen duela betebehar horiei eusteko harik eta emandako laguntza edo dirulaguntza osoa justifikatu arte, Ekonomia eta Ogasuneko sailburuaren 2023ko otsailaren 13ko Aginduan aurreikusitakoaren arabera (2023ko otsailaren 17ko EHAA).

Erakundeak

Deitzen duen erakundea

  • Lanbide - Euskal Enplegu Zerbitzu Publikoa > Lanbide - Euskal Enplegu Zerbitzu Publikoaren Zuzendari Orokorra

Ebazten duen erakundea

  • Lanbide - Euskal Enplegu Zerbitzu Publikoa > Lanbide - Euskal Enplegu Zerbitzu Publikoaren Zuzendari Orokorra

Kontaktu-informazioa

Erakunde eta enpresei arreta emateko zerbitzua: 945 16 06 01 (informazio orokorra)

E-mail: catp@lanbide.eus

Kodea

1210505

Eskabidea eta dokumentazioa aurkeztea

Aldizkarian argitaratutako eskaerak aurkezteko epeko akatsa atzeman denez, laster argitaratuko da haren zuzenketa. Bitartean, eskaera-orria 2026/10/01eko 00:00etatik 2026/11/02ko 23:59ak arte bete dezakezu.

Eskabide-inprimakia oso-osorik bete beharko da, eta bertan proiektuaren edukiari eta faseei buruz eskatzen diren datuak eman beharko dira, bai eta ebaluatu beharreko kontzeptuei buruzkoak eta zehaztutako dokumentazioa ere.

Diru-laguntza eskatzeko, honako hauek egin behar dituzu:

  • Identifikazio elektronikoaren bitarteko bat izan
  • Dokumentazioa bete, PDF formatuan (edo onartutako beste formatu batean -PDF -), eskaneatu eta ordenagailuan gorde
  • Inprimakiak dauden kasuetan: horiek bete eta ordenagailuan gorde
  • Zerbitzu elektronikora sartu. Bertan 4 pausu jarraitu beharko dira:

               1-Identifikatu
               2-Datuak bete
               3-Dokumentuak erantsi
               4-Sinatu eta bidali.

Hartu izanaren agiria erakutsiko da pantailan bidalketa egin ondoren.

Egoitza elektronikoa

Ebazpena eta errekurtsoak

Ebazteko epea

Laguntza-eskabideak aurkezten diren hurrenkeran aztertuko dira, eta hurrenkera horretan emango zaizkie dirulaguntzak, espedientea osatu ondoren, deialdian aurreikusitako betekizunak eta baldintzak betetzen dituzten guztiei, harik eta aurrekontu-zuzkidura amaitu arte.
Behin hasierako aurrekontu-zuzkidura eta hura handitzeko aukera (% 20ra arteko igoera) amaituta, ebatzi gabe dauden eskabideei ezezkoa emango zaie, eta EHAAn argitaratuko da horren berri, Lanbide-Euskal Enplegu Zerbitzu Publikoko Enplegu eta Prestakuntzako zuzendariaren ebazpen baten bidez.
Ebazteko eta jakinarazteko gehieneko epea 6 hilabetekoa izango da, eskabidea aurkezten den egunetik aurrera. Epe hori igaro eta ebazpen espresurik eman ez bada, dirulaguntzaren eskaera ezetsi egin dela ulertuko da.

Diru-laguntza emateko modua

Lehiaketarik gabe

Isilbidearen ondorioak

Gaitzetsiak

Hirugarrenaren datuen alta edo aldaketa "Hirugarrenaren Erregistroan"

Erakundeak ez badu Lanbideren ordainketarik jaso edo banku-datuak aldatu nahi baditu, hirugarrenaren fitxa bete beharko du Hirugarrenen Erregistro Telematikoaren bidez

Hirugarrenen Erregistro telematikoa

Jarduera hasteko dokumentazioa

Justifikazioa eta amaierako likidazioa

  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Nire karpeta

Beste tramite batzuk